MARVARID (MARVORID) Doniyol (a.s.)ning aytishlaricha, tushdagi marvarid g‘ulom yoki kanizakning farzandi bo‘ladi. Ibn Sirin (r.a.)ning aytishicha, tushdagi marvarid chiroyli kanizak yoki go‘zal xotin bo‘ladi. Boshqalarning aytishicha, tushdagi yirik marvarid ilmu hikmat so‘zlariga dalildir. Boshqa ta’birchilar bo‘yicha, o‘g‘illar va qizlarga dalildir. Ibn Sirin (r.a.)ning aytishicha, bunday marvarid xotinlarga va qizlarga dalildir. Tushida og‘zidan marvarid shodasi chiqqanini ko‘rsa, og‘zidan ilmu hikmatga oid so‘zlar qatorlashib chiqishiga dalildir. Tushida marvarid yeganini ko‘rsa, ilmu hikmat va tavhidni yashirishiga yoki Qur’onni esidan chiqarishiga dalildir. Tushida uyida yoki ko‘chada marvarid shodalarining yoyilib yotganini ko‘rsa, ilm va hikmat haqida uning yozgan va tuzgan kitoblari ko‘p bo‘lishiga va odamlar uning so‘zlaridan ilm o‘rganishlariga dalildir. Tushida o‘tin o‘rniga marvarid yoqayotganini ko‘rsa, ilmu hikmat o‘rgatishga arzimaydigan odamlarga ilmu hikmat o‘rgatishiga dalildir. Tushida ko‘pgina marvaridi borligini ko‘rsa, tush ko‘ruvchi dindor va porso bo‘lsa, uning dini va diyonatining ziyoda bo‘lishiga dalildir, agar boy bo‘lsa, boyligi ziyoda bo‘ladi. Kirmoniy (r.a.)ning aytishicha, tushida marvaridi borligini ko‘rsa, chiroyli farzand tug‘ilishiga dalildir. Chunonchi, Haq subhonahu va ta’olo Kalomi Majidda aytadi: Ularning usti-da go‘yo (sadaf ichida) yashiringan gavhardek (pok va xushsurat) g‘ulomlar aylanib (xizmat qilib) yurar (Tur surasi, 24-oyat). Agar katta marvaridni ko‘rsa va bu marvarid haddan oshiq katta bo‘lsa, ko‘p boylik hosil qilishiga dalildir. Tushida marvaridini sotib yuborganini ko‘rsa, ilm va Qur’onni unutishiga dalildir. Agar marvaridni og‘ziga solganini va yutib yuborganini ko‘rsa, Haq ta’olo unga ilm ato qilishiga dalildir. Agar marvaridni noma’lum bir yerga otib yuborganini ko‘rsa, ilm qadrini bilmaydigan odamga ilm o‘rgatishiga dalildir. Agar marvarid shodasini ko‘liga bog‘lab olganini ko‘rsa, qiz tug‘ilishiga dalildir. Mag‘ribiy (r.a.)ning aytishicha, tushida ko‘pgina marvaridi borligini ko‘rsa, Haq subhonahu va ta’olo unga ilmu hikmat ato qilishiga dalildir. Tushida og‘zidan dona-dona qimmatbaho marvaridlar chiqayotganini ko‘rsa, yaxshi so‘zlar aytishi va odamlar bu so‘zlarni yoqtirishlariga dalildir. Tushida qo‘lidagi marjon shodasi yerga tushganini va singanini ko‘rsa, ko‘p so‘zlashiga dalildir. Ismoil Aigas (r.a.)ning aytishicha, tushida marvaridni go‘ng tashlaydigan joyga yoki birorta iflos joyga tashlaganini ko‘rsa, ilmu hikmatni nodon odamga aytishiga dalildir. Agar marvaridni olovda kuydirganini yoki tosh bilan sindirganini ko‘rsa, shari’atga xilof ish qilishiga dalildir. Tushida marvarid oyog‘ining ostida singanini ko‘rsa, bolasi o‘lishiga dalildir. Agar marvarid erlik olatidan chiqqanini va teshigi yo‘qligini ko‘rsa, qiz tug‘ilishiga dalildir. Agar marvarid shodasini bo‘yniga ilganini ko‘rsa, har xil ilmlar hosil qilishiga dalildir. Agar uni birovning bo‘yniga osib ko‘yganini ko‘rsa, o‘sha odamga ilmu hikmat o‘rgatishiga dalildir. Agar qulog‘iga marvarid sirg‘a osganini ko‘rsa, Qur’on yodlashiga dalildir. Agar qopda marvarid borligini ko‘rsa, uning miqdoriga muvofiq ilm hosil qilishiga dalildir. Jobir Mag‘ribiy (r.a.)ning aytishicha, tushida marvaridfurushlik qilganini ko‘rsa, o‘zi porso va solih bo‘lsa, har xil ilmdan bahramand bo‘lishiga dalildir, agar u ilm ahlidan bo‘lmasa, farzand tug‘ilishi va ko‘p boylik topishiga dalildir. Ja’far Sodiq (r.a.)ning aytishicha, tushdagi marvarid olti narsani bildiradi: Qur’onni; hikmat va ilmni; boylikni; xotinni; chiroyli kanizakni; qobil farzandni. Tushdagi marvaridfurush bola-chaqasi va boyligi ko‘p hamda din ilmiga ega bo‘lgan kishidir.
