BO‘YIN (GARDAN) Doniyol (a.s.)ning aytishlaricha, tushdagi bo‘yin omonat hamda din joyidir. Agar tushida bo‘yni yo‘g‘on bo‘lib qolganini ko‘rsa, omonatni joyiga qo‘yish, dinning sozligi va diyonatni saqlash quvvatini bildiradi. Tushida bo‘yni kalta va zaif ekanini ko‘rsa, omonatni joyiga qo‘yish uchun zaif ekaniga dalildir. Agar tushida ilon uning bo‘yniga o‘ralib olganini ko‘rsa, mol zakotini bermasligiga dalildir. Alloh ta’olo aytadi: . . . Qiyomat kuni baxillik qilgan narsalari (o‘z bo‘yinlariga) bo‘yinturuq qilib ilib qo‘yiladi. . . (Oli Imron surasi, 180-oyat). Agar tushida bo‘ynida hech narsa bo‘lmagani holda bo‘ynining og‘ir ekanini ko‘rsa, bemor bo‘lishiga dalildir. Tushida bo‘ynida narsa borligini, biroq uning og‘irligini sezmayotganini ko‘rsa, dinining sozligi va umrining uzun bo‘lishiga dalildir. Kirmoniy (r.a.)ning aytishicha, tushida bo‘ynining yo‘g‘on va kuchli ekanini ko‘rsa, omonatni joyiga qo‘yishiga va ishlari mustahkam bo‘lishiga dalildir. Agar bo‘ynining uzun bo‘lib qolganini ko‘rsa, omonat uning bo‘ynida uzoq qolishiga dalildir. Agar bo‘ynini kalta bo‘lib qolganini ko‘rsa, omonatni bo‘ynidan tez tushirishiga dalildir. Agar tushida bo‘ynini qora ekanligini ko‘rsa, omonatga xiyonat qilishiga dalildir. Agar bo‘ynining singanini ko‘rsa, o‘z maqsadidan uzoqlashishiga va diniga nuqson yetishiga dalildir, zero dindan ko‘ra ulug‘roq omonat yo‘q. Agar bo‘ynini kalta ko‘rsa, omonatga xiyonat qilishiga dalildir. Agar buynida mo‘y ko‘rsa, omonatni joyiga qo‘yishda qarzdor bo‘lishiga dalildir. Agar bo‘ynidagi mo‘yni qirib tashlaganini ko‘rsa, karzidan qutilishiga dalildir. Agar bo‘yin go‘shtining qirqilganini ko‘rsa, o‘zida bo‘lgan birovning molini yo‘qotishiga dalildir. Mag‘ribiy (r.a.)ning aytishicha, agar tushida bo‘yin go‘shtini yeganini ko‘rsa, ta’biri aksincha bo‘ladi. Agar tushida birovning bo‘ynida o‘tirganini ko‘rsa, dushman ustidan zafar topishiga dalildir. Ja’far Sodiq (r.a.)ning aytishicha tushda bo‘ynini ko‘rish besh narsaga dalildir: omonatga; quvvatga; xiyonatga; qarzga va bemorlikka.
БЎЙИН (ГАРДАН) Дониёл (а.с.)нинг айтишларича, тушдаги бўйин омонат ҳамда дин жойидир. Агар тушида бўйни йўғон бўлиб қолганини кўрса, омонатни жойига қўйиш, диннинг созлиги ва диёнатни сақлаш қувватини билдиради. Тушида бўйни калта ва заиф эканини кўрса, омонатни жойига қўйиш учун заиф эканига далилдир. Агар тушида илон унинг бўйнига ўралиб олганини кўрса, мол закотини бермаслигига далилдир. Аллоҳ таъоло айтади: . . . Қиёмат куни бахиллик қилган нарсалари (ўз бўйинларига) бўйинтуруқ қилиб илиб қўйилади. . . (Оли Имрон сураси, 180-оят). Агар тушида бўйнида ҳеч нарса бўлмагани ҳолда бўйнининг оғир эканини кўрса, бемор бўлишига далилдир. Тушида бўйнида нарса борлигини, бироқ унинг оғирлигини сезмаётганини кўрса, динининг созлиги ва умрининг узун бўлишига далилдир. Кирмоний (р.а.)нинг айтишича, тушида бўйнининг йўғон ва кучли эканини кўрса, омонатни жойига қўйишига ва ишлари мустаҳкам бўлишига далилдир. Агар бўйнининг узун бўлиб қолганини кўрса, омонат унинг бўйнида узоқ қолишига далилдир. Агар бўйнини калта бўлиб қолганини кўрса, омонатни бўйнидан тез туширишига далилдир. Агар тушида бўйнини қора эканлигини кўрса, омонатга хиёнат қилишига далилдир. Агар бўйнининг синганини кўрса, ўз мақсадидан узоқлашишига ва динига нуқсон етишига далилдир, зеро диндан кўра улуғроқ омонат йўқ. Агар бўйнини калта кўрса, омонатга хиёнат қилишига далилдир. Агар буйнида мўй кўрса, омонатни жойига қўйишда қарздор бўлишига далилдир. Агар бўйнидаги мўйни қириб ташлаганини кўрса, карзидан қутилишига далилдир. Агар бўйин гўштининг қирқилганини кўрса, ўзида бўлган бировнинг молини йўқотишига далилдир. Мағрибий (р.а.)нинг айтишича, агар тушида бўйин гўштини еганини кўрса, таъбири аксинча бўлади. Агар тушида бировнинг бўйнида ўтирганини кўрса, душман устидан зафар топишига далилдир. Жаъфар Содиқ (р.а.)нинг айтишича тушда бўйнини кўриш беш нарсага далилдир: омонатга; қувватга; хиёнатга; қарзга ва беморликка.
Tush.UZ - Tushlar tabiri