AYOL (ZAN) — Ibn Sirin (r.a.)ning aytishicha, tushdagi ayol erkak kishi uchun shodlik va maqsad bo‘ladi. Qari ayol dunyo va undagi mashg‘ullik bo‘ladi. Yana ko‘p ayollarni ko‘rish shodlik va maqsad bo‘ladi. Biroq shodlik ayollarning chiroyli va go‘zalligi, semiz va oriqligi hamda xunukligi mikdoriga muvofiq bo‘ladi. Tushdagi ayollarning yaxshisi mashhur bo‘lmagan ayollardir. Chiroyli va semiz ayol ne’matning farovonligiga, ozg‘in va xunuk ayol ochlik va qiyinchilikka dalildir. Shodon va o‘ziga oro bergan ayol bu dunyo maqsadlariga dalildir. Qari, badbashara va iflos ayol maqsaddan uzoqlikka dalildir. Kirmoniyning aytishicha, agar ayol kishi erkak a’zosini ko‘rsa farzand tug‘ilishi yoki homilador bo‘lib, bola tug‘ishiga dalildir. Agar yosh qiz qari bo‘lib qolganini ko‘rsa, din va dunyo ishlarining yaxshi bo‘lishiga dalildir. Agar erkak kishi o‘zi bilan bir ayolning orqadan aloqa qilayotganini ko‘rsa, uning obro‘ va e’tibori to‘kilishiga dalildir. Agar ayol kishi erkak bo‘lib qolganini va erkaklar kiyimini kiyib olganini ko‘rsa, agar bu ayol pokdomon ayol bo‘lsa, yaxshilik va sozlikka dalildir, agar bu ayol buzuq ayol bo‘lsa, uning yomon ish qilishiga dalildir. Jobir Mag‘ribiyning aytishicha, buzuq ayol dunyo qidiruvchi kishi uchun dunyosining ziyoda bo‘lishiga dalildir, yaxshi kishi uchun yaxshilik hamda ilm bo‘ladi. Notanish ayol tanish ayoldan yaxishroq bo‘ladi. Agar bir kishi xotiniga o‘zga kishining qo‘l uzatayotganini ko‘rsa, bu xotinning ahli oilasi boy bo‘lishiga dalildir. Agar xotini begona erkaklar oldida buzuqchilik qilayotganini ko‘rsa, erkakka foyda va yaxshilik yetishiga dalildir. Agar kishi xotiniga birorta erkak nayza yoki qilich berganini ko‘rsa, o‘g‘il tug‘ishiga dalildir. Agar biror kishi unga dori berganini ko‘rsa, qiz tug‘ishiga dalildir. Hazrati Sodiq (r.a.)ning aytishicha, tushdagi ayol olti narsani bildiradi: shodlik va maqsadni; dunyoni; kasbni; ne’matni; ochlik va tanglikni; boylikni.
АЁЛ (ЗАН) — Ибн Сирин (р.а.)нинг айтишича, тушдаги аёл эркак киши учун шодлик ва мақсад бўлади. Қари аёл дунё ва ундаги машғуллик бўлади. Яна кўп аёлларни кўриш шодлик ва мақсад бўлади. Бироқ шодлик аёлларнинг чиройли ва гўзаллиги, семиз ва ориқлиги ҳамда хунуклиги микдорига мувофиқ бўлади. Тушдаги аёлларнинг яхшиси машҳур бўлмаган аёллардир. Чиройли ва семиз аёл неъматнинг фаровонлигига, озғин ва хунук аёл очлик ва қийинчиликка далилдир. Шодон ва ўзига оро берган аёл бу дунё мақсадларига далилдир. Қари, бадбашара ва ифлос аёл мақсаддан узоқликка далилдир. Кирмонийнинг айтишича, агар аёл киши эркак аъзосини кўрса фарзанд туғилиши ёки ҳомиладор бўлиб, бола туғишига далилдир. Агар ёш қиз қари бўлиб қолганини кўрса, дин ва дунё ишларининг яхши бўлишига далилдир. Агар эркак киши ўзи билан бир аёлнинг орқадан алоқа қилаётганини кўрса, унинг обрў ва эътибори тўкилишига далилдир. Агар аёл киши эркак бўлиб қолганини ва эркаклар кийимини кийиб олганини кўрса, агар бу аёл покдомон аёл бўлса, яхшилик ва созликка далилдир, агар бу аёл бузуқ аёл бўлса, унинг ёмон иш қилишига далилдир. Жобир Мағрибийнинг айтишича, бузуқ аёл дунё қидирувчи киши учун дунёсининг зиёда бўлишига далилдир, яхши киши учун яхшилик ҳамда илм бўлади. Нотаниш аёл таниш аёлдан яхишроқ бўлади. Агар бир киши хотинига ўзга кишининг қўл узатаётганини кўрса, бу хотиннинг аҳли оиласи бой бўлишига далилдир. Агар хотини бегона эркаклар олдида бузуқчилик қилаётганини кўрса, эркакка фойда ва яхшилик етишига далилдир. Агар киши хотинига бирорта эркак найза ёки қилич берганини кўрса, ўғил туғишига далилдир. Агар бирор киши унга дори берганини кўрса, қиз туғишига далилдир. Ҳазрати Содиқ (р.а.)нинг айтишича, тушдаги аёл олти нарсани билдиради: шодлик ва мақсадни; дунёни; касбни; неъматни; очлик ва тангликни; бойликни.
Tush.UZ - Tushlar tabiri