ICHAK (RUDA) Ibn Sirin (r.a.)ning aytishicha, tushida ichak topganini va undan yeganini ko‘rsa, qarindoshlaridan xayru manfaat ko‘rishini bildiradi. Tushida ichaklari ichkaridan chiqqanini ko‘rsa, qarindoshlaridan birining farzandi amaldor bo‘lishini bildiradi. Tushida birovning ichagini yeyayotganini ko‘rsa, yeganiga qarab, boshqa odamning molidan yeyishiga dalildir. Kirmoniy (r.a.) aytadiki, tushda ichaklarning oshkor ko‘rinishi yig‘ib qo‘yilgan molning paydo bo‘lishini bildiradi. Jobir Mag‘ribiy (r.a.)ning aytishicha, tushida ichaklarning og‘zidan chiqqanini ko‘rsa, bolalarning o‘lishiga dalildir. Tushida birovning ichagini chiqarganini ko‘rsa, ichak mikdoriga qarab, birovning yashirib qo‘ygan molini topishiga dalildir. Ja’far Sodiq (r.a.) aytadiki, tushdagi ichak olti narsani bildiradi: harom molni; noxush so‘zlarni; dashnomni; farzandni; tirikchilikni; o‘z ishlari bilan mashg‘ullikni.
ИЧАК (РУДА) Ибн Сирин (р.а.)нинг айтишича, тушида ичак топганини ва ундан еганини кўрса, қариндошларидан хайру манфаат кўришини билдиради. Тушида ичаклари ичкаридан чиққанини кўрса, қариндошларидан бирининг фарзанди амалдор бўлишини билдиради. Тушида бировнинг ичагини еяётганини кўрса, еганига қараб, бошқа одамнинг молидан ейишига далилдир. Кирмоний (р.а.) айтадики, тушда ичакларнинг ошкор кўриниши йиғиб қўйилган молнинг пайдо бўлишини билдиради. Жобир Мағрибий (р.а.)нинг айтишича, тушида ичакларнинг оғзидан чиққанини кўрса, болаларнинг ўлишига далилдир. Тушида бировнинг ичагини чиқарганини кўрса, ичак микдорига қараб, бировнинг яшириб қўйган молини топишига далилдир. Жаъфар Содиқ (р.а.) айтадики, тушдаги ичак олти нарсани билдиради: ҳаром молни; нохуш сўзларни; дашномни; фарзандни; тирикчиликни; ўз ишлари билан машғулликни.
Tush.UZ - Tushlar tabiri