MOMAKALDIROQ (TUNDAR) Tundar forscha bo‘lib, arab tilidagi ra’d (momaqaldiroq)ni bildiraDi. Tushda momaqaldiroqni ko‘rmoq amaldorlar yoki avom xalqiga yetadigan xavfni bildiradi. Ibn Sirin (r.a.)ning aytishicha, agar momaqaldiroqni yomg‘ir bilan birga ko‘rsa, odamlarga yetadigan xavf va vahima kamroq bo‘ladi, ne’mat va yaxshilik esa ko‘proq bo‘ladi. Agar yomg‘irning shiddat bilan yog‘ayotganini va momaqaldiroqning dahshat bilan o‘kirayotganini ko‘rsa, tush ko‘ruvchiga yetadigan qo‘rqinch ota-onaning duosidan ekaniga dalildir. Agar momaqaldiroqning ovozi past, yomg‘ir esa oz ekanini ko‘rsa, yetadigan qo‘rqinchli ish o‘z ahlidan yoki zohid va solih kishilarning duolari sababidan ekanligiga dalildir. Ja’far Sodiq (r.a.) aytadiki, tushdagi momaqaldiroq besh narsaga dalildir: azobga; hikmatga; zahmatga; savlatga va podshohning g‘azabiga. Agar momaqaldiroq ovozini yomg‘ir yog‘ayotgan paytda eshitsa, o‘sha diyorda xayru barakat yuz berishiga dalildir. Agar yomg‘irni, momaqaldiroq va chaqmoqni ko‘rsa, o‘sha diyor ahliga podshohdan qo‘rqinch va xavf yetishini bildiradi. Agar yomg‘ir bilan birga do‘l yog‘ayotganini ko‘rsa, o‘sha diyorda fitna, azob va halokat yuz berishini bildiradi. Agar momaqaldiroqning qattiq guldirashini eshitsa, podshohning haybati o‘sha diyorga yoyilishini bildiradi. Agar momaqaldiroq va chaqmoq birga bo‘lib, havoning qorong‘ulashib ketganini ko‘rsa, sitamgar podshohning paydo bo‘lishiga dalildir.
МОМАКАЛДИРОҚ (ТУНДАР) Тундар форсча бўлиб, араб тилидаги раъд (момақалдироқ)ни билдираДи. Тушда момақалдироқни кўрмоқ амалдорлар ёки авом халқига етадиган хавфни билдиради. Ибн Сирин (р.а.)нинг айтишича, агар момақалдироқни ёмғир билан бирга кўрса, одамларга етадиган хавф ва ваҳима камроқ бўлади, неъмат ва яхшилик эса кўпроқ бўлади. Агар ёмғирнинг шиддат билан ёғаётганини ва момақалдироқнинг даҳшат билан ўкираётганини кўрса, туш кўрувчига етадиган қўрқинч ота-онанинг дуосидан эканига далилдир. Агар момақалдироқнинг овози паст, ёмғир эса оз эканини кўрса, етадиган қўрқинчли иш ўз аҳлидан ёки зоҳид ва солиҳ кишиларнинг дуолари сабабидан эканлигига далилдир. Жаъфар Содиқ (р.а.) айтадики, тушдаги момақалдироқ беш нарсага далилдир: азобга; ҳикматга; заҳматга; савлатга ва подшоҳнинг ғазабига. Агар момақалдироқ овозини ёмғир ёғаётган пайтда эшитса, ўша диёрда хайру баракат юз беришига далилдир. Агар ёмғирни, момақалдироқ ва чақмоқни кўрса, ўша диёр аҳлига подшоҳдан қўрқинч ва хавф етишини билдиради. Агар ёмғир билан бирга дўл ёғаётганини кўрса, ўша диёрда фитна, азоб ва ҳалокат юз беришини билдиради. Агар момақалдироқнинг қаттиқ гулдирашини эшитса, подшоҳнинг ҳайбати ўша диёрга ёйилишини билдиради. Агар момақалдироқ ва чақмоқ бирга бўлиб, ҳавонинг қоронғулашиб кетганини кўрса, ситамгар подшоҳнинг пайдо бўлишига далилдир.
Tush.UZ - Tushlar tabiri