SHAMOL (BOD) Ibn Sirin (r.a.) aytadi: Kimki qattiq shamol ko‘tarilganini ko‘rsa, o‘sha diyor odamlariga g‘am va qo‘rqinch bo‘lishiga dalildir. Shamol juda qattiq bo‘lganini va daraxtlarni egib yuborayotganini ko‘rsa, o‘sha diyor axdiga o‘lat va qizamikdan balo va ofat yetishiga dalildir. Kirmoniy (r.a.)ning aytishicha, tushda garmsel shamoli sovuq kasalliklarga dalolat qiladi va sovuqlikda o‘rtacha bo‘lgan shamolni ko‘rsa, o‘sha diyorda yuz beradigan tashvishli kasalliklarga dalil bo‘ladi. Mo‘’tadil shamol o‘sha diyor axdi uchun tandurustlikka, yaxshiliklarga yuz berishiga, o‘sha diyordagi kasbu hunarga dalolat qiladi. Shamol uni bir joydan ikkinchi joyga uchirib ketganini ko‘rsa, uzoq safarga chiqishiga dalil bo‘ladi va bu safarda izzat va ulug‘lik topadi, bordi-yu shamol uni yana yerga qaytarib tushirgan bo‘lsa. Shamol chang va to‘zon bilan birga ekanini ko‘rsa, o‘sha yer qavmiga vahima, qo‘rqinch va andisha yuz berishiga dalildir. Jobir Mag‘ribiy (r.a.)ning aytishicha, qattiq shamol uni osmonga uchirib ketganini ko‘rsa, uning ajali yaqin ekaniga dalolat qiladi. Shamol uni osmondan yana yerga tushirganini ko‘rsa, kasal bo‘lishi va oqibatda yana shifo topishiga dalildir. Hazrati Sodiq (r.a.)ning marhamat qilishlaricha, tushda shamolni ko‘rish to‘qqiz narsaga belgi bo‘ladi: bashoratga; farmoni o‘tishiga; molga; o‘limga; azobga; o‘ldirishga; kasallikka; shifoga; rohatga. Agar shamol ustiga o‘tirganini ko‘rsa, ulug‘lik va farmonbardorlikka dalil bo‘ladi. Ismoil Ash’as aytadi: Mag‘rib shamoli muloyim esayotganini ko‘rsa, o‘sha diyor odamlari uchun molu ne’mat ko‘p bo‘lishiga dalil, shimol shamoli muloyim esayotganini ko‘rsa, o‘sha diyor uchun shifo va rohat bo‘ladi, buning aksi bo‘lsa, yaxshilik bo‘lmaydi. Shamol ovozini eshitayotganini ko‘rsa, ulug‘ podshohning xabari o‘sha diyorga tarqaladi. Shamol o‘sha diyor odamlarini uchirib, havoga olib chiqganini ko‘rsa, o‘sha diyor xalqi sharaf va obro‘ topishiga dalildir.
ШАМОЛ (БОД) Ибн Сирин (р.а.) айтади: Кимки қаттиқ шамол кўтарилганини кўрса, ўша диёр одамларига ғам ва қўрқинч бўлишига далилдир. Шамол жуда қаттиқ бўлганини ва дарахтларни эгиб юбораётганини кўрса, ўша диёр ахдига ўлат ва қизамикдан бало ва офат етишига далилдир. Кирмоний (р.а.)нинг айтишича, тушда гармсел шамоли совуқ касалликларга далолат қилади ва совуқликда ўртача бўлган шамолни кўрса, ўша диёрда юз берадиган ташвишли касалликларга далил бўлади. Мўътадил шамол ўша диёр ахди учун тандурустликка, яхшиликларга юз беришига, ўша диёрдаги касбу ҳунарга далолат қилади. Шамол уни бир жойдан иккинчи жойга учириб кетганини кўрса, узоқ сафарга чиқишига далил бўлади ва бу сафарда иззат ва улуғлик топади, борди-ю шамол уни яна ерга қайтариб туширган бўлса. Шамол чанг ва тўзон билан бирга эканини кўрса, ўша ер қавмига ваҳима, қўрқинч ва андиша юз беришига далилдир. Жобир Мағрибий (р.а.)нинг айтишича, қаттиқ шамол уни осмонга учириб кетганини кўрса, унинг ажали яқин эканига далолат қилади. Шамол уни осмондан яна ерга туширганини кўрса, касал бўлиши ва оқибатда яна шифо топишига далилдир. Ҳазрати Содиқ (р.а.)нинг марҳамат қилишларича, тушда шамолни кўриш тўққиз нарсага белги бўлади: башоратга; фармони ўтишига; молга; ўлимга; азобга; ўлдиришга; касалликка; шифога; роҳатга. Агар шамол устига ўтирганини кўрса, улуғлик ва фармонбардорликка далил бўлади. Исмоил Ашъас айтади: Мағриб шамоли мулойим эсаётганини кўрса, ўша диёр одамлари учун молу неъмат кўп бўлишига далил, шимол шамоли мулойим эсаётганини кўрса, ўша диёр учун шифо ва роҳат бўлади, бунинг акси бўлса, яхшилик бўлмайди. Шамол овозини эшитаётганини кўрса, улуғ подшоҳнинг хабари ўша диёрга тарқалади. Шамол ўша диёр одамларини учириб, ҳавога олиб чиқганини кўрса, ўша диёр халқи шараф ва обрў топишига далилдир.
Tush.UZ - Tushlar tabiri