ZANJIRLAMOQ (BAND NIHODAN) Ibn Sirin (r.a.)ning aytishicha, agar kishi tushida oyog‘iga po‘lat zanjir solinganini ko‘rsa, dini nuqsonli bo‘lishi, yolg‘ondan musulmonlikni da’vo qilishi, baxillik sohibi bo‘lib, undan hech kimga biror narsa yetmasligiga dalildir. Ba’zi ta’birchilarning aytishlaricha, bir solih odam o‘z qo‘llariga band solinganini ko‘rsa, yoqimsiz va noloyiq kishilardan qo‘l tortishiga dalildir. Agar kishan solinganini ko‘rsa, aytilgan narsa yengilroq va osonroq bo‘lishini bildiradi. Kirmoniy (r.a.) aytadiki, agar kishi bo‘yniga yog‘ochdan band solinganini ko‘rsa, bo‘ynida birovning omonati borligi va u omonatni ado qilolmayotganiga dalil bo‘ladi. Agar o‘z oyog‘ida yog‘ochdan kishan borligini ko‘rsa, Xaq ta’olo toatidan qolganini bildiradi. Agar bo‘ynidagi tavq kumushdan ekanini ko‘rsa, xotin sababli ranju zahmat yetishiga dalildir. Agar bo‘ynidagi band oltindan bo‘lsa, mol tufayli ranju zahmat tortishini bildiradi. Agar bandi misdan ekanini ko‘rsa, uning ranju zahmati dunyoning kasbi va maishati tufayli ekaniga dalildir. Agar bandni sindirganini ko‘rsa, diniga nuqson yetishi xavfi borligiga dalildir. Agar oyog‘idagi bandni olib tashlaganini ko‘rsa, podshohlik amalidan xalos bo‘lishiga dalildir. Agar o‘z oyog‘ida kunda bandini ko‘rsa, munofiq bir odam bilan suhbatdosh bo‘lishini bildiradi. Agar o‘z oyog‘ida arqondan kishan borligini ko‘rsa, unga birorta kishidan manfaat yetishini bildiradi. Doniyol (a.s.) aytadilarki, agar amir tushida o‘z oyog‘iga po‘latdan kishan solinganini ko‘rsa, o‘z viloyatidan safarga ketishi va safarda doimiy qolib ketishiga dalildir. Agar kishi har ikki oyog‘iga kishan solinganini ko‘rsa, martaba topishiga dalildir. Agar o‘z oyog‘iga to‘rt band deb ataladigan kishan solinganini ko‘rsa, uning oilasida to‘rt o‘g‘il tug‘ilishiga dalildir. Agar oyog‘ini banddan ozod qilinganini ko‘rsa, g‘amdan shodlikka chiqishiga dalildir. Agar birorta amir o‘z oyog‘ini zanjir bilan kishanlab qo‘yilganini ko‘rsa, porsolardan foyda ko‘rishini bildiradi. Ba’zi ta’birchilarning aytishicha, uning ishlari osonlashadi. Agar uning bandi kumushdan bo‘lsa, birorta ayolni o‘z nikohiga oladi yoki birorta ayolga oshiq bo‘lishiga dalil bo‘ladi. Agar uning bandi oltindan ekanini ko‘rsa, yo safarga borishi yoki bemor bo‘lib qolishiga dalildir. Agar oyog‘idagi bandi po‘latdan bo‘lsa, uzoq safarga chiqishini bildiradi. Jobir Mag‘ribiy (r.a.) aytadiki, tushdagi band dinning sobitligini bildiradi, chunonchi, janobi Payg‘ambarimiz (s.a.v.) dedilar: Tushda oyoqqa band solinganini yaxshi ko‘raman va g‘ulni (qo‘l va bo‘yinga solinadigan zanjirni) yomon ko‘raman, chunki oyoqqa solingan band dindagi bandalikni bildiradi. Ja’far Sodiq (r.a.) aytadiki, tushda bandni ko‘rish to‘rt narsani bildiradi: kufrni; nifoqni; ahillikni va ma’siyatdan qo‘l yuvishni. Ba’zi ta’birchilarning aytishicha, qo‘lda g‘ulni ko‘rish zolim podshohning zulmdan qo‘li qisqa bo‘lishini bildiradi.
