MINORA (MINORA) Ibn Sirin (r.a.)ning aytishicha, tushdagi minora odamlarni dinga chorlovchi kishi bo‘ladi. Tushida minora barpo qilganini ko‘rsa, yaxshi ishlarni qilishiga va islom jamoatini yig‘ishga dalildir. Tushida minorani qo‘porib yuborganini va xarob qilganini ko‘rsa, musulmonlarning tarqalib ketishiga dalildir. Ba’zi ta’birchilarning aytishicha, minora muazzinining dunyodan ketishiga dalildir. Kirmoniy (r.a.)ning aytishicha, tushdagi minora podshoh yoki bir ulug‘ odam bo‘ladi. Agar ko‘chada minora ko‘rsa, bir ulug‘ odam kelishiga dalildir. Agar minorani gaj (aleybastr) yoki pishiq g‘ishtdan ekanini ko‘rsa, sultonga dalildir, agar xom g‘ishtdan bo‘lsa, o‘sha ulug‘ kishi oddiy xalqdan bo‘ladi va u dindor va kamtar bo‘ladi. Agar minora tosh va ohakdan qurilgan bo‘lsa, sitamgar podshohga dalildir. Agar minora yog‘ochdan ekanini ko‘rsa, o‘sha ulug‘ kishi pasthimmat bo‘lishiga dalildir. Agar minorani masjid hovlisida ko‘rsa, o‘sha ulug‘ kishi olim va fozil ekani va odamlarni shari’at ishlariga chaqirishiga dalildir. Agar masjid minorasi qulab ketganini ko‘rsa, din ulug‘laridan birining halok bo‘lishiga va xalq orasiga tashvish hamda parokandalik tushishiga dalildir. Tushida shahar o‘rtasida minora ko‘rsa, podshohga dalildir. Agar minoraning boshi mis yoki bronzadan ekanini ko‘rsa, podshoh zolim va sitamgar bo‘lishiga dalildir. Agar minora uchi tilla yoki kumushdan ekanini ko‘rsa, podshoh yolg‘onchi, so‘zida turmaydigan va xiyonatchi bo‘lishiga dalildir. Agar minora pishiq g‘ishtdan bo‘lsa, podshohning qaysar va takabbur ekaniga dalildir. Agar o‘zini minora ustida ko‘rsa, podshohga yaqin bo‘lishi va ishlari yaxshi bo‘lishiga dalildir. Agar minora ustiga taom qo‘yganini ko‘rsa, o‘sha diyorga podshoh kelishiga dalildir. Mag‘ribiy (r.a.)ning aytishicha, tushida minorada ekanini va azon aytayotganini ko‘rsa, podshoh xalqqa yaxshi va’da berishiga dalildir. Agar jome’ masjidi minorasida azon aytganini ko‘rsa, Umra qilishiga dalildir. Tushida minora qimirlaganini ko‘rsa, podshohning bemor bo‘lishiga dalildir. Agar podshoh minorani buzganini ko‘rsa, birorta podshohning kelishi, bu podshohni yengishi va mamlakatni qo‘lga olishiga dalildir. Ja’far Sodiq (r.a.)ning aytishicha, tushda minorani ko‘rish to‘rt narsaga dalildir: podshohga; ulug‘ kishiga; imomga; muazzinga.
МИНОРА (МИНОРА) Ибн Сирин (р.а.)нинг айтишича, тушдаги минора одамларни динга чорловчи киши бўлади. Тушида минора барпо қилганини кўрса, яхши ишларни қилишига ва ислом жамоатини йиғишга далилдир. Тушида минорани қўпориб юборганини ва хароб қилганини кўрса, мусулмонларнинг тарқалиб кетишига далилдир. Баъзи таъбирчиларнинг айтишича, минора муаззинининг дунёдан кетишига далилдир. Кирмоний (р.а.)нинг айтишича, тушдаги минора подшоҳ ёки бир улуғ одам бўлади. Агар кўчада минора кўрса, бир улуғ одам келишига далилдир. Агар минорани гаж (алейбастр) ёки пишиқ ғиштдан эканини кўрса, султонга далилдир, агар хом ғиштдан бўлса, ўша улуғ киши оддий халқдан бўлади ва у диндор ва камтар бўлади. Агар минора тош ва оҳакдан қурилган бўлса, ситамгар подшоҳга далилдир. Агар минора ёғочдан эканини кўрса, ўша улуғ киши пастҳиммат бўлишига далилдир. Агар минорани масжид ҳовлисида кўрса, ўша улуғ киши олим ва фозил экани ва одамларни шариъат ишларига чақиришига далилдир. Агар масжид минораси қулаб кетганини кўрса, дин улуғларидан бирининг ҳалок бўлишига ва халқ орасига ташвиш ҳамда парокандалик тушишига далилдир. Тушида шаҳар ўртасида минора кўрса, подшоҳга далилдир. Агар миноранинг боши мис ёки бронзадан эканини кўрса, подшоҳ золим ва ситамгар бўлишига далилдир. Агар минора учи тилла ёки кумушдан эканини кўрса, подшоҳ ёлғончи, сўзида турмайдиган ва хиёнатчи бўлишига далилдир. Агар минора пишиқ ғиштдан бўлса, подшоҳнинг қайсар ва такаббур эканига далилдир. Агар ўзини минора устида кўрса, подшоҳга яқин бўлиши ва ишлари яхши бўлишига далилдир. Агар минора устига таом қўйганини кўрса, ўша диёрга подшоҳ келишига далилдир. Мағрибий (р.а.)нинг айтишича, тушида минорада эканини ва азон айтаётганини кўрса, подшоҳ халққа яхши ваъда беришига далилдир. Агар жомеъ масжиди минорасида азон айтганини кўрса, Умра қилишига далилдир. Тушида минора қимирлаганини кўрса, подшоҳнинг бемор бўлишига далилдир. Агар подшоҳ минорани бузганини кўрса, бирорта подшоҳнинг келиши, бу подшоҳни енгиши ва мамлакатни қўлга олишига далилдир. Жаъфар Содиқ (р.а.)нинг айтишича, тушда минорани кўриш тўрт нарсага далилдир: подшоҳга; улуғ кишига; имомга; муаззинга.
Tush.UZ - Tushlar tabiri