AZON (BONGI NAMOZ) Ibn Sirin (r.a.) aytadiki, mo‘’min, solih va pokdoman har bir banda ma’lum va tanish tomondan azon ovozini eshitsa yoki o‘zi azon aytayotganini ko‘rsa, Hajga borishiga dalildir. Alloh ta’olo aytadi: Odamlar orasida (yurib ularni) hajga chorlagin: ular sen sari piyoda va har qanday tuyada uzoq yo‘llardan kelurlar (Haj surasi, 27-oyat). Agar azon ovozini notanish va noma’lum tomondan kelayotganini eshitsa, bir noma’qul va yoqimsiz odamlar guruhining o‘z oldiga kelishiga dalildir. Agar bu tushni fosiq odam ko‘rsa, uni o‘g‘rilikda ayblashlariga dalildir. Agar azonni masjidda yoki minorada aytayotganini ko‘rsa, odamlarni Xudo yo‘liga chaqirishlariga dalildir. Agar ko‘rpada yotgan holda azon aytayotganini ko‘rsa, xotini bilan yaqin ulfat bo‘lishiga dalildir. Agar o‘z uyida azon aytayotganini ko‘rsa, kambag‘al va bechora bo‘lishiga dalildir. Aytishlaricha, uning ahlidan kimdir vafot etadi. Agar choh yoki sardobada azon aytayotganini ko‘rsa, azon aytuvchining Xudosiz yoki munofiq ekanidan dalildir. Agar ko‘chada azon aytayotganini ko‘rsa, josuslik qilishini bildiradi. Kirmoniy (r.a.) aytadiki, agar biror kishi xotini bilan azon aytayotganini ko‘rsa, tez orada vafot qilishini bildiradi. Agar azon so‘zlarini ortiqcha yoki kam aytayotganini ko‘rsa, odamlarga jafo va sitam qilishiga dalildir. Agar yosh bolaning azon aytayotganini ko‘rsa, ota-onasining yolg‘onchi ekanini bildiradi. Agar hammomda azon aytayotganini ko‘rsa, uning ahvoli din va dunyoda yomon bo‘lishiga dalildir. Agar karvonda yoki lashkargohda azon aytayotganini ko‘rsa, ta’biri yomon bo‘ladi. Agar majusiyning zindonda azon aytayotganini va namozga turganini ko‘rsa, zindondan ozodlik topadi. Agar azonni o‘ynab aytayotganini ko‘rsa, xalok bo‘lishiga dalildir. Egar ustida azon aytayotganini ko‘rsa, podshohning so‘zi rost ekani va uni Xudo yo‘liga chaqirishiga dalildir. Agar minora ustida azon aytayotganini ko‘rsa, ulug‘lik va amal topishiga dalil bo‘ladi. Agar uyning bir chekkasidan azon aytayotganini ko‘rsa, Xaq yo‘liga xiyonat qilishiga dalildir. Agar sardobada azon aytayotganini ko‘rsa, safarga borishi va bu safarda qiyinchilik va kulfatlar ko‘rishi va safardan kech qaytishiga dalildir. Agar ikki tog‘ning orasida azon aytayotganini ko‘rsa, sitamgar bir qavm orasiga tushib qolishi va bu qavmning unga xiyonat qilishiga dalildir. Agar taxt ustida o‘tirib, hazil va mazax qilgan holda azon aytayotganini ko‘rsa, aqli undan zoyil bo‘lishini bildiradi. Agar bir odamning azon aytayotganini, u esa eshitayotganini ko‘rsa, eshitayotgan kishining ibodat va itoatga xushi yo‘qligini va kimdir uni Xudoyi ta’olo yo‘liga chaqirishini bildiradi. Agar takbir ovozini eshitayotganini ko‘rsa, Xaq ta’olo ishlarida tavfiq topishiga dalildir. Ja’far Sodiq (r.a.) aytadiki, tushdagi azon ovozi o‘n ikki narsani bildiradi: X,ajni; so‘zni; mansabdorlikni; ulug‘likni; rahbarlikni; safarni; o‘lishni; kambag‘allikni; hiyonatni; josuslikni; munofiqlikni; qo‘l kesilishini.