МАРВАРИД (МАРВОРИД) Дониёл (а.с.)нинг айтишларича, тушдаги марварид ғулом ёки канизакнинг фарзанди бўлади. Ибн Сирин (р.а.)нинг айтишича, тушдаги марварид чиройли канизак ёки гўзал хотин бўлади. Бошқаларнинг айтишича, тушдаги йирик марварид илму ҳикмат сўзларига далилдир. Бошқа таъбирчилар бўйича, ўғиллар ва қизларга далилдир. Ибн Сирин (р.а.)нинг айтишича, бундай марварид хотинларга ва қизларга далилдир. Тушида оғзидан марварид шодаси чиққанини кўрса, оғзидан илму ҳикматга оид сўзлар қаторлашиб чиқишига далилдир. Тушида марварид еганини кўрса, илму ҳикмат ва тавҳидни яширишига ёки Қуръонни эсидан чиқаришига далилдир. Тушида уйида ёки кўчада марварид шодаларининг ёйилиб ётганини кўрса, илм ва ҳикмат ҳақида унинг ёзган ва тузган китоблари кўп бўлишига ва одамлар унинг сўзларидан илм ўрганишларига далилдир. Тушида ўтин ўрнига марварид ёқаётганини кўрса, илму ҳикмат ўргатишга арзимайдиган одамларга илму ҳикмат ўргатишига далилдир. Тушида кўпгина марвариди борлигини кўрса, туш кўрувчи диндор ва порсо бўлса, унинг дини ва диёнатининг зиёда бўлишига далилдир, агар бой бўлса, бойлиги зиёда бўлади. Кирмоний (р.а.)нинг айтишича, тушида марвариди борлигини кўрса, чиройли фарзанд туғилишига далилдир. Чунончи, Ҳақ субҳонаҳу ва таъоло Каломи Мажидда айтади: Уларнинг усти-да гўё (садаф ичида) яширинган гавҳардек (пок ва хушсурат) ғуломлар айланиб (хизмат қилиб) юрар (Тур сураси, 24-оят). Агар катта марваридни кўрса ва бу марварид ҳаддан ошиқ катта бўлса, кўп бойлик ҳосил қилишига далилдир. Тушида марваридини сотиб юборганини кўрса, илм ва Қуръонни унутишига далилдир. Агар марваридни оғзига солганини ва ютиб юборганини кўрса, Ҳақ таъоло унга илм ато қилишига далилдир. Агар марваридни номаълум бир ерга отиб юборганини кўрса, илм қадрини билмайдиган одамга илм ўргатишига далилдир. Агар марварид шодасини кўлига боғлаб олганини кўрса, қиз туғилишига далилдир. Мағрибий (р.а.)нинг айтишича, тушида кўпгина марвариди борлигини кўрса, Ҳақ субҳонаҳу ва таъоло унга илму ҳикмат ато қилишига далилдир. Тушида оғзидан дона-дона қимматбаҳо марваридлар чиқаётганини кўрса, яхши сўзлар айтиши ва одамлар бу сўзларни ёқтиришларига далилдир. Тушида қўлидаги маржон шодаси ерга тушганини ва синганини кўрса, кўп сўзлашига далилдир. Исмоил Аигьас (р.а.)нинг айтишича, тушида марваридни гўнг ташлайдиган жойга ёки бирорта ифлос жойга ташлаганини кўрса, илму ҳикматни нодон одамга айтишига далилдир. Агар марваридни оловда куйдирганини ёки тош билан синдирганини кўрса, шариъатга хилоф иш қилишига далилдир. Тушида марварид оёғининг остида синганини кўрса, боласи ўлишига далилдир. Агар марварид эрлик олатидан чиққанини ва тешиги йўқлигини кўрса, қиз туғилишига далилдир. Агар марварид шодасини бўйнига илганини кўрса, ҳар хил илмлар ҳосил қилишига далилдир. Агар уни бировнинг бўйнига осиб кўйганини кўрса, ўша одамга илму ҳикмат ўргатишига далилдир. Агар қулоғига марварид сирға осганини кўрса, Қуръон ёдлашига далилдир. Агар қопда марварид борлигини кўрса, унинг миқдорига мувофиқ илм ҳосил қилишига далилдир. Жобир Мағрибий (р.а.)нинг айтишича, тушида марваридфурушлик қилганини кўрса, ўзи порсо ва солиҳ бўлса, ҳар хил илмдан баҳраманд бўлишига далилдир, агар у илм аҳлидан бўлмаса, фарзанд туғилиши ва кўп бойлик топишига далилдир. Жаъфар Содиқ (р.а.)нинг айтишича, тушдаги марварид олти нарсани билдиради: Қуръонни; ҳикмат ва илмни; бойликни; хотинни; чиройли канизакни; қобил фарзандни. Тушдаги марваридфуруш бола-чақаси ва бойлиги кўп ҳамда дин илмига эга бўлган кишидир.
Tush.UZ - Tushlar tabiri