X

Xabar eltuvchi. Tushda uni ko’rish harakat qilish va safarlarga dalolat. Ko’pincha gunoh ishlar qilish va o’limga olib boradigan amalga yo’liqishga dalolat qiladi.

Xabis (shirinlik). Uning qurug’i mashaqqat bilan topilgan moldir. Shuningdek, marmelad qiyomlarga olov tekkanligi uchun quvvatu saltanatdagi ko’p rizqdir.

Xalta. U tushda sir saqlovchi kishidir. Aytilishicha, u mol qo’riqlovchi va uni saqlovchi kishi hamdir. Shuningdek, u safarga va inson yelkasida ko’taradigan baloga dalolat qiladi.

Xalxol (ayollar oyog’iga taqadigan bezak). U tushda martaba, kenglik, azizlik va chiroydir.

Xandoq, qal’a atrofidagi chuqurlik. Agar qal’a ilmga dalolat qilsa, xandoq ilmni saqlovchi va amalga oshiruvchi olimlarni bildiradi. Agar qo’rg’on ayolga dalolat qilsa, xandoq uning valesi, agar qo’rg’on farzandga dalolat qilsa, xandoq uning otasi yoki onasiga dalildir.

Xanjar, pichoq. Kim tushida qo’lida xanjar borligini ko’rsa, mol va boylikka erishadi. Kim pichoq yoki xanjarni qiniga solinganini ko’rsa, u bir ayolga uylanadi.

Xantal doni, gorchitsa. U zahardir. Yoxud yomon luqmaga duch keladi. Ba’zida mashaqqatda yaxshi molga erishishini ham bildiradi.

Xasislik. U tushda ko’pincha voqeaga tushib qolishga dalolat.

Xatnachi. Uni tushda ko’rish avratlar ochilishi va sharmandaliklardan xabardor bo’lishga dalolat.

Xizmatchi. Tushda xizmatkor maloikalardir.

Xirmon. U tushda uzoq mehnatdan so’ng jamlangan moldir. Aytilishicha, xirmon mol bo’lib, egasi unga boshqaning kasbi yoki ilmi orqali yetishadi.

Xirildoq, dag’al, past ovoz. Ibn Sirin: ”U foyda yo’lida gapirishdir”, degan bo’lsa, Nobo’lsiy: ”U tushda yog’on gapdir. Ko’pincha faqirning bor bo’lishiga dalolat qiladi”, deb aytgan.

Xonaqoh. Uni tushda ko’rish safar, zuhd, taqvo, Qur’on tilovati, kasbni botil qilish, xotin va farzandlardan uzoqlashish, osiy kishining tavbasi, kofirning hidoyati, g’am-g’ussaning ketishi, gohida esa bo’g’ma kasaliga dalolat qiladi.

Xotin. U tushda chiroyli bo’lsa, yaxshilik va rohatni olib keluvchi yilga dalolat qiladi. Shuningdek, u to’shak va libos kabi narsaga ham dalildir.

Xum. U tushda uyning noyob jihozlari, uyning boshlig’i, uning do’koni va rastasi, xomilador ayoliga dalolat.

Xurmo sotuvchi. Tushda uni ko’rish halol kasbga yoki sunnatni bilivchi olimga dalolat qiladi

Xushbo’y. U yaxshi maqtov, yomon yog’ esa yomon so’zdir