BUYRAK (GURDA) Tushdagi buyrak — topib, xarj qilinadigan yashirin boylikdir. Tushida ko‘pgina suvda yoki yog‘da pishirilgan buyraklari borligini ko‘rsa, ularning mikdoriga muvofiq yashirin boylik topishiga dalildir. Ba’zi ta’birchilarning aytishicha, tushdagi buyrak farzand bo‘ladi, negaki farzandning moyasi maniy (erlik urug‘i) bo‘lib, u buyrakdan hosil bo‘ladi. Ismoil Apgas (r.a.)ning aytishicha, tushida otning buyragiga egaligini va uni pishirib yeganini ko‘rsa, ulug‘ bir kishidan mol topishiga dalildir. Agar tushida sigirning buyragiga egaligini ko‘rsa, o‘sha yili molu ne’mat topishini bildiradi. Agar tushida qo‘y buyragi borligini ko‘rsa, o‘sha dushman tomonidan halol molu ne’mat topishiga dalildir. Agar tushida xom buyrakdan yeganini ko‘rsa, harom mol topishiga dalildir. Agar ko‘p buyraklarga ega ekanini, biroq yemaganini ko‘rsa, aytilganlardan ozroq boylik topishiga dalildir.
БУЙРАК (ГУРДА) Тушдаги буйрак — топиб, харж қилинадиган яширин бойликдир. Тушида кўпгина сувда ёки ёғда пиширилган буйраклари борлигини кўрса, уларнинг микдорига мувофиқ яширин бойлик топишига далилдир. Баъзи таъбирчиларнинг айтишича, тушдаги буйрак фарзанд бўлади, негаки фарзанднинг мояси маний (эрлик уруғи) бўлиб, у буйракдан ҳосил бўлади. Исмоил Апгьас (р.а.)нинг айтишича, тушида отнинг буйрагига эгалигини ва уни пишириб еганини кўрса, улуғ бир кишидан мол топишига далилдир. Агар тушида сигирнинг буйрагига эгалигини кўрса, ўша йили молу неъмат топишини билдиради. Агар тушида қўй буйраги борлигини кўрса, ўша душман томонидан ҳалол молу неъмат топишига далилдир. Агар тушида хом буйракдан еганини кўрса, ҳаром мол топишига далилдир. Агар кўп буйракларга эга эканини, бироқ емаганини кўрса, айтилганлардан озроқ бойлик топишига далилдир.