JIGAR Ibn Sirin (r.a.) aytadiki, tushdagi jigar yashirilgan mol bo‘ladi. Agar odamlarning jigarini ko‘rsa, yashirin mol topishi va sarfu xarajat qilishiga dalildir. Agar uning qo‘lida ko‘pgina pishirilgan yoki xom jigarlar bo‘lsa, xazina topishiga dalildir. Molning va qo‘yning jigari ham molu ne’matga dalolat qiladi. Ba’zi bir ta’birchilarning aytishicha, tushdagi jigar farzanddarga dalolat qiladi, chunonchi Rasululloh (s.a.v.) aytadilar: Avladuna akbaduna (Bolalarimiz jigarlarimizdir ). Kirmoniy (r.a.) aytadiki, jigarning tashqariga chiqishi, pinhon molning yuzaga chiqishdir. Ko‘pgina jigar, u xom bo‘lsin yoki pishgan bo‘lsin, xazina topish yoki g‘ayb ilmidan bahra topishiga dalildir. Ja’far Sodiq (r.a.) aytadiki, tushdagi jigar uch narsani bilidradi: farzand va molni; farzand o‘rnidagi do‘stni; ilmni. Agar uning uyidan jigarni olib chiqib ketayotganlarini yoki olov jigarni kuydirib yuborganini ko‘rsa, podshoh uning xazina va molini tortib olishiga dalildir. Agar bu tushni biror olim odam ko‘rsa, ilmlari butunlay yoddan chiqishiga dalildir.
ЖИГАР Ибн Сирин (р.а.) айтадики, тушдаги жигар яширилган мол бўлади. Агар одамларнинг жигарини кўрса, яширин мол топиши ва сарфу харажат қилишига далилдир. Агар унинг қўлида кўпгина пиширилган ёки хом жигарлар бўлса, хазина топишига далилдир. Молнинг ва қўйнинг жигари ҳам молу неъматга далолат қилади. Баъзи бир таъбирчиларнинг айтишича, тушдаги жигар фарзанддарга далолат қилади, чунончи Расулуллоҳ (с.а.в.) айтадилар: Авладуна акбадуна (Болаларимиз жигарларимиздир ). Кирмоний (р.а.) айтадики, жигарнинг ташқарига чиқиши, пинҳон молнинг юзага чиқишдир. Кўпгина жигар, у хом бўлсин ёки пишган бўлсин, хазина топиш ёки ғайб илмидан баҳра топишига далилдир. Жаъфар Содиқ (р.а.) айтадики, тушдаги жигар уч нарсани билидради: фарзанд ва молни; фарзанд ўрнидаги дўстни; илмни. Агар унинг уйидан жигарни олиб чиқиб кетаётганларини ёки олов жигарни куйдириб юборганини кўрса, подшоҳ унинг хазина ва молини тортиб олишига далилдир. Агар бу тушни бирор олим одам кўрса, илмлари бутунлай ёддан чиқишига далилдир.