BURJLAR Doniyol (a.s.)ning aytishlaricha, Hamal, Qavs va Asadni ko‘rsa, podshoh lashkariga dalil bo‘ladi. Savr, Sunbula va Jadiy podshohning o‘g‘liga dalildir. Javzo, Mezon va Dalv qozi va podshohning sohibi tadbirlariga dalildir. Saraton, Aqrab va Hut podshohning sharobdoriga dalildir. Ibn Sirin (r.a.)ning aytishicha, kimki Hamalni tushida ko‘rsa, mo‘’tabar bir kishi bilash ish yuzasidan uchrashuvi va uning hojatini ravo qilishiga dalildir. Agar Savrni tushida ko‘rsa, johil va nodon odamga ishi tushishi va ishi hojati ravo bo‘lishiga dalildir. Agar Javzoni ko‘rsa, usta va tili ravon odamga ishi tushishi va hojati ravo bo‘lishiga dalildir. Agar Saratonni ko‘rsa, beasl odamga ishi tushishi va hojati ravo bo‘lishi, ulug‘lik va izzat topishiga dalildir. Agar Sunbulani ko‘rsa, bevafo bir ziroatchiga ishi tushishi va murodi hosil bo‘lmasligiga dalildir. Agar Mezonni ko‘rsa, qoziga ishi tushadi va bergan va’dasiga vafo qiladi. Agar Aqrabni ko‘rsa, dushman bilan yoki badkor bir buzuq ayolga ishi tushishi, zahmat topishi va g‘amga tushishiga dalildir. Agar Qavsni ko‘rsa, bir harbiy kishiga ishi tushishi va hojati ravo bo‘lishi va xalq uni do‘st tutishini bildiradi. Agar Hutni ko‘rsa, bir g‘arib, soddadil, andishali, mehribon va kamsuxan kishiga ishi tushishi va hojati ravo bo‘lishiga dalildir.
БУРЖЛАР Дониёл (а.с.)нинг айтишларича, Ҳамал, Қавс ва Асадни кўрса, подшоҳ лашкарига далил бўлади. Савр, Сунбула ва Жадий подшоҳнинг ўғлига далилдир. Жавзо, Мезон ва Далв қози ва подшоҳнинг соҳиби тадбирларига далилдир. Саратон, Ақраб ва Ҳут подшоҳнинг шаробдорига далилдир. Ибн Сирин (р.а.)нинг айтишича, кимки Ҳамални тушида кўрса, мўътабар бир киши билаш иш юзасидан учрашуви ва унинг ҳожатини раво қилишига далилдир. Агар Саврни тушида кўрса, жоҳил ва нодон одамга иши тушиши ва иши ҳожати раво бўлишига далилдир. Агар Жавзони кўрса, уста ва тили равон одамга иши тушиши ва ҳожати раво бўлишига далилдир. Агар Саратонни кўрса, беасл одамга иши тушиши ва ҳожати раво бўлиши, улуғлик ва иззат топишига далилдир. Агар Сунбулани кўрса, бевафо бир зироатчига иши тушиши ва муроди ҳосил бўлмаслигига далилдир. Агар Мезонни кўрса, қозига иши тушади ва берган ваъдасига вафо қилади. Агар Ақрабни кўрса, душман билан ёки бадкор бир бузуқ аёлга иши тушиши, заҳмат топиши ва ғамга тушишига далилдир. Агар Қавсни кўрса, бир ҳарбий кишига иши тушиши ва ҳожати раво бўлиши ва халқ уни дўст тутишини билдиради. Агар Ҳутни кўрса, бир ғариб, соддадил, андишали, меҳрибон ва камсухан кишига иши тушиши ва ҳожати раво бўлишига далилдир.
Tush.UZ - Tushlar tabiri