TUYA (UShTUR) Ibn Sirin (r.a.) aytadi: Agar kishi o‘zini shitob bilan yurib ketayotgan notanish tuya ustida ko‘rsa, safarga borishiga dalildir. Agar tuya ustida o‘tirganini va yo‘lini yo‘qotib qo‘yganini ko‘rsa, o‘zi uchun kerakli yo‘lning qayerda ekanini bilmasa, o‘z ishi bo‘yicha hayronlikda qolishiga dalildir. Agar urg‘ochi tuya topib olsa, xotin olishiga dalildir. Agar u bo‘taloq bo‘lsa, olgan xotini kichik bo‘ladi. Agar tuya orqasidan chopib kelayotganini ko‘rsa, g‘amgin bo‘lishiga dalildir. Agar tuya o‘zidan yuz o‘girganini va bo‘ysunmaganini ko‘rsa, g‘amgin bo‘lishiga dalildir. Mast tuyaga o‘tirganini ko‘rsa, bir ulug‘ odam ustidan g‘alaba qilishiga dalildir. Agar tuya bilan jang qilayotganini ko‘rsa, o‘ziga dushman bo‘lgan ajnabiy bir erkak bilan o‘zaro xusumat qilishiga dalil bo‘ladi. Agar tuyalar to‘dasini o‘tlatayotganini ko‘rsa, lekin ular o‘zining mulki ekanini bilsa, yoki bilmasa, uning uchun bu viloyat bo‘ladi va o‘sha viloyat xalqi ustidan hukmronlik qiladi. Agar tuyani sog‘ayotganini ko‘rsa, soqqan suti miqdoriga qarab podshohdan mol topadi. Agar sut o‘rniga tuyaning emchagidan qon kelsa, topadigan moli haromdan bo‘lishiga dalildir. Agar bir kishining o‘ziga urg‘ochi tuyani hadya etganini yoki birovdan tuya yoki un sotib olganini ko‘rsa, xotin olishi yoki kanizak sotib olishiga dalildir. Agar uning urg‘ochi tuyasi qochib ketsa yoki o‘g‘ri o‘g‘irlasa, xotindan judo bo‘lishi yoki oralariga xusumat tushishiga dalil bo‘ladi. Agar uning urg‘ochi tuyasi o‘lib qolganini ko‘rsa, xotini o‘lishiga dalildir. Tuyasi bola tuqqanini ko‘rsa, xotinining tug‘ishi va molining ziyoda bo‘lishiga dalildir. Agar tushida urg‘ochi tuyani ko‘rsa, umid qilib yurgan narsasiga yetishishiga dalildir. Tuya go‘shtidan yeyayotganini ko‘rsa, bemor bo‘lishiga dalildir. Kirmoniy (r.a.)ning aytishicha, kimdir unga ko‘pgina tuya go‘shti berganini ko‘rsa, o‘sha go‘sht mikdorkga muvofiq mol topadi. Tuyani qurbonlik qilayotganini, go‘shtidan odamlarga ulashayotganini ko‘rsa, bu yerda bir ulug‘ kishining qurbon bo‘lishi yoki o‘lishiga dalildir. Orqasidan bir notanish tuyaning kelayotganini ko‘rsa, sargashta va hayronlikda qolishiga dalildir. Agar tuyani g‘oliblik bilan o‘ziga zabun qilganini ko‘rsa, dushmanga qahr qilib, uni o‘ziga bo‘ysundirishiga dalildir. Agar tuyalar biror zaminda yoki qishloqda to‘planayotganini ko‘rsa, o‘sha yerda dushmanlarning to‘planishiga yoki o‘sha yerni sel xarob qilishiga yoki o‘sha mavze odamlari ustiga bemorlik hokim bo‘lishiga dalildir. Agar tuyalarning bug‘doy yoki arpadan yuklari borligini ko‘rsa, o‘sha joyda dushmandan xayru barakat yetishiga dalildir. Jobir Mag‘ribiy (r.a.) aytadiki, agar har kim bir yoshli tuya ustiga o‘tirganini ko‘rsa, g‘amgin