KOSA (KOSA) Ibn Sirin (r.a.)ning aytishicha, tushdagi yog‘och kosa, agar ichida yemish bo‘lsa va undan yeganini ko‘rsa, uning miqdoricha safardan halol rizq topishiga dalildir. Tushdagi sopol kosa rizq bo‘ladi, bo‘sh kosa hayronlik va bechoralikdir. Kirmoniy (r.a.)ning aytishicha, tushdagi taom kosasi qo‘lidan yaxshiliklar keladigan va molni to‘g‘rilik bilan taqsim qiladigan barakatli va manfaatli xodimdir. Ichida yemish bo‘lgan tilla va kumush kosa harom rizkdir. Bronza yoki qalaydan yasalgan oq kosa ichida shubhasi bo‘lgan ozgina rizqdir. Shisha kosa ham shuni bildiradi. Bo‘sh kosa-kambag‘allikdir. Mag‘ribiy (r.a.)ning aytishicha, tushida o‘z kosasi ichida ta’mi soz va shirin yemish borligini ko‘rsa, ne’mat va mol topishga dalildir. Agar unda nordon va noxush yemish bo‘lsa, g‘am va o‘yga dalildir.
КОСА (КОСА) Ибн Сирин (р.а.)нинг айтишича, тушдаги ёғоч коса, агар ичида емиш бўлса ва ундан еганини кўрса, унинг миқдорича сафардан ҳалол ризқ топишига далилдир. Тушдаги сопол коса ризқ бўлади, бўш коса ҳайронлик ва бечораликдир. Кирмоний (р.а.)нинг айтишича, тушдаги таом косаси қўлидан яхшиликлар келадиган ва молни тўғрилик билан тақсим қиладиган баракатли ва манфаатли ходимдир. Ичида емиш бўлган тилла ва кумуш коса ҳаром ризкдир. Бронза ёки қалайдан ясалган оқ коса ичида шубҳаси бўлган озгина ризқдир. Шиша коса ҳам шуни билдиради. Бўш коса-камбағалликдир. Мағрибий (р.а.)нинг айтишича, тушида ўз косаси ичида таъми соз ва ширин емиш борлигини кўрса, неъмат ва мол топишга далилдир. Агар унда нордон ва нохуш емиш бўлса, ғам ва ўйга далилдир.
Tush.UZ - Tushlar tabiri