АЗОН (БОНГИ НАМОЗ) Ибн Сирин (р.а.) айтадики, мўъмин, солиҳ ва покдоман ҳар бир банда маълум ва таниш томондан азон овозини эшитса ёки ўзи азон айтаётганини кўрса, Ҳажга боришига далилдир. Аллоҳ таъоло айтади: Одамлар орасида (юриб уларни) ҳажга чорлагин: улар сен сари пиёда ва ҳар қандай туяда узоқ йўллардан келурлар (Ҳаж сураси, 27-оят). Агар азон овозини нотаниш ва номаълум томондан келаётганини эшитса, бир номаъқул ва ёқимсиз одамлар гуруҳининг ўз олдига келишига далилдир. Агар бу тушни фосиқ одам кўрса, уни ўғриликда айблашларига далилдир. Агар азонни масжидда ёки минорада айтаётганини кўрса, одамларни Худо йўлига чақиришларига далилдир. Агар кўрпада ётган ҳолда азон айтаётганини кўрса, хотини билан яқин улфат бўлишига далилдир. Агар ўз уйида азон айтаётганини кўрса, камбағал ва бечора бўлишига далилдир. Айтишларича, унинг аҳлидан кимдир вафот этади. Агар чоҳ ёки сардобада азон айтаётганини кўрса, азон айтувчининг Худосиз ёки мунофиқ эканидан далилдир. Агар кўчада азон айтаётганини кўрса, жосуслик қилишини билдиради. Кирмоний (р.а.) айтадики, агар бирор киши хотини билан азон айтаётганини кўрса, тез орада вафот қилишини билдиради. Агар азон сўзларини ортиқча ёки кам айтаётганини кўрса, одамларга жафо ва ситам қилишига далилдир. Агар ёш боланинг азон айтаётганини кўрса, ота-онасининг ёлғончи эканини билдиради. Агар ҳаммомда азон айтаётганини кўрса, унинг аҳволи дин ва дунёда ёмон бўлишига далилдир. Агар карвонда ёки лашкаргоҳда азон айтаётганини кўрса, таъбири ёмон бўлади. Агар мажусийнинг зиндонда азон айтаётганини ва намозга турганини кўрса, зиндондан озодлик топади. Агар азонни ўйнаб айтаётганини кўрса, халок бўлишига далилдир. Эгар устида азон айтаётганини кўрса, подшоҳнинг сўзи рост экани ва уни Худо йўлига чақиришига далилдир. Агар минора устида азон айтаётганини кўрса, улуғлик ва амал топишига далил бўлади. Агар уйнинг бир чеккасидан азон айтаётганини кўрса, Хақ йўлига хиёнат қилишига далилдир. Агар сардобада азон айтаётганини кўрса, сафарга бориши ва бу сафарда қийинчилик ва кулфатлар кўриши ва сафардан кеч қайтишига далилдир. Агар икки тоғнинг орасида азон айтаётганини кўрса, ситамгар бир қавм орасига тушиб қолиши ва бу қавмнинг унга хиёнат қилишига далилдир. Агар тахт устида ўтириб, ҳазил ва мазах қилган ҳолда азон айтаётганини кўрса, ақли ундан зойил бўлишини билдиради. Агар бир одамнинг азон айтаётганини, у эса эшитаётганини кўрса, эшитаётган кишининг ибодат ва итоатга хуши йўқлигини ва кимдир уни Худойи таъоло йўлига чақиришини билдиради. Агар такбир овозини эшитаётганини кўрса, Хақ таъоло ишларида тавфиқ топишига далилдир. Жаъфар Содиқ (р.а.) айтадики, тушдаги азон овози ўн икки нарсани билдиради: Х,ажни; сўзни; мансабдорликни; улуғликни; раҳбарликни; сафарни; ўлишни; камбағалликни; ҳиёнатни; жосусликни; мунофиқликни; қўл кесилишини.