ILON (MOR) Ibn Sirin (r.a.)ning aytishicha, tushdagi ilon yashirin yomonlikni ko‘zlovchi dushmandir. Tushida uyida ilon yurganini ko‘rsa, oiladagi dushmanni bildiradi. Agar dalada ko‘rsa, begona dushmanga dalildir. Tushida ilon bilan jang qilayotganini ko‘rsa, dushman bilan janjalni bildiradi. Agar ilon unga yopishib olganini ko‘rsa, dushmanni yengolmasligiga dalildir. Tushida ilon chaqib olganini ko‘rsa, dushmandan zarar topishini bildiradi. Tushida ilonni o‘ldirganini ko‘rsa, dushmanga qahr qilishiga dalildir. Tushida ilonning go‘shtini yeganini ko‘rsa, uning miqdoricha dushman molini yeyishi, yaxshilik va xurramlik ko‘rishini bildiradi. Agar ilonni ikkiga bo‘lib qo‘yganini ko‘rsa, dushmandan o‘ch olishini bildiradi. Agar o‘sha ikki bo‘lakni qo‘lga olsa, dushman molini qo‘lga olishiga dalildir. Tushida ilon u bilan muloyim ohangda so‘zlashganini ko‘rsa, hayotida uni xurram va shod qiladigan bir ish yuz berishiga dalildir. Agar ilon u bilan qo‘pol va xunuk ohangda so‘zlashganini qo‘rsa, dushman uni yengishiga dalildir. Agar tushida o‘lgan ilonni ko‘rsa, Haq subhonahu va ta’olo yomonlik va ofatdan uni qutqarishiga dalildir. Tushida ilon unga itoatkor ekanini ko‘rsa izzat va uluglik topishiga dalildir. Agar ilon o‘zidan qochganini ko‘rsa zaif dushmanga dalildir. Tushida yashil ilonni ko‘rsa, dushmani dindor va omonatkor ekanini bildiradi. Tushida qora va boshqa rangdagi ilonlarni ko‘rsa, makkorga dalil bo‘ladi. Tushdagi ilon sariq bo‘lsa, kasalvand dushmanga dalildir. qizil bo‘lsa, o‘yin-kulgi va ishratni sevadigan dushmanga dalildir. Tushida oyog‘i bir ilonni ko‘rsa, kuchli va botir dushmanga dalildir. Tushida oldida ko‘pgina ilonlarning turganini va unga ziyon yetkazayotganini ko‘rsa, dushman o‘z qarindoshlaridan ekaniga dalildir, biroq ular zarar yetkazolmaydilar. Tushida shoxlari va tishlari bor ilonlarni ko‘rsa, dushmanning ginasi va ichi buzuq ekaniga dalildir. Mag‘ribiy (r.a.)ning aytishicha, tushida ilon uning burnidan, qulog‘idan, emchagidan, olatidan yoki orqasidan chaqib ketganini ko‘rsa, farzandi o‘z dushmani bulishiga dalildir. Agar ilon uning og‘zidan chiqqanini ko‘rsa, o‘ziga zarar bo‘ladigan bir so‘z aytishiga dalildir. Ismoil Apgas (r.a.)ning aytishicha, tushdagi oq ilon dushman bo‘ladi, qora ilon esa lashkarboshini bildiradi. Tushida ilondan qo‘rqib qochganini, biroq ilon uni sezmay qolganini ko‘rsa, orom va xurramlikka dalildir. Tushida ilon uni ushlab olganini, biroq zarar yetkazmaganini ko‘rsa, ulug‘lik topishi va dushmandan omon bo‘lishiga dalildir. Xalafi Isfahoniy (r.a.)ning aytishicha, tushida yashil ilon unga itoatkor ekanini ko‘rsa, xazina topishiga dalildir. Agar tushida yengidan ilon chiqib ketganini ko‘rsa, farzandi o‘z dushmani bo‘lishiga dalildir. Tushida ilonni o‘ldirib, qonini o‘ziga surkayotganini ko‘rsa, dushman molini topishiga dalildir. Agar yotadigan o‘rnida ilonni o‘ldirsa, xotinining o‘lishini bildiradi. Ilon yoqasi ichidan yoki og‘zidan chiqib, yerga tushganini ko‘rsa, halok bo‘lishiga dalildir. Ja’far Sodiq (r.a.)ning aytishicha, tushdagi ilon o‘nta narsaga dalildir: yashirin dushmanga; hayotga; salomatlikka; podshohlikka; lashkarboshilikka; xotinga; boylikka; o‘limga; o‘g‘ilga va selga.
