USTUN (SUTUN) Ibn Sirinning aytishicha, tushdagi ustun davlat va iqboldir. Agar ustuni borligini va bu ustun baquvvat ekanini ko‘rsa, moldor kishidan qadr, ne’mat va mol hosil qilishiga dalildir. Agar ustuni singanini yoki yonib ketganini ko‘rsa, o‘sha kishi dunyodan ketishiga dalildir. Kirmoniyning aytishicha, tushdagi ustun uy sohibi va islomdir. Agar ustuni borligini va u baquvvat ekanini ko‘rsa, din yo‘lida sobitqadam bo‘lishiga dalildir. Jobirning aytishicha, tushdagi ustun uy egasini bildiradi. Agar uy ustuni sinsa yoki yiqilsa xona egasining halok bo‘lishiga dalildir. Agar uy ustunini baquvvat holda ko‘rsa, xona sohibining quvvati va iqboli ziyoda bo‘lishiga dalildir. Hazrati Sodiq (r.a.)ning aytishicha, tushdagi ustun beshta narsani bildiradi: davlat egasini; islomda hukm chiqarishni; ulug‘ o‘likni; ishlarda baquvvatlikni; ko‘rgan yeridagi odamlarga hokim bo‘lishni.
УСТУН (СУТУН) Ибн Сириннинг айтишича, тушдаги устун давлат ва иқболдир. Агар устуни борлигини ва бу устун бақувват эканини кўрса, молдор кишидан қадр, неъмат ва мол ҳосил қилишига далилдир. Агар устуни синганини ёки ёниб кетганини кўрса, ўша киши дунёдан кетишига далилдир. Кирмонийнинг айтишича, тушдаги устун уй соҳиби ва исломдир. Агар устуни борлигини ва у бақувват эканини кўрса, дин йўлида собитқадам бўлишига далилдир. Жобирнинг айтишича, тушдаги устун уй эгасини билдиради. Агар уй устуни синса ёки йиқилса хона эгасининг ҳалок бўлишига далилдир. Агар уй устунини бақувват ҳолда кўрса, хона соҳибининг қуввати ва иқболи зиёда бўлишига далилдир. Ҳазрати Содиқ (р.а.)нинг айтишича, тушдаги устун бешта нарсани билдиради: давлат эгасини; исломда ҳукм чиқаришни; улуғ ўликни; ишларда бақувватликни; кўрган еридаги одамларга ҳоким бўлишни.
Tush.UZ - Tushlar tabiri