GUL (GUL) Ibn Sirin (r.a.)ning aytishicha, tushda ko‘rilgan gul haqidagi hukm ikki xildir: birinchisi — daraxtda turgan gul; ikkinchisi — daraxtdan to‘kilgan gul. Baqosi yo‘q, uzoq turmaydigan gul tush ko‘ruvchi uchun g‘amu anduh bo‘ladi. Har kim tushida qizil gulni o‘z vaqtida o‘z daraxtida ko‘rsa, uning oilasida farzand tug‘ilishiga dalildir, agar o‘z vaqtida bo‘lmasa, farzand sababli musibat yetishiga dalildir. Tushdagi gul daraxti ulug‘lik va so‘zini o‘tkazish bo‘ladi. Tushdagi sariq gul daraxti hojatlarni chiqaruvchi savdogar ayol bo‘ladi. Oq gul daraxti izzat, davlat va obro‘ bo‘ladi. Agar o‘z hovlisida gul daraxtini ko‘rsa, bir qizga uylanishiga dalildir. Agar o‘z hovlisida sadbarg gulini ko‘rsa, farzand sababli shod bo‘lishiga dalildir. Agar har xil gullarning ochilib turganini ko‘rsa, qarindoshlari va oila a’zolaridan xursand bo‘lishini bildiradi. Mag‘ribiy (r.a.)ning aytishicha, tushdagi gul birovga vafo qilmaydigan past himmatli erkakni bildiradi. Tushida birovga gul berganini yoki gul qo‘lidan tushib ketganini ko‘rsa, aytilgan sifatli erkakdan uzoqlashishini bildiradi. Ismoil Ash’as (r.a.)ning aytishicha, tushdagi gul g‘oyibdagi odamdan keladigan maktubni yoki g‘oyibdagi odamning kelishini bildiradi. Ja’far Sodiq (r.a.)ning aytishicha, tushdagi gul olti narsani bildiradi: farzandni; do‘stni; past himmatli odamni; kanizakni; g‘ulomni va g‘oyibdagi odamning xatini.
ГУЛ (ГУЛ) Ибн Сирин (р.а.)нинг айтишича, тушда кўрилган гул ҳақидаги ҳукм икки хилдир: биринчиси — дарахтда турган гул; иккинчиси — дарахтдан тўкилган гул. Бақоси йўқ, узоқ турмайдиган гул туш кўрувчи учун ғаму андуҳ бўлади. Ҳар ким тушида қизил гулни ўз вақтида ўз дарахтида кўрса, унинг оиласида фарзанд туғилишига далилдир, агар ўз вақтида бўлмаса, фарзанд сабабли мусибат етишига далилдир. Тушдаги гул дарахти улуғлик ва сўзини ўтказиш бўлади. Тушдаги сариқ гул дарахти ҳожатларни чиқарувчи савдогар аёл бўлади. Оқ гул дарахти иззат, давлат ва обрў бўлади. Агар ўз ҳовлисида гул дарахтини кўрса, бир қизга уйланишига далилдир. Агар ўз ҳовлисида садбарг гулини кўрса, фарзанд сабабли шод бўлишига далилдир. Агар ҳар хил гулларнинг очилиб турганини кўрса, қариндошлари ва оила аъзоларидан хурсанд бўлишини билдиради. Мағрибий (р.а.)нинг айтишича, тушдаги гул бировга вафо қилмайдиган паст ҳимматли эркакни билдиради. Тушида бировга гул берганини ёки гул қўлидан тушиб кетганини кўрса, айтилган сифатли эркакдан узоқлашишини билдиради. Исмоил Ашъас (р.а.)нинг айтишича, тушдаги гул ғойибдаги одамдан келадиган мактубни ёки ғойибдаги одамнинг келишини билдиради. Жаъфар Содиқ (р.а.)нинг айтишича, тушдаги гул олти нарсани билдиради: фарзандни; дўстни; паст ҳимматли одамни; канизакни; ғуломни ва ғойибдаги одамнинг хатини.
Tush.UZ - Tushlar tabiri