YO‘TALMOQ (SO‘RFIDAN) Ibn Sirinning aytishicha, tushdagi yo‘talish besh narsani bildiradi: ho‘l yo‘talini; quruq yo‘talni; balg‘amni; qonli yo‘talni; safroli yo‘talni. Agar yo‘talganda balg‘am chiqqanini ko‘rsa, o‘ziga yetgan balo va kulfatdan yoki yo‘qolgan molidan bir odamga shikoyat qilishiga dalildir. Agar quruq yo‘tal bo‘lganini ko‘rsa, amalga oshmaydigan va behuda shikoyat qilishiga dalildir. Yo‘talganda safro chiqqanini ko‘rsa, badfe’l kishi ekaniga, har kim undan shikoyat qiladigan kishi ekaniga dalildir. Agar bir ulug‘ odamning oldida yo‘talganini ko‘rsa, o‘z shikoyatini amaldor odamga aytishiga dalildir. Agar ohista yo‘talayotganini ko‘rsa, dinga g‘amxo‘r bo‘lishiga dalildir. Kirmoniyning aytishicha, tushda yo‘talganini ko‘rsa, kimdir undan shikoyat qilishiga dalildir. Agar yo‘tal tutayotganini ko‘rsa, bu notavonlikka dalildir. Jobirning aytishicha, agar yo‘tal tomog‘ida qolganini, yo‘tala olmayotganini ko‘rsa, uning halok bo‘lishiga dalildir. Agar unda yo‘tal paydo bo‘lganini, bu yo‘tal kasal yo‘tali kabi bo‘lib, balg‘am tashlayotganini ko‘rsa, g‘am va qayg‘udan judo bo‘lishiga dalildir. Agar unda yoshlar yo‘tali paydo bo‘lganini ko‘rsa, yuqoridagi ta’birga egadir. Hazrati Sodiq (r.a.)ning aytishicha, har kim tushida yo‘talayotganini ko‘rsa unga podshohdan ranj va ofat yetishiga dalildir.
ЙЎТАЛМОҚ (СЎРФИДАН) Ибн Сириннинг айтишича, тушдаги йўталиш беш нарсани билдиради: ҳўл йўталини; қуруқ йўтални; балғамни; қонли йўтални; сафроли йўтални. Агар йўталганда балғам чиққанини кўрса, ўзига етган бало ва кулфатдан ёки йўқолган молидан бир одамга шикоят қилишига далилдир. Агар қуруқ йўтал бўлганини кўрса, амалга ошмайдиган ва беҳуда шикоят қилишига далилдир. Йўталганда сафро чиққанини кўрса, бадфеъл киши эканига, ҳар ким ундан шикоят қиладиган киши эканига далилдир. Агар бир улуғ одамнинг олдида йўталганини кўрса, ўз шикоятини амалдор одамга айтишига далилдир. Агар оҳиста йўталаётганини кўрса, динга ғамхўр бўлишига далилдир. Кирмонийнинг айтишича, тушда йўталганини кўрса, кимдир ундан шикоят қилишига далилдир. Агар йўтал тутаётганини кўрса, бу нотавонликка далилдир. Жобирнинг айтишича, агар йўтал томоғида қолганини, йўтала олмаётганини кўрса, унинг ҳалок бўлишига далилдир. Агар унда йўтал пайдо бўлганини, бу йўтал касал йўтали каби бўлиб, балғам ташлаётганини кўрса, ғам ва қайғудан жудо бўлишига далилдир. Агар унда ёшлар йўтали пайдо бўлганини кўрса, юқоридаги таъбирга эгадир. Ҳазрати Содиқ (р.а.)нинг айтишича, ҳар ким тушида йўталаётганини кўрса унга подшоҳдан ранж ва офат етишига далилдир.
Tush.UZ - Tushlar tabiri