Ziyodbotirdan boshqasi topiladi (hajviya) [Anvar Obidjon]

Ziyodbotirdan boshqasi topiladi (hajviya) [Anvar Obidjon]

– Xoʻp, sizga nima kerak? – Mana roʻyxat... xoʻ-oʻ-sh... Oʻnta tank, yigirmata bronetransportyor, oʻn beshta qiruvchi uchoq, oʻttizta Ziyodbotir, qirqta svetofor, shuncha militsioner, beshta goʻsht tashiydigan mashina. – Ziyodbotirlar allaqachon tugab ketgan. Oʻrniga tank olaqoling. Yoki svetofor. – Shuncha svetoforni nima qilaman? Keyin, har qaysisining yoniga bittadan militsioner ham kerak boʻladi. Mayli, goʻsht tashiydigan mashina koʻproq boʻlaqolsin... E, yoʻq, yaxshisi anavi sariq yubkali... – Natashami? – Ha, shunga oʻxshagan chiroyli-chiroylisidan besh-oltitasini bering. – Bu boshqa gap, – dedi oʻyinchoq magazini sotuvchisi,– bogʻchangizdagi qizaloqlar ham bir yayrab qolishsin-da, omborchi togʻa. 1978

Muallif: Anvar Obidjon