ИЛОН (МОР) Ибн Сирин (р.а.)нинг айтишича, тушдаги илон яширин ёмонликни кўзловчи душмандир. Тушида уйида илон юрганини кўрса, оиладаги душманни билдиради. Агар далада кўрса, бегона душманга далилдир. Тушида илон билан жанг қилаётганини кўрса, душман билан жанжални билдиради. Агар илон унга ёпишиб олганини кўрса, душманни енголмаслигига далилдир. Тушида илон чақиб олганини кўрса, душмандан зарар топишини билдиради. Тушида илонни ўлдирганини кўрса, душманга қаҳр қилишига далилдир. Тушида илоннинг гўштини еганини кўрса, унинг миқдорича душман молини ейиши, яхшилик ва хуррамлик кўришини билдиради. Агар илонни иккига бўлиб қўйганини кўрса, душмандан ўч олишини билдиради. Агар ўша икки бўлакни қўлга олса, душман молини қўлга олишига далилдир. Тушида илон у билан мулойим оҳангда сўзлашганини кўрса, ҳаётида уни хуррам ва шод қиладиган бир иш юз беришига далилдир. Агар илон у билан қўпол ва хунук оҳангда сўзлашганини қўрса, душман уни енгишига далилдир. Агар тушида ўлган илонни кўрса, Ҳақ субҳонаҳу ва таъоло ёмонлик ва офатдан уни қутқаришига далилдир. Тушида илон унга итоаткор эканини кўрса иззат ва улуглик топишига далилдир. Агар илон ўзидан қочганини кўрса заиф душманга далилдир. Тушида яшил илонни кўрса, душмани диндор ва омонаткор эканини билдиради. Тушида қора ва бошқа рангдаги илонларни кўрса, маккорга далил бўлади. Тушдаги илон сариқ бўлса, касалванд душманга далилдир. қизил бўлса, ўйин-кулги ва ишратни севадиган душманга далилдир. Тушида оёғи бир илонни кўрса, кучли ва ботир душманга далилдир. Тушида олдида кўпгина илонларнинг турганини ва унга зиён етказаётганини кўрса, душман ўз қариндошларидан эканига далилдир, бироқ улар зарар етказолмайдилар. Тушида шохлари ва тишлари бор илонларни кўрса, душманнинг гинаси ва ичи бузуқ эканига далилдир. Мағрибий (р.а.)нинг айтишича, тушида илон унинг бурнидан, қулоғидан, эмчагидан, олатидан ёки орқасидан чақиб кетганини кўрса, фарзанди ўз душмани булишига далилдир. Агар илон унинг оғзидан чиққанини кўрса, ўзига зарар бўладиган бир сўз айтишига далилдир. Исмоил Апгьас (р.а.)нинг айтишича, тушдаги оқ илон душман бўлади, қора илон эса лашкарбошини билдиради. Тушида илондан қўрқиб қочганини, бироқ илон уни сезмай қолганини кўрса, ором ва хуррамликка далилдир. Тушида илон уни ушлаб олганини, бироқ зарар етказмаганини кўрса, улуғлик топиши ва душмандан омон бўлишига далилдир. Халафи Исфаҳоний (р.а.)нинг айтишича, тушида яшил илон унга итоаткор эканини кўрса, хазина топишига далилдир. Агар тушида енгидан илон чиқиб кетганини кўрса, фарзанди ўз душмани бўлишига далилдир. Тушида илонни ўлдириб, қонини ўзига суркаётганини кўрса, душман молини топишига далилдир. Агар ётадиган ўрнида илонни ўлдирса, хотинининг ўлишини билдиради. Илон ёқаси ичидан ёки оғзидан чиқиб, ерга тушганини кўрса, ҳалок бўлишига далилдир. Жаъфар Содиқ (р.а.)нинг айтишича, тушдаги илон ўнта нарсага далилдир: яширин душманга; ҳаётга; саломатликка; подшоҳликка; лашкарбошиликка; хотинга; бойликка; ўлимга; ўғилга ва селга.
Tush.UZ - Tushlar tabiri