O‘G‘IRLIK QILMOQ (DO‘ZDIY KARDAN) Tushida biror kishining molini o‘g‘irlaganini va xarj qilganini ko‘rsa, uni o‘ldirishlariga dalildir. Tushida o‘g‘irlashni niyat qilgani, biroq o‘g‘irlamaganini ko‘rsa, biror kishiga yoqimsiz biror narsa yetkazishiga dalildir. Ba’zilarning aytishicha, bemor bo‘ladi, biroq shifo topadi. Uyidan biror narsani o‘g‘irlab ketganlarini tush ko‘rsa, unga biror ofat va ranj yetishiga dalildir. Kirmoniy (r.a.) aytadiki, tushida o‘g‘ri qo‘liga asir tushganini ko‘rsa, holi yomon bo‘lishiga va g‘amu anduh yetishiga dalildir. Tushida o‘g‘rilar uning yo‘lini to‘sganlarini ko‘rsa, g‘amu anduh ko‘rishiga dalildir. Jobir Mag‘ribiy (r.a.) aytadiki, har kim tushida molu matosini o‘g‘irlab ketganlarini ko‘rsa, tush sohibining hayoti og‘irlashishiga dalildir. Ja’f ar Sodiq (r.a.)ning aytishicha, tushdagi o‘g‘ri bemorlikdir. Ta’birchilarning aytishlaricha, o‘g‘irlik qilingan yerda kuyovlik bo‘ladi yoki o‘g‘il tug‘iladi yoki tush sohibining g‘oyibda odami bo‘lsa, sog‘-salomat qaytib keladi. Doniyol (a.s.) aytadilarki, tushdagi o‘g‘ri xiyonat va hiyladir.
ЎҒИРЛИК ҚИЛМОҚ (ДЎЗДИЙ КАРДАН) Тушида бирор кишининг молини ўғирлаганини ва харж қилганини кўрса, уни ўлдиришларига далилдир. Тушида ўғирлашни ният қилгани, бироқ ўғирламаганини кўрса, бирор кишига ёқимсиз бирор нарса етказишига далилдир. Баъзиларнинг айтишича, бемор бўлади, бироқ шифо топади. Уйидан бирор нарсани ўғирлаб кетганларини туш кўрса, унга бирор офат ва ранж етишига далилдир. Кирмоний (р.а.) айтадики, тушида ўғри қўлига асир тушганини кўрса, ҳоли ёмон бўлишига ва ғаму андуҳ етишига далилдир. Тушида ўғрилар унинг йўлини тўсганларини кўрса, ғаму андуҳ кўришига далилдир. Жобир Мағрибий (р.а.) айтадики, ҳар ким тушида молу матосини ўғирлаб кетганларини кўрса, туш соҳибининг ҳаёти оғирлашишига далилдир. Жаъф ар Содиқ (р.а.)нинг айтишича, тушдаги ўғри беморликдир. Таъбирчиларнинг айтишларича, ўғирлик қилинган ерда куёвлик бўлади ёки ўғил туғилади ёки туш соҳибининг ғойибда одами бўлса, соғ-саломат қайтиб келади. Дониёл (а.с.) айтадиларки, тушдаги ўғри хиёнат ва ҳийладир.