MIX (MIX) Ibn Sirin (r.a.)ning aytishicha, tushdagi mix aka yoki uka bo‘ladi. Tushida mixni devorga qoqqanini ko‘rsa, aka yoki ukasi o‘sha mix qoqilgan joyda bir kishi bilan topishishini bildiradi, negaki devor tushda erkak kishini anglatadi. Tushida ipga mixni bog‘laganini ko‘rsa, aka yo ukasi bir odam bilan bog‘lanishiga dalildir. Tushida beliga mix urganini ko‘rsa, pushtidan bir farzand tug‘ilishi va bu farzand podshoh bo‘lishi yoki sharaf va ulug‘lik topishi yoki nomi olamga taraladigan zohid bo‘lishiga dalildir. Kirmoniy (r.a)ning aytishicha, tushda mix din va dunyoda sharaf va ulug‘lik topishiga dalildir. Tushida uyining eshigida mix ko‘rsa, ulug‘lik va sharaf topishiga dalildir. Tushida uyidagi mixni sug‘irganini va otib yuborganini ko‘rsa, ta’biri yuqoridagining aksi bo‘ladi. Tushida yog‘ochdan yoki temirdan yoki kumushdan yoki misdan yoxud suyakdan mixni ko‘rsa, buning ta’biri ikki narsaga bo‘ladi, yo xotin oladi yoki do‘st tutinadi. Tushida mixni ustunga yoki xodaga urganini ko‘rsa, o‘ziga mos bo‘lgan bir odam bilan do‘st tutinishiga dalildir. Mag‘ribiy (r.a.)ning aytishicha, tushida mixni bronza yoki misdan ekanini ko‘rsa, ta’biri yaxshi bo‘ladi. Agar temir yoki suyakdan bo‘lsa, yaxshilikka va kuchu quvvatga dalil bo‘ladi. Tushida qo‘lida temir mix borligini ko‘rsa, podshohga loyiq bo‘lgan farzand tug‘ilishiga dalildir. Agar farzandi bo‘lmasa, Xudoyi ta’olo unga ilmu donish nasib etishi, agar ilm ahlidan bo‘lmasa, ilm ahli uni yaxshi ko‘rishiga dalildir. Tushida tilla yoki kumush mixni yerga qoqqanini ko‘rsa, o‘z kasbidan boy bo‘lishiga dalildir. Ja’far Sodiq (r.a.)ning aytishicha, tushdagi mix to‘rt narsaga dalildir: aka-ukaga; farzandga; do‘stga; xotin olishga.
МИХ (МИХ) Ибн Сирин (р.а.)нинг айтишича, тушдаги мих ака ёки ука бўлади. Тушида михни деворга қоққанини кўрса, ака ёки укаси ўша мих қоқилган жойда бир киши билан топишишини билдиради, негаки девор тушда эркак кишини англатади. Тушида ипга михни боғлаганини кўрса, ака ё укаси бир одам билан боғланишига далилдир. Тушида белига мих урганини кўрса, пуштидан бир фарзанд туғилиши ва бу фарзанд подшоҳ бўлиши ёки шараф ва улуғлик топиши ёки номи оламга тараладиган зоҳид бўлишига далилдир. Кирмоний (р.а)нинг айтишича, тушда мих дин ва дунёда шараф ва улуғлик топишига далилдир. Тушида уйининг эшигида мих кўрса, улуғлик ва шараф топишига далилдир. Тушида уйидаги михни суғирганини ва отиб юборганини кўрса, таъбири юқоридагининг акси бўлади. Тушида ёғочдан ёки темирдан ёки кумушдан ёки мисдан ёхуд суякдан михни кўрса, бунинг таъбири икки нарсага бўлади, ё хотин олади ёки дўст тутинади. Тушида михни устунга ёки ходага урганини кўрса, ўзига мос бўлган бир одам билан дўст тутинишига далилдир. Мағрибий (р.а.)нинг айтишича, тушида михни бронза ёки мисдан эканини кўрса, таъбири яхши бўлади. Агар темир ёки суякдан бўлса, яхшиликка ва кучу қувватга далил бўлади. Тушида қўлида темир мих борлигини кўрса, подшоҳга лойиқ бўлган фарзанд туғилишига далилдир. Агар фарзанди бўлмаса, Худойи таъоло унга илму дониш насиб этиши, агар илм аҳлидан бўлмаса, илм аҳли уни яхши кўришига далилдир. Тушида тилла ёки кумуш михни ерга қоққанини кўрса, ўз касбидан бой бўлишига далилдир. Жаъфар Содиқ (р.а.)нинг айтишича, тушдаги мих тўрт нарсага далилдир: ака-укага; фарзандга; дўстга; хотин олишга.
Tush.UZ - Tushlar tabiri