CHANG, ZARRA (XABO) Habo — chang va quyosh nurida ko‘rinadigan zarralardir. Ibn Sirin (r.a.)ning aytishicha, tushdagi chang va zarralar yomon so‘z va foyda hamda manfaati bo‘lmagan parishon ishlarni bildiradi. Tushida o‘z mulki bo‘lgan biror narsaga chang o‘tirganini ko‘rsa, uning miqdoriga muvofiq mol hosil qilishiga dalildir. Agar yer va osmon o‘rtasida chang to‘planganini ko‘rsa, odam chiqib ketolmaydigan bir yashirik ish o‘sha mavzeda mavjudligiga dalildir. Chunonchi, Haq ta’olo Kalomi Majidda aytadi: Bas, qilib yubordik uni uchib yurgan tuproq kabi (Furqon surasi, 23-oyat). Jobir Mag‘ribiy (r.a.)ning aytishicha, tushkda hevoda qizil chang va zarralarning paydo bo‘lganini ko‘rsa, o‘sha diyorda bemorlik yuz berishiga dalildir. Agar qora bo‘lsa, musibatga, agar oq bo‘lsa, hechqanday g‘am bo‘lmasligiga dalildir. Tushida yuzi chang bilan qoplanganini ko‘rsa, unga ranj va azob yetishiga dalildir. Alloh ta’olo aytadi: U kunda (boshqa bir) yuzlar uzra g‘ubor bo‘lur (Abasa surasi, 40-oyat). Agar uning mulki bo‘lgan zaminda chang borligini ko‘rsa, uning mikdoricha mol hosil qilishiga dalildir. Kirmoniy (r.a.)ning aytishicha, tushida yuzini chang qoplaganini ko‘rsa, ranj va uqubat yetishiga dalildir. Agar tushida o‘z mulki bo‘lgan yerga chang va tuproq tushganyni ko‘rsa, uning miqdoricha boylik topishiga dalildir. Ja’far Sodiq (r.a.)ning aytishicha, tushda changni ko‘rish uch narsani bildiradi: birinchi molni; balo va fitnani; Haq ta’olo uqubatini.
ЧАНГ, ЗАРРА (ХАБО) Ҳабо — чанг ва қуёш нурида кўринадиган зарралардир. Ибн Сирин (р.а.)нинг айтишича, тушдаги чанг ва зарралар ёмон сўз ва фойда ҳамда манфаати бўлмаган паришон ишларни билдиради. Тушида ўз мулки бўлган бирор нарсага чанг ўтирганини кўрса, унинг миқдорига мувофиқ мол ҳосил қилишига далилдир. Агар ер ва осмон ўртасида чанг тўпланганини кўрса, одам чиқиб кетолмайдиган бир яширик иш ўша мавзеда мавжудлигига далилдир. Чунончи, Ҳақ таъоло Каломи Мажидда айтади: Бас, қилиб юбордик уни учиб юрган тупроқ каби (Фурқон сураси, 23-оят). Жобир Мағрибий (р.а.)нинг айтишича, тушкда ҳевода қизил чанг ва зарраларнинг пайдо бўлганини кўрса, ўша диёрда беморлик юз беришига далилдир. Агар қора бўлса, мусибатга, агар оқ бўлса, ҳечқандай ғам бўлмаслигига далилдир. Тушида юзи чанг билан қопланганини кўрса, унга ранж ва азоб етишига далилдир. Аллоҳ таъоло айтади: У кунда (бошқа бир) юзлар узра ғубор бўлур (Абаса сураси, 40-оят). Агар унинг мулки бўлган заминда чанг борлигини кўрса, унинг микдорича мол ҳосил қилишига далилдир. Кирмоний (р.а.)нинг айтишича, тушида юзини чанг қоплаганини кўрса, ранж ва уқубат етишига далилдир. Агар тушида ўз мулки бўлган ерга чанг ва тупроқ тушганйни кўрса, унинг миқдорича бойлик топишига далилдир. Жаъфар Содиқ (р.а.)нинг айтишича, тушда чангни кўриш уч нарсани билдиради: биринчи молни; бало ва фитнани; Ҳақ таъоло уқубатини.
Tush.UZ - Tushlar tabiri