bo‘lishiga dalildir. Agar o‘z tuyasining andomidan qon oqayotganini ko‘rsa, o‘sha qon miqdoriga muvofiq dunyoviy saodat topishiga dalildir. Agar biyobonda ko‘pgina tuyalarni topib olsa, ulug‘lik va amal topishiga dalildir. Agar ikkita tuya topib olganini ko‘rsa, mol topishiga dalildir. Agar kimdir unga tuya berganini ko‘rsa, o‘sha tuya qimmatiga muvofiq biror kishidan foyda topishiga dalildir. Agar bir qavm bir tuyani so‘yib go‘shtini taqsim qilayotganini ko‘rsa, o‘sha mavzeda biror ulug‘ kishining vafot qilishi va uning molini bo‘lib olishlariga dalildir. Ismoil Ash’as (r.a.) aytadiki, har kim ko‘p tuyaga ega bo‘lganini va tuyalar uning o‘z mulki ekanini, tuyalar arabiy tuya ekanini ko‘rsa, arablar diyoriga podshoh bo‘lishiga dalildir. Agar tuyalar ajamiy tuyalar ekanini ko‘rsa, Ajam diyoriga podshoh bo‘lishiga dalildir. Agar bir ayol biror tuya go‘shtini yeyayotganini ko‘rsa, podshohddn nozu ne’mat topishiga dalildir. Bilginki, tuyaning terisi ham pgu narsaga dalil bo‘ladi. Ta’birchilardan ba’zilarining aytishlaricha, bu tuya sohibasi va sohibi meros topadi. Tuyaning o‘zi bilan gaplashayotganini ko‘rsa, xayru manfaat topishiga dalildir. Ja’far Sodiq (r.a.) aytadiki, tushda tuya ko‘rmoq, o‘n narsani bildiradi: ajam podshohini; amirni; bir mo‘’min odamni; selni; fitnani; obodonlikni; xotinni; Hajni; ne’matni; molni. Arab tuyalari arab xalqiga, ajam tuyalari ajam xalqiga dalildir. Bilginki, tuyakash chora qiluvchini va viloyat egasini va ishlarni to‘g‘ri yo‘lga soluvchi kishini bildiradi.
ТУЯ (УШТУР) Ибн Сирин (р.а.) айтади: Агар киши ўзини шитоб билан юриб кетаётган нотаниш туя устида кўрса, сафарга боришига далилдир. Агар туя устида ўтирганини ва йўлини йўқотиб қўйганини кўрса, ўзи учун керакли йўлнинг қаерда эканини билмаса, ўз иши бўйича ҳайронликда қолишига далилдир. Агар урғочи туя топиб олса, хотин олишига далилдир. Агар у бўталоқ бўлса, олган хотини кичик бўлади. Агар туя орқасидан чопиб келаётганини кўрса, ғамгин бўлишига далилдир. Агар туя ўзидан юз ўгирганини ва бўйсунмаганини кўрса, ғамгин бўлишига далилдир. Маст туяга ўтирганини кўрса, бир улуғ одам устидан ғалаба қилишига далилдир. Агар туя билан жанг қилаётганини кўрса, ўзига душман бўлган ажнабий бир эркак билан ўзаро хусумат қилишига далил бўлади. Агар туялар тўдасини ўтлатаётганини кўрса, лекин улар ўзининг мулки эканини билса, ёки билмаса, унинг учун бу вилоят бўлади ва ўша вилоят халқи устидан ҳукмронлик қилади. Агар туяни соғаётганини кўрса, соққан сути миқдорига қараб подшоҳдан мол топади. Агар сут ўрнига туянинг эмчагидан қон келса, топадиган моли ҳаромдан бўлишига далилдир. Агар бир кишининг ўзига урғочи туяни ҳадя этганини ёки бировдан туя ёки ун сотиб олганини кўрса, хотин олиши ёки канизак сотиб