QO‘ZICHOQ (BARRA) Ibn Sirin (r.a.)ning aytishicha, tushdagi qo‘zichoq xoh erkak bo‘lsin, xoh urg‘ochi bo‘lsin, farzandni bildiradi. Agar qo‘zichoqqa ega bo‘lganini ko‘rsa yoki kimdir unga berganini ko‘rsa, farzand tug‘ilishini bildiradi. Agar qo‘zichoqni so‘yganini ko‘rsa, farzandining o‘lishiga dalildir. Agar qo‘zichoq go‘iggini yeyayotganini ko‘rsa, farzand sababli, unga qayg‘u g‘am yetishiga dalil bo‘ladi. Kirmoniy (r.a.)ning aytishicha, tushda qo‘zichoq ko‘rmoq xayru manfaat yaxshilik, halol mol bo‘ladi. Bu narsalar qo‘zichoqning katta yoki kichikligiga bog‘likdir. Agar qo‘zichoqqa ega ekanini ko‘rsa, shu qo‘zichoqning ko‘rinishiga muvofiq, molu boylik topadi. Agar qo‘zichoq yoki echki bolasini so‘ysa yoki yesa, bu so‘yish uning go‘shti tufayli bo‘lsa, farzand sababli unga musibat yetishiga sabab bo‘ladi. Ja’far Sodiq (r.a.)ning aytishlaricha, tushda qo‘zichoqni ko‘rmoq to‘rt narsaga dalildir: farzandga; halol molga; maishatga; g‘amu anduhga.
ҚЎЗИЧОҚ (БАРРА) Ибн Сирин (р.а.)нинг айтишича, тушдаги қўзичоқ хоҳ эркак бўлсин, хоҳ урғочи бўлсин, фарзандни билдиради. Агар қўзичоққа эга бўлганини кўрса ёки кимдир унга берганини кўрса, фарзанд туғилишини билдиради. Агар қўзичоқни сўйганини кўрса, фарзандининг ўлишига далилдир. Агар қўзичоқ гўиггини еяётганини кўрса, фарзанд сабабли, унга қайғу ғам етишига далил бўлади. Кирмоний (р.а.)нинг айтишича, тушда қўзичоқ кўрмоқ хайру манфаат яхшилик, ҳалол мол бўлади. Бу нарсалар қўзичоқнинг катта ёки кичиклигига боғликдир. Агар қўзичоққа эга эканини кўрса, шу қўзичоқнинг кўринишига мувофиқ, молу бойлик топади. Агар қўзичоқ ёки эчки боласини сўйса ёки еса, бу сўйиш унинг гўшти туфайли бўлса, фарзанд сабабли унга мусибат етишига сабаб бўлади. Жаъфар Содиқ (р.а.)нинг айтишларича, тушда қўзичоқни кўрмоқ тўрт нарсага далилдир: фарзандга; ҳалол молга; маишатга; ғаму андуҳга.