KALXAT, SOR (KARGAS) Ibn Sirin (r.a.)ning aytishicha, tushida kalxati borligini ko‘rsa, bir ulug‘ odamdan foyda hamda ulug‘lik topishiga, podshoxdan esa mol va davlat topishiga dalildir. Agar tushida kalxatning suyagi yoki qovurilgan go‘nggiga egaligini ko‘rsa, yuqoridagi ta’birga ega bo‘ladi. Kirmoniy (r.a.)ning aytishicha, tushida kalxat uni tutganini va havoga ko‘tarib, osmonga yaqin olib chiqqanini ko‘rsa, uzoqqa safar qilishi va safarda ko‘pgina molu ne’mat hosil qilishiga dalildir, ammo dinining buzilishiga sabab bo‘ladi, chunki Namrud osmonga kalxat orqali chiqqan edi. Agar tushida kalxat uni osmondan yerga tashlab yuborganin yoki o‘zi kalxat changalidan qutilib, yerga tushganini ko‘rsa, izzat va ulug‘likdan ajrash va ishlari xarob bo‘lishiga dalildir. Agar kalxat uni osmonga olib chiqqanini va u o‘sha yerda muqim bo‘lib qolganini ko‘rsa, safarga ketishi va o‘sha safarda o‘lishiga dalildir. Agar muqim bo‘lib qolmasa va yana yerga qaytib tushganini ko‘rsa, podshoxdan ulug‘lik topishiga dalildir. Agar u podshoq ahlidan bo‘lmasa, uning ahlidan yoki qarindoshlaridan biri ulug‘lik topadi. Tushdagi changali yo‘q kalxat farishta bo‘ladi, chunki Hamalat ulArsh farishtalari kalxat suvratida bo‘ladilar. Agar tushida kalxatlar uning ustida ov qilayotganlarini ko‘rsa, tush sohibi savdogarchilik qilishiga dalildir. Tushida kalxat bilan jang qilayotganini va kalxatning g‘olib bo‘lganini ko‘rsa, bir ulug‘ kishi bilan dushmanlashishi va unga g‘olib kelishiga dalildir. Agar buning aksini ko‘rsa, dushman undan g‘olib keladi. Tushida kalxatning bolasini ko‘rsa, agar xotini bo‘lsa, xotini bola tug‘ishiga dalildir. Agar xotini bo‘lmasa, qizini katta qilib tarbiyalashiga dalildir. Tushida kalxat uning ustiga minib olganini ko‘rsa, uni dorga osishlariga dalildir. Doniyol (a.s.)ning aytishlaricha, tushida kalxatning birorta ko‘chaga kirganini ko‘rsa, podshoh o‘sha ko‘chaga kirishiga dalildir. Agar ko‘chada podshohni o‘ldirilganini ko‘rsa, o‘sha diyor podshohi amaldan tushishiga yoki halok bo‘lishiga dalildir. Ja’far Sodiq (r.a.)ning aytishicha, tushdagi kalxat besh narsani bildiradi: ulug‘likni; farmonni; rayosatni; maqtovni; martabani; amru nahiy (yaxshilikka buyurish va yomonlikdan qaytarish)ni.
КАЛХАТ, СОР (КАРГАС) Ибн Сирин (р.а.)нинг айтишича, тушида калхати борлигини кўрса, бир улуғ одамдан фойда ҳамда улуғлик топишига, подшохдан эса мол ва давлат топишига далилдир. Агар тушида калхатнинг суяги ёки қовурилган гўнггига эгалигини кўрса, юқоридаги таъбирга эга бўлади. Кирмоний (р.а.)нинг айтишича, тушида калхат уни тутганини ва ҳавога кўтариб, осмонга яқин олиб чиққанини кўрса, узоққа сафар қилиши ва сафарда кўпгина молу неъмат ҳосил қилишига далилдир, аммо динининг бузилишига сабаб бўлади, чунки Намруд осмонга калхат орқали чиққан эди. Агар тушида калхат уни осмондан ерга ташлаб юборганин ёки ўзи калхат чангалидан қутилиб, ерга тушганини кўрса, иззат ва улуғликдан ажраш ва ишлари хароб бўлишига далилдир. Агар калхат уни осмонга олиб чиққанини ва у ўша ерда муқим бўлиб қолганини кўрса, сафарга кетиши ва ўша сафарда ўлишига далилдир. Агар муқим бўлиб қолмаса ва яна ерга қайтиб тушганини кўрса, подшохдан улуғлик топишига далилдир. Агар у подшоқ аҳлидан бўлмаса, унинг аҳлидан ёки қариндошларидан бири улуғлик топади. Тушдаги чангали йўқ калхат фаришта бўлади, чунки Ҳамалат улАрш фаришталари калхат сувратида бўладилар. Агар тушида калхатлар унинг устида ов қилаётганларини кўрса, туш соҳиби савдогарчилик қилишига далилдир. Тушида калхат билан жанг қилаётганини ва калхатнинг ғолиб бўлганини кўрса, бир улуғ киши билан душманлашиши ва унга ғолиб келишига далилдир. Агар бунинг аксини кўрса, душман ундан ғолиб келади. Тушида калхатнинг боласини кўрса, агар хотини бўлса, хотини бола туғишига далилдир. Агар хотини бўлмаса, қизини катта қилиб тарбиялашига далилдир. Тушида калхат унинг устига миниб олганини кўрса, уни дорга осишларига далилдир. Дониёл (а.с.)нинг айтишларича, тушида калхатнинг бирорта кўчага кирганини кўрса, подшоҳ ўша кўчага киришига далилдир. Агар кўчада подшоҳни ўлдирилганини кўрса, ўша диёр подшоҳи амалдан тушишига ёки ҳалок бўлишига далилдир. Жаъфар Содиқ (р.а.)нинг айтишича, тушдаги калхат беш нарсани билдиради: улуғликни; фармонни; раёсатни; мақтовни; мартабани; амру наҳий (яхшиликка буюриш ва ёмонликдан қайтариш)ни.
Tush.UZ - Tushlar tabiri