олишига далилдир. Агар унинг урғочи туяси қочиб кетса ёки ўғри ўғирласа, хотиндан жудо бўлиши ёки ораларига хусумат тушишига далил бўлади. Агар унинг урғочи туяси ўлиб қолганини кўрса, хотини ўлишига далилдир. Туяси бола туққанини кўрса, хотинининг туғиши ва молининг зиёда бўлишига далилдир. Агар тушида урғочи туяни кўрса, умид қилиб юрган нарсасига етишишига далилдир. Туя гўштидан еяётганини кўрса, бемор бўлишига далилдир. Кирмоний (р.а.)нинг айтишича, кимдир унга кўпгина туя гўшти берганини кўрса, ўша гўшт микдоркга мувофиқ мол топади. Туяни қурбонлик қилаётганини, гўштидан одамларга улашаётганини кўрса, бу ерда бир улуғ кишининг қурбон бўлиши ёки ўлишига далилдир. Орқасидан бир нотаниш туянинг келаётганини кўрса, саргашта ва ҳайронликда қолишига далилдир. Агар туяни ғолиблик билан ўзига забун қилганини кўрса, душманга қаҳр қилиб, уни ўзига бўйсундиришига далилдир. Агар туялар бирор заминда ёки қишлоқда тўпланаётганини кўрса, ўша ерда душманларнинг тўпланишига ёки ўша ерни сел хароб қилишига ёки ўша мавзе одамлари устига беморлик ҳоким бўлишига далилдир. Агар туяларнинг буғдой ёки арпадан юклари борлигини кўрса, ўша жойда душмандан хайру баракат етишига далилдир. Жобир Мағрибий (р.а.) айтадики, агар ҳар ким бир ёшли туя устига ўтирганини кўрса, ғамгин бўлишига далилдир. Агар ўз туясининг андомидан қон оқаётганини кўрса, ўша қон миқдорига мувофиқ дунёвий саодат топишига далилдир. Агар биёбонда кўпгина туяларни топиб олса, улуғлик ва амал топишига далилдир. Агар иккита туя топиб олганини кўрса, мол топишига далилдир. Агар кимдир унга туя берганини кўрса, ўша туя қимматига мувофиқ бирор кишидан фойда топишига далилдир. Агар бир қавм бир туяни сўйиб гўштини тақсим қилаётганини кўрса, ўша мавзеда бирор улуғ кишининг вафот қилиши ва унинг молини бўлиб олишларига далилдир. Исмоил Ашъас (р.а.) айтадики, ҳар ким кўп туяга эга бўлганини ва туялар унинг ўз мулки эканини, туялар арабий туя эканини кўрса, араблар диёрига подшоҳ бўлишига далилдир. Агар туялар ажамий туялар эканини кўрса, Ажам диёрига подшоҳ бўлишига далилдир. Агар бир аёл бирор туя гўштини еяётганини кўрса, подшоҳддн нозу неъмат топишига далилдир. Билгинки, туянинг териси ҳам пгу нарсага далил бўлади. Таъбирчилардан баъзиларининг айтишларича, бу туя соҳибаси ва соҳиби мерос топади. Туянинг ўзи билан гаплашаётганини кўрса, хайру манфаат топишига далилдир. Жаъфар Содиқ (р.а.) айтадики, тушда туя кўрмоқ, ўн нарсани билдиради: ажам подшоҳини; амирни; бир мўъмин одамни; селни; фитнани; ободонликни; хотинни; Ҳажни; неъматни; молни. Араб туялари араб халқига, ажам туялари ажам халқига далилдир. Билгинки, туякаш чора қилувчини ва вилоят эгасини ва ишларни тўғри йўлга солувчи кишини билдиради.
Tush.UZ - Tushlar tabiri