ЗАНЖИРЛАМОҚ (БАНД НИҲОДАН) Ибн Сирин (р.а.)нинг айтишича, агар киши тушида оёғига пўлат занжир солинганини кўрса, дини нуқсонли бўлиши, ёлғондан мусулмонликни даъво қилиши, бахиллик соҳиби бўлиб, ундан ҳеч кимга бирор нарса етмаслигига далилдир. Баъзи таъбирчиларнинг айтишларича, бир солиҳ одам ўз қўлларига банд солинганини кўрса, ёқимсиз ва нолойиқ кишилардан қўл тортишига далилдир. Агар кишан солинганини кўрса, айтилган нарса енгилроқ ва осонроқ бўлишини билдиради. Кирмоний (р.а.) айтадики, агар киши бўйнига ёғочдан банд солинганини кўрса, бўйнида бировнинг омонати борлиги ва у омонатни адо қилолмаётганига далил бўлади. Агар ўз оёғида ёғочдан кишан борлигини кўрса, Хақ таъоло тоатидан қолганини билдиради. Агар бўйнидаги тавқ кумушдан эканини кўрса, хотин сабабли ранжу заҳмат етишига далилдир. Агар бўйнидаги банд олтиндан бўлса, мол туфайли ранжу заҳмат тортишини билдиради. Агар банди мисдан эканини кўрса, унинг ранжу заҳмати дунёнинг касби ва маишати туфайли эканига далилдир. Агар бандни синдирганини кўрса, динига нуқсон етиши хавфи борлигига далилдир. Агар оёғидаги бандни олиб ташлаганини кўрса, подшоҳлик амалидан халос бўлишига далилдир. Агар ўз оёғида кунда бандини кўрса, мунофиқ бир одам билан суҳбатдош бўлишини билдиради. Агар ўз оёғида арқондан кишан борлигини кўрса, унга бирорта кишидан манфаат етишини билдиради. Дониёл (а.с.) айтадиларки, агар амир тушида ўз оёғига пўлатдан кишан солинганини кўрса, ўз вилоятидан сафарга кетиши ва сафарда доимий қолиб кетишига далилдир. Агар киши ҳар икки оёғига кишан солинганини кўрса, мартаба топишига далилдир. Агар ўз оёғига тўрт банд деб аталадиган кишан солинганини кўрса, унинг оиласида тўрт ўғил туғилишига далилдир. Агар оёғини банддан озод қилинганини кўрса, ғамдан шодликка чиқишига далилдир. Агар бирорта амир ўз оёғини занжир билан кишанлаб қўйилганини кўрса, порсолардан фойда кўришини билдиради. Баъзи таъбирчиларнинг айтишича, унинг ишлари осонлашади. Агар унинг банди кумушдан бўлса, бирорта аёлни ўз никоҳига олади ёки бирорта аёлга ошиқ бўлишига далил бўлади. Агар унинг банди олтиндан эканини кўрса, ё сафарга бориши ёки бемор бўлиб қолишига далилдир. Агар оёғидаги банди пўлатдан бўлса, узоқ сафарга чиқишини билдиради. Жобир Мағрибий (р.а.) айтадики, тушдаги банд диннинг собитлигини билдиради, чунончи, жаноби Пайғамбаримиз (с.а.в.) дедилар: Тушда оёққа банд солинганини яхши кўраман ва ғулни (қўл ва бўйинга солинадиган занжирни) ёмон кўраман, чунки оёққа солинган банд диндаги бандаликни билдиради. Жаъфар Содиқ (р.а.) айтадики, тушда бандни кўриш тўрт нарсани билдиради: куфрни; нифоқни; аҳилликни ва маъсиятдан қўл ювишни. Баъзи таъбирчиларнинг айтишича, қўлда ғулни кўриш золим подшоҳнинг зулмдан қўли қисқа бўлишини билдиради.
Tush.UZ - Tushlar tabiri