BULBUL (HAZORDOSTON) Ibn Sirin (r.a.)ning aytishicha, tushdagi bulbul xushovoz va shirin so‘z farzand bo‘ladi, biroq holi zaif bo‘ladi, ilmu adab va bilim sohibi, odamlar uchun sevimli bo‘ladi. Tushida bulbul sovg‘a qilganlarini ko‘rsa, aytilgan sifatdagi farzand tug‘ilishiga dalildir. Tushida birorta bog‘dan bulbul tutib olganini ko‘rsa, xushxulq va yaxshi so‘zli kishi bilan uchrashuv yuz berishiga dalildir. Kirmoniy (r.a.)ning aytishicha, tushdagi bulbul xushovoz xotin bo‘ladi. Tushida bulbul sotib olganini ko‘rsa, xushovoz kanizak sotib olishiga dalildir. Tushida qo‘lidagi bulbul uchib ketganini ko‘rsa, xotiniga taloq berishiga dalildir. Agar qo‘lida bulbulni o‘lib qolganini ko‘rsa, farzandi yoki g‘ulomining o‘lishiga dalil bo‘ladi. Jobir Mag‘ribiy (r.a.)ning aytishicha, tushdagi bulbul farzand, shirin so‘z va yoqimli ovoz bo‘ladi. Agar ko‘pgina bulbullarga ega bo‘lganini ko‘rsa, ularning mikdoriga muvofiq g‘ulomlar sotib olishini bildiradi. Agar bulbullarni so‘yib, go‘shtidan yeganini ko‘rsa, g‘ulomi meros topishiga dalildir. Ja’far Sodiq (r.a.)ning aytishicha, tushdagi bulbul besh narsani bildiradi: xotinni; farzandni; qozini; hakimni va xizmatkorni.
БУЛБУЛ (ҲАЗОРДОСТОН) Ибн Сирин (р.а.)нинг айтишича, тушдаги булбул хушовоз ва ширин сўз фарзанд бўлади, бироқ ҳоли заиф бўлади, илму адаб ва билим соҳиби, одамлар учун севимли бўлади. Тушида булбул совға қилганларини кўрса, айтилган сифатдаги фарзанд туғилишига далилдир. Тушида бирорта боғдан булбул тутиб олганини кўрса, хушхулқ ва яхши сўзли киши билан учрашув юз беришига далилдир. Кирмоний (р.а.)нинг айтишича, тушдаги булбул хушовоз хотин бўлади. Тушида булбул сотиб олганини кўрса, хушовоз канизак сотиб олишига далилдир. Тушида қўлидаги булбул учиб кетганини кўрса, хотинига талоқ беришига далилдир. Агар қўлида булбулни ўлиб қолганини кўрса, фарзанди ёки ғуломининг ўлишига далил бўлади. Жобир Мағрибий (р.а.)нинг айтишича, тушдаги булбул фарзанд, ширин сўз ва ёқимли овоз бўлади. Агар кўпгина булбулларга эга бўлганини кўрса, уларнинг микдорига мувофиқ ғуломлар сотиб олишини билдиради. Агар булбулларни сўйиб, гўштидан еганини кўрса, ғуломи мерос топишига далилдир. Жаъфар Содиқ (р.а.)нинг айтишича, тушдаги булбул беш нарсани билдиради: хотинни; фарзандни; қозини; ҳакимни ва хизматкорни.
Tush.UZ - Tushlar tabiri