QALTIRAMOQ, SILKINMOQ (LARZIDAN) Ibn Sirin (r.a.)ning aytishicha, tushida bo‘yni qaltiraganini ko‘rsa, omonatni saqlashda zaif ekaniga dalildir. Tushida boshi qaltiraganini ko‘rsa, hokimdan ziyon yetishiga dalildir. Agar qo‘llari qaltiraganini ko‘rsa, maishati yaxshi bo‘lishiga dalildir. Ko‘kragi qaltiraganini ko‘rsa, g‘amga sabab bo‘ladigan so‘z eshitishiga dalildir. Agar tushida qorni qaltiraganini ko‘rsa, quvvati va himoyachisiga bo‘lgan odamdan ranj yetishiga dalil bo‘ladi. Agar oyog‘i qaltiraganini ko‘rsa, safarda ranj tortishiga dalildir. Barcha a’zolari qaltiraganini ko‘rsa, yetaman deb urinayotga muddaosi sababli ranj va qiyinchilik ko‘rishiga dalil bo‘ladi. Doniyol (a.s.)ning aytishlaricha, tushida a’zolarning qaltirashi qo‘rqinch va xavf bo‘ladi. Ja’far Sodiq (r.a.)ning aytishicha, tushda a’zolarning qaltirashi to‘rt narsaga dalildir: ahvolning zaifligiga; qo‘rquvga; g‘amu anduhga; zarar va bemorlikka.
ҚАЛТИРАМОҚ, СИЛКИНМОҚ (ЛАРЗИДАН) Ибн Сирин (р.а.)нинг айтишича, тушида бўйни қалтираганини кўрса, омонатни сақлашда заиф эканига далилдир. Тушида боши қалтираганини кўрса, ҳокимдан зиён етишига далилдир. Агар қўллари қалтираганини кўрса, маишати яхши бўлишига далилдир. Кўкраги қалтираганини кўрса, ғамга сабаб бўладиган сўз эшитишига далилдир. Агар тушида қорни қалтираганини кўрса, қуввати ва ҳимоячисига бўлган одамдан ранж етишига далил бўлади. Агар оёғи қалтираганини кўрса, сафарда ранж тортишига далилдир. Барча аъзолари қалтираганини кўрса, етаман деб уринаётга муддаоси сабабли ранж ва қийинчилик кўришига далил бўлади. Дониёл (а.с.)нинг айтишларича, тушида аъзоларнинг қалтираши қўрқинч ва хавф бўлади. Жаъфар Содиқ (р.а.)нинг айтишича, тушда аъзоларнинг қалтираши тўрт нарсага далилдир: аҳволнинг заифлигига; қўрқувга; ғаму андуҳга; зарар ва беморликка.