TURUNJ MEVASI Doniyol (a.s.) aytadilarki, turunj (sitron) mevasi, garchi sariq rangda bo‘lsa-da hidi xushbo‘y, ta’mi yaxshi, ko‘rinishi pokizadir. Yana aytishlaricha, u Jannat mevasidir va uni tushda ko‘rmoq yaxshidir. Kirmoniyning (r.a.) aytishicha, tushdagi turunj badavlat, chiroyli va odamlarga yaqin kishidir, chunonchi, hamma uni yaxshi ko‘radigan bo‘ladi. Agar turunji borligini yoki kimdir unga berganini ko‘rsa, o‘sha aytilgan sifatli erkak bilan suhbatda bo‘lishini bildiradi. Agar quchog‘ida turunj ko‘rsa, uning oilasida chiroyli farzand tug‘iladi. Agar turunj yeganini ko‘rsa, o‘z molidan yoki bir ulug‘ odamning molidan bahramand bo‘lishini bildiradi. Agar turunjini yashirib qo‘ysa yoki biror narsa bilan o‘rab qo‘ysa, farzandi halok bo‘lishiga dalildir. Agar uyida ko‘pgina turunjlarni ko‘rsa yoki kimdir unga hadya qilsa, kimgadir yaxshilik qilishini bildiradi. Agar etagiga turunj solganini ko‘rsa, kanizagidan farzand tug‘ilishiga, agar etagidan turunj tushib ketganini ko‘rsa, farzand tug‘ilishiga dalildir. Ja’far Sodiq (r.a.) aytadiki, tushda turunj ko‘rmoq to‘rt narsaga dalildir: chiroyli ayolga; pok dinli kanizakka; badavlat do‘stga; aziz va solih farzandga.
ТУРУНЖ МЕВАСИ Дониёл (а.с.) айтадиларки, турунж (цитрон) меваси, гарчи сариқ рангда бўлса-да ҳиди хушбўй, таъми яхши, кўриниши покизадир. Яна айтишларича, у Жаннат мевасидир ва уни тушда кўрмоқ яхшидир. Кирмонийнинг (р.а.) айтишича, тушдаги турунж бадавлат, чиройли ва одамларга яқин кишидир, чунончи, ҳамма уни яхши кўрадиган бўлади. Агар турунжи борлигини ёки кимдир унга берганини кўрса, ўша айтилган сифатли эркак билан суҳбатда бўлишини билдиради. Агар қучоғида турунж кўрса, унинг оиласида чиройли фарзанд туғилади. Агар турунж еганини кўрса, ўз молидан ёки бир улуғ одамнинг молидан баҳраманд бўлишини билдиради. Агар турунжини яшириб қўйса ёки бирор нарса билан ўраб қўйса, фарзанди ҳалок бўлишига далилдир. Агар уйида кўпгина турунжларни кўрса ёки кимдир унга ҳадя қилса, кимгадир яхшилик қилишини билдиради. Агар этагига турунж солганини кўрса, канизагидан фарзанд туғилишига, агар этагидан турунж тушиб кетганини кўрса, фарзанд туғилишига далилдир. Жаъфар Содиқ (р.а.) айтадики, тушда турунж кўрмоқ тўрт нарсага далилдир: чиройли аёлга; пок динли канизакка; бадавлат дўстга; азиз ва солиҳ фарзандга.
Tush.UZ - Tushlar tabiri