MUZ (YaX) — Doniyol (a.s.)ning aytishlaricha, tushdagi muz g‘amu anduhni bildiradi, xususan, agar uni o‘z vaqtida ko‘rsa. Tushida muz yeganini ko‘rsa, ko‘p rizq topishiga dalildir. Tushida toza muzni o‘z uyiga olib borganini ko‘rsa, uning miqdoricha mol yig‘ishiga dalildir. Kirmoniy (r.a.)ning aytishicha, tushida yozda toza muzni ko‘rsa, halol mol yig‘ishiga dalildir. Agar muz kir va achchiq bo‘lsa, harom mol yig‘ishiga dalildir. Agar qishda toza muzni ko‘rsa, hayotni xush o‘tkazishga, hayotidan foydalar ko‘rishiga, do‘stlarning ko‘ngli undan shod bo‘lishiga dalildir. Jobir Mag‘ribiy (r.a.)ning aytishicha, tushda sovuq yerlarda muzni ko‘rsa xayru manfaatga, tandurustlikka dalildir, issiq yerda qahat va ochlikka dalildir. Ba’zi ta’birchilarning aytishicha, sovuq yerlarda muz va chaqmoqni ko‘rish farovon ne’matga dalildir. Issiq mamlakatlarda qahat va anduhga dalildir. Ja’far Sodiq (r.a.)ning aytishicha, tushdagi muz olti narsani bildiradi: keng rizqni; tirikchilikni; molni; arzon narxni; g‘amu anduhni; ocharchilikni.
МУЗ (ЯХ) — Дониёл (а.с.)нинг айтишларича, тушдаги муз ғаму андуҳни билдиради, хусусан, агар уни ўз вақтида кўрса. Тушида муз еганини кўрса, кўп ризқ топишига далилдир. Тушида тоза музни ўз уйига олиб борганини кўрса, унинг миқдорича мол йиғишига далилдир. Кирмоний (р.а.)нинг айтишича, тушида ёзда тоза музни кўрса, ҳалол мол йиғишига далилдир. Агар муз кир ва аччиқ бўлса, ҳаром мол йиғишига далилдир. Агар қишда тоза музни кўрса, ҳаётни хуш ўтказишга, ҳаётидан фойдалар кўришига, дўстларнинг кўнгли ундан шод бўлишига далилдир. Жобир Мағрибий (р.а.)нинг айтишича, тушда совуқ ерларда музни кўрса хайру манфаатга, тандурустликка далилдир, иссиқ ерда қаҳат ва очликка далилдир. Баъзи таъбирчиларнинг айтишича, совуқ ерларда муз ва чақмоқни кўриш фаровон неъматга далилдир. Иссиқ мамлакатларда қаҳат ва андуҳга далилдир. Жаъфар Содиқ (р.а.)нинг айтишича, тушдаги муз олти нарсани билдиради: кенг ризқни; тирикчиликни; молни; арзон нархни; ғаму андуҳни; очарчиликни.