ETIK, MAXSI, OYOQ KIYIMI (MUZA) Ibn Sirin (r.a.)ning aytishicha, tushdagi oyoq kiyimi agar qishda bo‘lsa, yaxshilik va ezgulikka dalildir, yozda esa g‘am va anduhga dalildir. Oyoq kiyimining ta’biri haqida ta’birchilar orasida ixtilof bor. Ibn Sirin (r.a.)ning aytishicha, oyog‘ida etik, qo‘lida qurol ko‘rsa, dushman u haqda xayolga cho‘mganiga dalildir. Agar etik kiygan bo‘lsa-yu, quroli bo‘lmasa, g‘amu anduhga dalildir, xususan, etik tor bo‘lsa, shundaydir. Agar oshlangan teridan qilingan etigi borligini ko‘rsa, xotin olishiga dalildir. Tushida oshlangan teridan etigi borligini, biroq uning kalta ekanini ko‘rsa, g‘amu anduh yetishiga dalildir. Kirmoniy (r.a.)ning aytishicha, tushida qo‘y terisidan qilingan etik yoki maxsisi borligani ko‘rsa, uning qiymati mikdorida mol topishiga dalildir. Tushida etigi yoki maxsisining tagi teshik ekanini ko‘rsa, xotini o‘lishiga dalildir. Tushida oyog‘idan etik yoki maxsini yechganini ko‘rsa, shodlik va xurramlik topishiga dalildir, agar qamokda bo‘lsa, ozod bo‘ladi. Agar etigi yoki maxsisi kuyganini ko‘rsa, xotini o‘lishiga dalildir Tushida oyoq kiyimining yo‘qolib qolganini ko‘rsa, molining nuqson topishiga dalildir. Jobir Mag‘ribiy (r.a.)ning aytishicha, tushida oyoq kiyimi uyda yo‘qolib qolganini ko‘rsa, xotiniga taloq berishini bildiradi. Tushida oyoq kiyimini birovga berganini yoki sotib yuborganini ko‘rsa, xotini o‘lishiga dalildir. Tushida etigi yoki maxsisini yirtib yuborganlarini ko‘rsa, xotinining o‘lishiga dalildir. Tushida etik yoki maxsisini o‘g‘irlab ketganlarini ko‘rsa, yoshlar uning ayoliga qasd qilishlariga dalildir. Ja’far Sodiq (r.a.)ning aytishicha, tushdagi oyoq kiyimi yumshoq bo‘lsa va ozor bermasa, yetti narsaga dalildir: xotinga; xodimga; kanizakka; quvvatga; ayshga; zafar topishga; foyda topishiga.
ЭТИК, МАХСИ, ОЁҚ КИЙИМИ (МУЗА) Ибн Сирин (р.а.)нинг айтишича, тушдаги оёқ кийими агар қишда бўлса, яхшилик ва эзгуликка далилдир, ёзда эса ғам ва андуҳга далилдир. Оёқ кийимининг таъбири ҳақида таъбирчилар орасида ихтилоф бор. Ибн Сирин (р.а.)нинг айтишича, оёғида этик, қўлида қурол кўрса, душман у ҳақда хаёлга чўмганига далилдир. Агар этик кийган бўлса-ю, қуроли бўлмаса, ғаму андуҳга далилдир, хусусан, этик тор бўлса, шундайдир. Агар ошланган теридан қилинган этиги борлигини кўрса, хотин олишига далилдир. Тушида ошланган теридан этиги борлигини, бироқ унинг калта эканини кўрса, ғаму андуҳ етишига далилдир. Кирмоний (р.а.)нинг айтишича, тушида қўй терисидан қилинган этик ёки махсиси борлигани кўрса, унинг қиймати микдорида мол топишига далилдир. Тушида этиги ёки махсисининг таги тешик эканини кўрса, хотини ўлишига далилдир. Тушида оёғидан этик ёки махсини ечганини кўрса, шодлик ва хуррамлик топишига далилдир, агар қамокда бўлса, озод бўлади. Агар этиги ёки махсиси куйганини кўрса, хотини ўлишига далилдир Тушида оёқ кийимининг йўқолиб қолганини кўрса, молининг нуқсон топишига далилдир. Жобир Мағрибий (р.а.)нинг айтишича, тушида оёқ кийими уйда йўқолиб қолганини кўрса, хотинига талоқ беришини билдиради. Тушида оёқ кийимини бировга берганини ёки сотиб юборганини кўрса, хотини ўлишига далилдир. Тушида этиги ёки махсисини йиртиб юборганларини кўрса, хотинининг ўлишига далилдир. Тушида этик ёки махсисини ўғирлаб кетганларини кўрса, ёшлар унинг аёлига қасд қилишларига далилдир. Жаъфар Содиқ (р.а.)нинг айтишича, тушдаги оёқ кийими юмшоқ бўлса ва озор бермаса, етти нарсага далилдир: хотинга; ходимга; канизакка; қувватга; айшга; зафар топишга; фойда топишига.
Tush.UZ - Tushlar tabiri