SULTON (SULTON) Ibn Sirin (r.a.)ning aytishicha tushida sulton biror saroyga, masjidga, shaharga yoki qishloqqa kirib kelganini ko‘rsa, o‘sha yerga ranj va musibat yetishiga dalildir. Alloh ta’olo aytadi: . . .Aniqki, podshohlar qachon biror qishloqqa (bostirib) kirsalar uni vayron eturlar. . . (Naml surasi, 34-oyat). Agar tushida sulton ustidan g‘alaba qilganini ko‘rsa, hojati ravo bo‘lishi va maqsadiga yetishiga dalildir. Agar sulton uning o‘ng qo‘lini kesib yuborganini ko‘rsa, unga qasam ichirishlariga dalildir. Agar sulton taxtidan qulaganini yoki taxti singanini, ot tepib yuborganini, qilichi singanini yoki sigir suzib yuborib, uni majruh qilganini ko‘rsa, bularning hammasi uning mamlakati zavol topishiga dalildir. Agar adolatli sultonni ko‘rsa, uning adolatiga yarasha sharaf va ulug‘lik topishiga dalildir. Agar sultonning katta gilam yoki palos yoyganini ko‘rsa, dunyo mulki unga bo‘lishi va uzoq umr ko‘rishiga dalildir. Jobir Mag‘ribiy (r.a.)ning aytishicha, agar sulton o‘z ishlarining yaxshi ekanini ko‘rsa umri va ulug‘ligi ziyoda bo‘lishiga dalildir. Agar o‘lgan sultonni ochiq yuzli va shod ko‘rsa, u bilan so‘zlashsa, ishlari yaxshi bo‘lishi va to‘xtab qolgan ishlarining yurishib ketishiga dalildir.
СУЛТОН (СУЛТОН) Ибн Сирин (р.а.)нинг айтишича тушида султон бирор саройга, масжидга, шаҳарга ёки қишлоққа кириб келганини кўрса, ўша ерга ранж ва мусибат етишига далилдир. Аллоҳ таъоло айтади: . . .Аниқки, подшоҳлар қачон бирор қишлоққа (бостириб) кирсалар уни вайрон этурлар. . . (Намл сураси, 34-оят). Агар тушида султон устидан ғалаба қилганини кўрса, ҳожати раво бўлиши ва мақсадига етишига далилдир. Агар султон унинг ўнг қўлини кесиб юборганини кўрса, унга қасам ичиришларига далилдир. Агар султон тахтидан қулаганини ёки тахти синганини, от тепиб юборганини, қиличи синганини ёки сигир сузиб юбориб, уни мажруҳ қилганини кўрса, буларнинг ҳаммаси унинг мамлакати завол топишига далилдир. Агар адолатли султонни кўрса, унинг адолатига яраша шараф ва улуғлик топишига далилдир. Агар султоннинг катта гилам ёки палос ёйганини кўрса, дунё мулки унга бўлиши ва узоқ умр кўришига далилдир. Жобир Мағрибий (р.а.)нинг айтишича, агар султон ўз ишларининг яхши эканини кўрса умри ва улуғлиги зиёда бўлишига далилдир. Агар ўлган султонни очиқ юзли ва шод кўрса, у билан сўзлашса, ишлари яхши бўлиши ва тўхтаб қолган ишларининг юришиб кетишига далилдир.
Tush.UZ - Tushlar tabiri