KAPTAR (KABUTAR) Ibn Sirin (r.a.)ning aytishicha, tushdagi kaptar xotin yoki kanizak bo‘ladi. Agar tushida kaptar tutib olganini ko‘rsa, xotin olishi va xotini qiz tug‘ishiga dalildir. Agar ko‘pgina kaptarlarni tutib olsa, kaptarlarning soniga muvofiq xotin olishiga yoki kanizaklar sotib olishiga dalildir. Agar kaptar go‘shtini yeganini ko‘rsa, ayollar molidan foyda topishiga dalildir. Agar kaptarning bolalarini tutib olganini ko‘rsa, ayollardan foyda topishini bildiradi. Ba’zi ta’birchilarning aytishlaricha, kaptar bolalari uylanadigan ayoli tarafidan yetadigan g‘am va anduxdir. Kirmoniy (r.a.)ning aytishicha, tushida ko‘pgina kaptarlar uning uyida to‘planganini ko‘rsa, bolalari ko‘p bo‘lishiga dalildir. Yana aytishlaricha, ayollar sababli uning boyligi ko‘p bo‘lishiga dalildir. Mag‘ribiy (r.a.)ning aytishicha, tushdagi kaptarlar ozod ayollarni bildiradi. Agar tushida birovning kaptarini hiyla bilan tutib olganini ko‘rsa, uning miqdoricha makru hiyla bilan mol topishiga dalildir. Agar kaptar havodan uchib kelib, unga itoatkor bo‘lib turganini ko‘rsa, umid qilmagan bir joydan unga foyda yetishiga dalildir. Agar kaptarga don berayotganini ko‘rsa, ayolga so‘z o‘rgatishiga dalildir. Tushida ko‘pgina kaptarlarning yig‘ilganini va ularning hammasi o‘ziniki ekanini ko‘rsa, rayosat va rahbarlikka dalildir. Tuxpdagi eng yaxshi kaptar bu oq kaptarlardir. Agar tush sohibi ayol kishi bo‘lib, u yashil rangli kaptarni ko‘rsa, erga tegishi yoki qiz tug‘ishiga dalildir. Tushdagi kaptarbozlik yaramas ish hamda kaptarxona ayollar yig‘iladigan joydir. Ja’far Sodiq (r.a.)ning aytishicha, tushdagi kaptar besh narsani bildiradi: ayolni; kanizakkni; boylikchi; g‘oyibdan kelgan xatni; rayosatni. Ta’birchilarning aytixplaricha, tushdagi kaptarning har biri tush sohibi topadigan diram (pul)dir.
КАПТАР (КАБУТАР) Ибн Сирин (р.а.)нинг айтишича, тушдаги каптар хотин ёки канизак бўлади. Агар тушида каптар тутиб олганини кўрса, хотин олиши ва хотини қиз туғишига далилдир. Агар кўпгина каптарларни тутиб олса, каптарларнинг сонига мувофиқ хотин олишига ёки канизаклар сотиб олишига далилдир. Агар каптар гўштини еганини кўрса, аёллар молидан фойда топишига далилдир. Агар каптарнинг болаларини тутиб олганини кўрса, аёллардан фойда топишини билдиради. Баъзи таъбирчиларнинг айтишларича, каптар болалари уйланадиган аёли тарафидан етадиган ғам ва андухдир. Кирмоний (р.а.)нинг айтишича, тушида кўпгина каптарлар унинг уйида тўпланганини кўрса, болалари кўп бўлишига далилдир. Яна айтишларича, аёллар сабабли унинг бойлиги кўп бўлишига далилдир. Мағрибий (р.а.)нинг айтишича, тушдаги каптарлар озод аёлларни билдиради. Агар тушида бировнинг каптарини ҳийла билан тутиб олганини кўрса, унинг миқдорича макру ҳийла билан мол топишига далилдир. Агар каптар ҳаводан учиб келиб, унга итоаткор бўлиб турганини кўрса, умид қилмаган бир жойдан унга фойда етишига далилдир. Агар каптарга дон бераётганини кўрса, аёлга сўз ўргатишига далилдир. Тушида кўпгина каптарларнинг йиғилганини ва уларнинг ҳаммаси ўзиники эканини кўрса, раёсат ва раҳбарликка далилдир. Тухпдаги энг яхши каптар бу оқ каптарлардир. Агар туш соҳиби аёл киши бўлиб, у яшил рангли каптарни кўрса, эрга тегиши ёки қиз туғишига далилдир. Тушдаги каптарбозлик ярамас иш ҳамда каптархона аёллар йиғиладиган жойдир. Жаъфар Содиқ (р.а.)нинг айтишича, тушдаги каптар беш нарсани билдиради: аёлни; канизаккни; бойликчи; ғойибдан келган хатни; раёсатни. Таъбирчиларнинг айтихпларича, тушдаги каптарнинг ҳар бири туш соҳиби топадиган дирам (пул)дир.