Soʻlim xiyobonda (hajviya) [Anvar Obidjon]

Xiyobondagi bogʻkursida yolgʻiz oʻzi oʻtiribdi. Koʻrib turibman, anvoyi gullarga termilib bahra olayotgani yoʻq. Xayoli boshqa narsada.
Sigaretni chetga otdim-da, borib uning yoniga yalpaydim. U, koʻzlarini jovdiratib, menga bir qarab qoʻydi. Sezdimki, gʻirt oʻshandaqalardan.
Toʻgʻrisini aytsam, unga qarab turib, negadir achinib ketdim. Hali yoshgina ekan.
Kelib oʻtirishga oʻtirdim-u, birinchi boʻlib gap otishga yuragim betlamay, kalovlanib qoldim. Diqqatim oshib, yana sigaret tutatdim. Shunda u men tomonga moyilon boʻlib, koʻzlarimga sinchkovlik bilan tikildi. Chiroyli jilmayib qoʻygach, shamador bir soʻz qotdi:
– Peshma-pesh chekib qoldingiz? Yanglishmasam, biron narsaga xumor boʻlyaptilar shekilli?
Yosh boʻlsang ham, koʻp ishni koʻrganga oʻxshaysan, deb oʻyladim ichimda. Ayni paytda, tuzogʻimga oʻzi bosh tiqqanidan koʻnglim yorishdi.
– Xumor boʻlganda qandoq! – dedim sumalakdek suyulib. – Birga gaplashib xumor yozadiganni topolmay dogʻdamiz xolos.
Endi u menga yaqinroq surilib, kutilmaganda, gapni dangalidan boshladi.
– Biz ikkitamiz, – narigi bogʻkursida oʻtirgan sherigini koʻz qirida koʻrsatdi u. – Agar, sizniyam doʻstingiz boʻlsa...
– Umrimda hech kimga doʻst boʻlmaganman! – deya ochigʻini aytib qoʻyaqoldim men. – Ammo-lekin, meni ikki kishi deb hisoblayveringlar.
– Yoʻgʻ-e! – ishonqiramay, menga boshdan-oyoq razm solib chiqdi u. – Sizni qiynab qoʻymaylik tagʻin?
Oʻzimni salobatliroq koʻrsatishga tirishib, chimirilgancha dimoq ishirdim.
– Ming shukurki, shungayam qiynaladigan ahvolga tushganimizcha yoʻq, – dedim gerdayib va «odatiy standart»ga nisbatan ikki hissa koʻp pul uzatdim. – Qani, tezda doʻkonga yugursinlar-chi, yigitning guli. Sen vino olib kelguningcha, sheriging ikkovimiz stakan topib turamiz.

1978

№	Muallifning boshqa asarlari
1	Oltin yurakli avtobola (qissa va hiko... [Anvar Obidjon] 7760
2	Meshpolvonning janglari [Anvar Obidjon] 7051
3	Oltiariq hangomalaridan [Anvar Obidjon] 2727
4	Bezgakshamol-2 (hajviy hangomalar) [Anvar Obidjon] 1884
5	Qorinbotir (doston) [Anvar Obidjon] 1838
6	Tushuntirish xati (hajviya) [Anvar Obidjon] 1650
7	Jaqqi (hikoya) [Anvar Obidjon] 1600
8	Maqtanchoq (hikoya) [Anvar Obidjon] 1568
9	Berkinib olgan sirgʻacha (hikoya) [Anvar Obidjon] 1456
10	Qoʻgʻirchoqlar (hikoya) [Anvar Obidjon] 1442
11	Тушунтириш хати (ҳажвия) [Anvar Obidjon] 1397
12	Kambagʻalbop Gulmatiy (hajviya) [Anvar Obidjon] 1390
13	Dardingni stadionda ayt (hajviya) [Anvar Obidjon] 1340
14	Eh, la’nati ombor… [Anvar Obidjon] 1312
15	Madaniy zoʻravonlik (hajviya) [Anvar Obidjon] 1293
16	Menga til oʻrgatmoqchi boʻlishgani (h... [Anvar Obidjon] 1286
17	Aspan attorning arizalari (hajviya) [Anvar Obidjon] 1284
18	Аёллар ва хаёллар (ҳажвия) [Anvar Obidjon] 1259
19	Baqalarning niyati buzuq (hajviya) [Anvar Obidjon] 1230
20	Ҳакка холанинг иғволари (ҳикоя) [Anvar Obidjon] 1217
21	Val… valay… (hajviya) [Anvar Obidjon] 1211
22	Ayollar va xayollar (hajviya) [Anvar Obidjon] 1200
23	Вал… валай… (ҳажвия) [Anvar Obidjon] 1199
24	Безгакшамол-2 (ҳажвий ҳангомалар) [Anvar Obidjon] 1195
25	Kezargon Boychechak (qissa) [Anvar Obidjon] 1188
26	Buzoq guvohlikka chaqirilsin! (hajviya) [Anvar Obidjon] 1188
27	Boymamat Beshinchi (hikoya) [Anvar Obidjon] 1187
28	Nishon buqoq va ritmik gimnastika (ha... [Anvar Obidjon] 1176
29	Toʻnni teskari kiyish (hajviya) [Anvar Obidjon] 1176
30	Oltin vasvasasi (hajviya) [Anvar Obidjon] 1174

№	Eng ko‘p o‘qilganlar
1	Gʻazallar, ruboylar [Zahiriddin Muhammad Bobur] 72856
2	Yulduzlar mangu yonadi (qissa) [Togʻay Murod] 67032
3	Sobiq (hikoya) [Said Ahmad] 50968
4	Qorakoʻz majnun (hikoya) [Said Ahmad] 48236
5	Guliston [Sa’diy] 44665
6	Gʻazallar [Nodira] 44067
7	Ot egasi (hikoya) [Shukur Xolmirzayev] 33081
8	Yulduzli tunlar (I- qism) [Pirimqul Qodirov] 32473
9	Мусульманские имена (част... [Ibn Mirzakarim al-Karnaki] 32306
10	Hikmatga toʻla olam (gʻazal, ruboiy... [Sa’diy Sheroziy] 27396

Tavsiya qilamiz