GILAM (GILIM) Ibn Sirin (r.a.)ning aytishicha, tushdagi gilam rais va rahbar bo‘ladi. Agar tush ko‘ruvchi rahbarlardan bo‘lsa, uning izzati va ulug‘ligi yanada ziyoda bo‘ladi. Ba’zi ta’birchilarning aytishicha, tushdagi gilam solih va sara odamdir, u darvishlardan bo‘ladi, Tushida gilam to‘shalganini va bu gilam uning mulki ekanini ko‘rsa, umri uzun va rizqi keng bo‘lishiga dalildir. Agar tushida gilamga o‘tirganini ko‘rsa biroq bu joy kimniki ekanini bilmasa, ahvoli o‘zgarishiga dalildir. Kirmoniy (r.a.)ning aytishicha, tushida gilam olgan bo‘lsa, badavlat ayolga uylanishini bildiradi. Agar bu tushni ayol kishi ko‘rsa, erga tegishi va eridan xayru manfaatlar ko‘rishiga dalildir. Agar tushida kichkina gilamga o‘tirganini ko‘rsa, chiroyli, porso, soz ayolga uylanishini bildiradi. Agar gilam yashil bo‘lsa, urushqoq dindor ayolga dalildir. Agar gilam qizil bo‘lsa, ishrat va shodlikni yaxshi ko‘radigan ayolga dalildir. Agar gilam sariq bo‘lsa, kasalmand ayolga dalildir. Agar gilam qora bo‘lsa, zohid va obid ayolga dalil bo‘ladi. Agar gilam har xil ranglarda bo‘lsa, aytilgan barcha narsa mavjud bo‘lgan ayolni bildiradi. Agar tushida gilamni yopib olganini ko‘rsa, bir ulug‘ va porso odamning himoyasida bo‘lishini, undan foydalar topishini bildiradi. Agar gilamni o‘zidan uzoqlashtirsa va u yo‘qolsa ta’biri aytilganning aksi bo‘ladi. Tushida kichkina gilamga o‘tirganini ko‘rsa, umri qisqa ekaniga dalildir. Agar o‘tirgan kichkina gilami uning ostida kattaga aylanganini ko‘rsa, rizqi keng bo‘lishiga dalildir. Agar gilamni yig‘ishtirib, uyning burchagiga qo‘yganini ko‘rsa, o‘z iqbolini o‘z qo‘li bilan yo‘qotishiga dalildir. Ja’far Sodiq (r.a.)ning aytishicha, tushdagi gilam besh narsani bildiradi: raisni; porso rahbarni; badavlat ayolni; kanizakni va xayru manfaatni. Doniyol (a.s.) aytadilarki, tushida gilamni yashil va tozo holda ko‘rsa, din va dunyoda xotirjamlikka dalildir. Agar boshqalarning uyida to‘shalgan gilamni ko‘rsa, safarga chiqishi va safardan ko‘p foydalar ko‘rishiga dalildir.
ГИЛАМ (ГИЛИМ) Ибн Сирин (р.а.)нинг айтишича, тушдаги гилам раис ва раҳбар бўлади. Агар туш кўрувчи раҳбарлардан бўлса, унинг иззати ва улуғлиги янада зиёда бўлади. Баъзи таъбирчиларнинг айтишича, тушдаги гилам солиҳ ва сара одамдир, у дарвишлардан бўлади, Тушида гилам тўшалганини ва бу гилам унинг мулки эканини кўрса, умри узун ва ризқи кенг бўлишига далилдир. Агар тушида гиламга ўтирганини кўрса бироқ бу жой кимники эканини билмаса, аҳволи ўзгаришига далилдир. Кирмоний (р.а.)нинг айтишича, тушида гилам олган бўлса, бадавлат аёлга уйланишини билдиради. Агар бу тушни аёл киши кўрса, эрга тегиши ва эридан хайру манфаатлар кўришига далилдир. Агар тушида кичкина гиламга ўтирганини кўрса, чиройли, порсо, соз аёлга уйланишини билдиради. Агар гилам яшил бўлса, урушқоқ диндор аёлга далилдир. Агар гилам қизил бўлса, ишрат ва шодликни яхши кўрадиган аёлга далилдир. Агар гилам сариқ бўлса, касалманд аёлга далилдир. Агар гилам қора бўлса, зоҳид ва обид аёлга далил бўлади. Агар гилам ҳар хил рангларда бўлса, айтилган барча нарса мавжуд бўлган аёлни билдиради. Агар тушида гиламни ёпиб олганини кўрса, бир улуғ ва порсо одамнинг ҳимоясида бўлишини, ундан фойдалар топишини билдиради. Агар гиламни ўзидан узоқлаштирса ва у йўқолса таъбири айтилганнинг акси бўлади. Тушида кичкина гиламга ўтирганини кўрса, умри қисқа эканига далилдир. Агар ўтирган кичкина гилами унинг остида каттага айланганини кўрса, ризқи кенг бўлишига далилдир. Агар гиламни йиғиштириб, уйнинг бурчагига қўйганини кўрса, ўз иқболини ўз қўли билан йўқотишига далилдир. Жаъфар Содиқ (р.а.)нинг айтишича, тушдаги гилам беш нарсани билдиради: раисни; порсо раҳбарни; бадавлат аёлни; канизакни ва хайру манфаатни. Дониёл (а.с.) айтадиларки, тушида гиламни яшил ва тозо ҳолда кўрса, дин ва дунёда хотиржамликка далилдир. Агар бошқаларнинг уйида тўшалган гиламни кўрса, сафарга чиқиши ва сафардан кўп фойдалар кўришига далилдир.
Tush.UZ - Tushlar tabiri