YO‘L (ROH) Ibn Sirin (r.a.)ning aytishicha, tushdagi yo‘l din va uning amali, din yo‘lida to‘g‘rilikni qidirishdir. Tushida katta yo‘ldan ketayotganini ko‘rsa, din yo‘lida ekaniga dalildir. Tushida qandaydir guruhga to‘g‘ri yo‘lda rahbarlik qilayotganini ko‘rsa, birorta qavmga to‘g‘ri yo‘l va dinini sozlashda rahbarlik qilishiga dalildir. Tushida yo‘lda sargashta va hayron bo‘lib qolganini ko‘rsa, din yo‘lida yoki dunyo ishlarida sargashta va hayron bo‘lishiga dalildir. Tushida o‘g‘rilar yo‘lda uning mollarini o‘g‘irlab ketganini ko‘rsa, uning mikdoricha birovning zararini qoplashiga yoki jarima to‘lashiga dalildir. Tushida yo‘lda ketayotganini va charchamayotganini ko‘rsa, o‘z haqini birovdan qiyinchilik bilan olishini bildiradi. Kimdir uni to‘g‘ri yo‘ldan egri yo‘lga olib ketganini tush ko‘rsa, ma’siyatga mashg‘ul bo‘lishi va to‘g‘ri yo‘ldan ozishiga dalildir. Tushida qorong‘u tunda ketayotganini va yo‘l yurish qiyin bo‘layotganini, ammo to‘g‘ri yo‘ldaman deb gumon qilayotganini ko‘rsa, dinda to‘g‘ri yo‘lda ekaniga dalildir. Tushida ko‘pgina yo‘llarni ko‘rsa va qaysi biridan yurish kerakligini bilmasa, dinida hayronlikda qolishi va dini buzuq odamlar bilan suhbatdosh ekanligiga dalildir. Tushida yo‘l unga og‘ir bo‘lganini, qayoqqa ketayotganini bilmaganini, Rasululloh (s.a.v.) so‘zlari bo‘yicha, o‘ng tomonidagi yo‘lga yurganini ko‘rsa, haq yo‘l unga yopiq bo‘lishiga dalildir. Tushida to‘g‘ri yo‘ldan boshqa tarafga ketayotganini ko‘rsa, dushmanga makru hiyla qilishiga dalildir. Tushida to‘g‘ri yo‘ldan ketayotganini, so‘ng bir odamning andishasi uchun qaytganini ko‘rsa, dinga ziyon beradigan bir ish qilishini, o‘z maishati uchun be’mani ishlar bilan mashg‘ul bo‘lishini bildiradi. Tushida yo‘lda ketayotganini, oldidan bir ayol chiqib, shu ayolni deb yo‘ldan qaytganini va boshqa tomonga qarab ketganini ko‘rsa, dinida nuqson paydo bo‘lishi va dunyoga aldanishiga dalildir. Jobir Mag‘ribiy (r.a.) aytadiki, yo‘lida sabza borligini va chiroyli ko‘katlar o‘sib turganini tush ko‘rsa, holining yaxshi va dinining pok bo‘lishiga dalildir. Tushida aniq bo‘lmagan yo‘ldan gumon bilan ketayotganini ko‘rsa, dinda bid’atga yo‘l qo‘yishi yoki ishlarida sargashta bo‘lishini bildiradi. Alloh ta’olo aytadi: Albatta, mana shu (Mening) To‘g‘ri yo‘limdir. Unga ergashingizlar! (Boshqa turli) yo‘llarga ergashmangiz!.. (An’om surasi, 153-oyat). Tushida kimnidir yo‘ldan adanggirganini ko‘rsa uning dinini buzilishiga dalildir. Ismoil Angas (r.a.) aytadiki, tushdagi to‘g‘ri yo‘l musulmonlik bo‘ladi, egri yo‘l buning aksidir. Ja’far Sodiq (r.a.) aytadiki, tushdagi yo‘l beshta narsaga dalildir: dunyoga; shodlikka; yaxshi ishga; xayru barakatga va osonlikka.
ЙЎЛ (РОҲ) Ибн Сирин (р.а.)нинг айтишича, тушдаги йўл дин ва унинг амали, дин йўлида тўғриликни қидиришдир. Тушида катта йўлдан кетаётганини кўрса, дин йўлида эканига далилдир. Тушида қандайдир гуруҳга тўғри йўлда раҳбарлик қилаётганини кўрса, бирорта қавмга тўғри йўл ва динини созлашда раҳбарлик қилишига далилдир. Тушида йўлда саргашта ва ҳайрон бўлиб қолганини кўрса, дин йўлида ёки дунё ишларида саргашта ва ҳайрон бўлишига далилдир. Тушида ўғрилар йўлда унинг молларини ўғирлаб кетганини кўрса, унинг микдорича бировнинг зарарини қоплашига ёки жарима тўлашига далилдир. Тушида йўлда кетаётганини ва чарчамаётганини кўрса, ўз ҳақини бировдан қийинчилик билан олишини билдиради. Кимдир уни тўғри йўлдан эгри йўлга олиб кетганини туш кўрса, маъсиятга машғул бўлиши ва тўғри йўлдан озишига далилдир. Тушида қоронғу тунда кетаётганини ва йўл юриш қийин бўлаётганини, аммо тўғри йўлдаман деб гумон қилаётганини кўрса, динда тўғри йўлда эканига далилдир. Тушида кўпгина йўлларни кўрса ва қайси биридан юриш кераклигини билмаса, динида ҳайронликда қолиши ва дини бузуқ одамлар билан суҳбатдош эканлигига далилдир. Тушида йўл унга оғир бўлганини, қаёққа кетаётганини билмаганини, Расулуллоҳ (с.а.в.) сўзлари бўйича, ўнг томонидаги йўлга юрганини кўрса, ҳақ йўл унга ёпиқ бўлишига далилдир. Тушида тўғри йўлдан бошқа тарафга кетаётганини кўрса, душманга макру ҳийла қилишига далилдир. Тушида тўғри йўлдан кетаётганини, сўнг бир одамнинг андишаси учун қайтганини кўрса, динга зиён берадиган бир иш қилишини, ўз маишати учун беъмани ишлар билан машғул бўлишини билдиради. Тушида йўлда кетаётганини, олдидан бир аёл чиқиб, шу аёлни деб йўлдан қайтганини ва бошқа томонга қараб кетганини кўрса, динида нуқсон пайдо бўлиши ва дунёга алданишига далилдир. Жобир Мағрибий (р.а.) айтадики, йўлида сабза борлигини ва чиройли кўкатлар ўсиб турганини туш кўрса, ҳолининг яхши ва динининг пок бўлишига далилдир. Тушида аниқ бўлмаган йўлдан гумон билан кетаётганини кўрса, динда бидъатга йўл қўйиши ёки ишларида саргашта бўлишини билдиради. Аллоҳ таъоло айтади: Албатта, мана шу (Менинг) Тўғри йўлимдир. Унга эргашингизлар! (Бошқа турли) йўлларга эргашмангиз!.. (Анъом сураси, 153-оят). Тушида кимнидир йўлдан аданггирганини кўрса унинг динини бузилишига далилдир. Исмоил Ангьас (р.а.) айтадики, тушдаги тўғри йўл мусулмонлик бўлади, эгри йўл бунинг аксидир. Жаъфар Содиқ (р.а.) айтадики, тушдаги йўл бешта нарсага далилдир: дунёга; шодликка; яхши ишга; хайру баракатга ва осонликка.
Tush.UZ - Tushlar tabiri