CHANG CHALMOQ (ChANG ZADAN) Ibn Sirin (r.a.) aytadiki, tushdagi chang chalish yolg‘on so‘z bo‘ladi. Agar chang chalayotganini ko‘rsa, yolg‘on va botil so‘zga dalil bo‘lib, bundan unga g‘am va ziyon yetadi. Agar podshohning chang berganini ko‘rsa, podshohdan unga atolar va ulug‘lik yetishiga dalildir. Agar bu holga yarasha bo‘lmasa, g‘amu anduhdan qutulib, xursandchilikka yetishini bildiradi. Agar changni sindirganini yoki otib yuborganini ko‘rsa, yolg‘ondan tavba qilishiga dalildir. Ba’zi ta’birchilarning aytishicha, tushda chang chalmoq uzoq umrni bildiradi. Kirmoniy (r.a.) aytadiki, har kim tushida chang chalayotganini ko‘rsa, ulug‘lardan bir izzatli ayolga yetishishiga, undan obro‘izzat, mol topishiga, oxiri o‘sha xotinni nikohiga olishiga dalildir. Agar chang, karnay-surnay va raqsni ko‘rsa, bularning barchasi g‘amu musibatga dalildir. Jobir Mag‘ribiy (r.a.) aytadiki, har kim tushida bemorlikda chang va do‘mbira chalayotganini ko‘rsa, vafotiga dalildir.
ЧАНГ ЧАЛМОҚ (ЧАНГ ЗАДАН) Ибн Сирин (р.а.) айтадики, тушдаги чанг чалиш ёлғон сўз бўлади. Агар чанг чалаётганини кўрса, ёлғон ва ботил сўзга далил бўлиб, бундан унга ғам ва зиён етади. Агар подшоҳнинг чанг берганини кўрса, подшоҳдан унга атолар ва улуғлик етишига далилдир. Агар бу ҳолга яраша бўлмаса, ғаму андуҳдан қутулиб, хурсандчиликка етишини билдиради. Агар чангни синдирганини ёки отиб юборганини кўрса, ёлғондан тавба қилишига далилдир. Баъзи таъбирчиларнинг айтишича, тушда чанг чалмоқ узоқ умрни билдиради. Кирмоний (р.а.) айтадики, ҳар ким тушида чанг чалаётганини кўрса, улуғлардан бир иззатли аёлга етишишига, ундан обрўиззат, мол топишига, охири ўша хотинни никоҳига олишига далилдир. Агар чанг, карнай-сурнай ва рақсни кўрса, буларнинг барчаси ғаму мусибатга далилдир. Жобир Мағрибий (р.а.) айтадики, ҳар ким тушида беморликда чанг ва дўмбира чалаётганини кўрса, вафотига далилдир.
Tush.UZ - Tushlar tabiri