KON TOPMOQ (YoFTANI KONHO) Ibn Sirin (r.a.)ning aytishicha, har kim tushida kon kavlaganini va tilla koni topganini ko‘rsa, o‘z qadriga muvofiq ulug‘lik topishiga dalildir. Agar tush ko‘ruvchi solih, porso va ahli din bo‘lsa, Haq ta’olo unga ilmu hikmat ato qiladi. Agar tushida kumush konini topsa, chiroyli va badavlat bo‘lgan, ulug‘lar xonadoniga mansub ayolga uylanishiga dalildir. Ba’zi ta’birchilarning aytishicha muborak farzand tug‘iladi. Agar mis yoki bronza konini topsa, badfe’l va berahm rahbar bilan suhbat qurishiga dalildir. Agar qalay konini topgan bo‘lsa, chiroyli ayolga uylanishiga dalildir. Agar temir konini topganini ko‘rsa, kuchli rahbar bilan suhbat qurishi va undan mol topishiga dalildir. Agar billur konini topsa, podshoxdan yoki xotindan foyda topishiga dalildir. Agar zabarjad va zumrad konini topsa, mol va obro‘ sohibi bo‘lishiga dalildir. Agar yoqut konini topsa, izzati va moli ziyoda bo‘lishiga dalildir. Agar feruza konini topsa, dushman ustidan g‘alaba qazonishiga dalildir. Agar aqiq konini topsa, podshoxdan foyda topishiga, la’l konini topsa, izzat va obro‘yi oshishiga dalildir. Agar novshadil konini topsa, g‘amgin bo‘lishiga, tuz konini topsa, bir ulug‘ odamdan foyda topishiga dalildir. Agar surma konini topsa, g‘amu anduhga dalildir.
КОН ТОПМОҚ (ЁФТАНИ КОНҲО) Ибн Сирин (р.а.)нинг айтишича, ҳар ким тушида кон кавлаганини ва тилла кони топганини кўрса, ўз қадрига мувофиқ улуғлик топишига далилдир. Агар туш кўрувчи солиҳ, порсо ва аҳли дин бўлса, Ҳақ таъоло унга илму ҳикмат ато қилади. Агар тушида кумуш конини топса, чиройли ва бадавлат бўлган, улуғлар хонадонига мансуб аёлга уйланишига далилдир. Баъзи таъбирчиларнинг айтишича муборак фарзанд туғилади. Агар мис ёки бронза конини топса, бадфеъл ва бераҳм раҳбар билан суҳбат қуришига далилдир. Агар қалай конини топган бўлса, чиройли аёлга уйланишига далилдир. Агар темир конини топганини кўрса, кучли раҳбар билан суҳбат қуриши ва ундан мол топишига далилдир. Агар биллур конини топса, подшохдан ёки хотиндан фойда топишига далилдир. Агар забаржад ва зумрад конини топса, мол ва обрў соҳиби бўлишига далилдир. Агар ёқут конини топса, иззати ва моли зиёда бўлишига далилдир. Агар феруза конини топса, душман устидан ғалаба қазонишига далилдир. Агар ақиқ конини топса, подшохдан фойда топишига, лаъл конини топса, иззат ва обрўйи ошишига далилдир. Агар новшадил конини топса, ғамгин бўлишига, туз конини топса, бир улуғ одамдан фойда топишига далилдир. Агар сурма конини топса, ғаму андуҳга далилдир.
Tush.UZ - Tushlar tabiri