XO‘ROZ (XURUS) Ibn Sirin (r.a.)ning aytishicha, tushida xo‘rozi borligini va bu xo‘roz o‘z mulki ekanini ko‘rsa, Ajam xalqidan bo‘lgan bir qulzoda unga qahr qilishini bildiradi, bordi-yu, xo‘rozni so‘yib yuborganini ko‘rsa, qulzoda ustidan zafar topishiga dalildir. Tushida xo‘roz bilan jang qilayotganini ko‘rsa, ajamlik kishi bilan janjallashiga dalolat qiladi. Agar xo‘roz o‘ziga ziyon yetkazganini ko‘rsa, ajamlikdan zarar yetishiga dalildir. Tushida xo‘roz bolasini topib olganini ko‘rsa kichkina g‘ulom yoki kanizakdan bir o‘g‘il tug‘ilishiga dalildir. Tushida xo‘roz qichqirayotganini eshitsa, yaxshilik eshitishiga dalildir. Agar xo‘rozning o‘ziga sakrab, tepganini tush ko‘rsa, birovdan g‘amu anduh yetishiga dalildir. Tushdagi xo‘rozning moyagi g‘ulomni bildiradi. Tushida kimdir unga jo‘ja xo‘roz berganini ko‘rsa, unga bir g‘ulom bag‘ishlashlariga dalildir. Jobir Mag‘ribiy (r.a.) aytadiki, har kim tushida xo‘rozi borligini ko‘rsa, o‘g‘il tug‘iladi yoki muazzin bilan suhbat qurishiga dalildir. Chunonchi, Rasululloh (s.a.v.) buyuradilar: Xo‘roz mening yaxshi ko‘rganimdir, chunki u odamlarni namozga chaqiradi. Ja’far Sodiq (r.a.) aytadiki, tushida xo‘roz go‘pggini yeganini ko‘rsa, martabali bir odam farzandi ustidan g‘olib bo‘lishini bildiradi. Tushida xo‘rozning tuxumini topib olganini va sindirganini ko‘rsa, ulug‘ yoki oddiy odam ustidan g‘alaba qilishini bildiradi.
ХЎРОЗ (ХУРУС) Ибн Сирин (р.а.)нинг айтишича, тушида хўрози борлигини ва бу хўроз ўз мулки эканини кўрса, Ажам халқидан бўлган бир қулзода унга қаҳр қилишини билдиради, борди-ю, хўрозни сўйиб юборганини кўрса, қулзода устидан зафар топишига далилдир. Тушида хўроз билан жанг қилаётганини кўрса, ажамлик киши билан жанжаллашига далолат қилади. Агар хўроз ўзига зиён етказганини кўрса, ажамликдан зарар етишига далилдир. Тушида хўроз боласини топиб олганини кўрса кичкина ғулом ёки канизакдан бир ўғил туғилишига далилдир. Тушида хўроз қичқираётганини эшитса, яхшилик эшитишига далилдир. Агар хўрознинг ўзига сакраб, тепганини туш кўрса, бировдан ғаму андуҳ етишига далилдир. Тушдаги хўрознинг мояги ғуломни билдиради. Тушида кимдир унга жўжа хўроз берганини кўрса, унга бир ғулом бағишлашларига далилдир. Жобир Мағрибий (р.а.) айтадики, ҳар ким тушида хўрози борлигини кўрса, ўғил туғилади ёки муаззин билан суҳбат қуришига далилдир. Чунончи, Расулуллоҳ (с.а.в.) буюрадилар: Хўроз менинг яхши кўрганимдир, чунки у одамларни намозга чақиради. Жаъфар Содиқ (р.а.) айтадики, тушида хўроз гўпггини еганини кўрса, мартабали бир одам фарзанди устидан ғолиб бўлишини билдиради. Тушида хўрознинг тухумини топиб олганини ва синдирганини кўрса, улуғ ёки оддий одам устидан ғалаба қилишини билдиради.