NONLAR (NONHO) Doniyol (a.s.)ning aytishlaricha, tushda pokiza nonlarni ko‘rsa, rohatni bildiradi. Agar non toza va pokiza bo‘lmasa, noxush hayotni bildiradi. Tushida non sotib olganini va uyiga olib kelganini ko‘rsa, xayru manfaatga va halol moldan yetadigan farovon turmushga dalolat qiladi. Tushida birovga non berganini ko‘rsa, o‘sha kishiga rohat yetkazishiga dalildir. Ibn Sirin (r.a.)ning aytishicha, tushida ikkita — uchta non topganini ko‘rsa, g‘amu anduxdan qutilib, shodu xurramlikka yetishiga dalildir. Agar notanish yerda yarimta non topganini ko‘rsa, yarim umri o‘tganiga dalildir. Tushida ozgina non topganini, biroq uni yeya olmaganini ko‘rsa, ajali yaqin kelganiga dalildir. Tushida nonlari ko‘p ekanini, biroq ularni yemaganini ko‘rsa, uning mikdoricha boylik topishiga dalildir. Tushida nonni issig‘icha yeganini ko‘rsa, unga g‘am yetishiga dalildir. Kirmoniy (r.a.)ning aytishicha, tushida issiq non ko‘rsa, lazzat va rohatga dalildir. Qotgan non buning aksi bo‘ladi. Kepak yeyish ocharchilikni bildiradi. Toza va issiq non yeyish podshohning adlu insofiga dalildir. Qo‘noq unidan qilingan non hayotning torligi yoki parhezgarlikni bildiradi. Tushida qotgan non yeganini ko‘rsa, rizqi keng bo‘lishiga dalildir. Tushida lochira nonini yeyish umrning qisqaligiga dalil bo‘ladi. Ismoil Apgas (r.a.)ning aytishicha, tushdagi non amirlar, ulug‘ odamlar va rahbarlarni bildiradi. Agar sulton tushida bitta nonni ko‘rsa, mulki ziyoda bo‘lishiga dalildir. Agar buni savdogar ko‘rsa, boyligi ziyoda bo‘lishiga dalildir. Tushdagi bitta non, kishining qadriga qarab, bir diram puldan to ming diramgacha bo‘ladi. Doniyol (a.s.)ning aytishicha, tushda ko‘riladigan narsalar ichida hech narsa non ko‘rganga yetmaydi, chunki tushdagi non mashaqqatsiz qo‘lga tegadigan halol moldir. Tushda non pishirish tirikchilik ortidan mehnat qilish va non topishga intilish, mol orqali ulug‘lik topishga dalildir. Ja’far Sodiq (r.a.)ning aytishicha, tushdagi non to‘rt narsani bildiradi: yoqimli hayotni; halol molnii; shaharni; xayru barakatni. Bilginki, tushdagi non boylik qidiruvchi kishidir. Tushida nonvoy bo‘lib qolganini ko‘rsa, jang va xusumat orqali ko‘p boylik hosil qilishga dalildir. Ba’zi ta’birchilarning aytishicha, tushdagi nonvoy odil podshohni bildiradi.
НОНЛАР (НОНҲО) Дониёл (а.с.)нинг айтишларича, тушда покиза нонларни кўрса, роҳатни билдиради. Агар нон тоза ва покиза бўлмаса, нохуш ҳаётни билдиради. Тушида нон сотиб олганини ва уйига олиб келганини кўрса, хайру манфаатга ва ҳалол молдан етадиган фаровон турмушга далолат қилади. Тушида бировга нон берганини кўрса, ўша кишига роҳат етказишига далилдир. Ибн Сирин (р.а.)нинг айтишича, тушида иккита — учта нон топганини кўрса, ғаму андухдан қутилиб, шоду хуррамликка етишига далилдир. Агар нотаниш ерда яримта нон топганини кўрса, ярим умри ўтганига далилдир. Тушида озгина нон топганини, бироқ уни ея олмаганини кўрса, ажали яқин келганига далилдир. Тушида нонлари кўп эканини, бироқ уларни емаганини кўрса, унинг микдорича бойлик топишига далилдир. Тушида нонни иссиғича еганини кўрса, унга ғам етишига далилдир. Кирмоний (р.а.)нинг айтишича, тушида иссиқ нон кўрса, лаззат ва роҳатга далилдир. Қотган нон бунинг акси бўлади. Кепак ейиш очарчиликни билдиради. Тоза ва иссиқ нон ейиш подшоҳнинг адлу инсофига далилдир. Қўноқ унидан қилинган нон ҳаётнинг торлиги ёки парҳезгарликни билдиради. Тушида қотган нон еганини кўрса, ризқи кенг бўлишига далилдир. Тушида лочира нонини ейиш умрнинг қисқалигига далил бўлади. Исмоил Апгьас (р.а.)нинг айтишича, тушдаги нон амирлар, улуғ одамлар ва раҳбарларни билдиради. Агар султон тушида битта нонни кўрса, мулки зиёда бўлишига далилдир. Агар буни савдогар кўрса, бойлиги зиёда бўлишига далилдир. Тушдаги битта нон, кишининг қадрига қараб, бир дирам пулдан то минг дирамгача бўлади. Дониёл (а.с.)нинг айтишича, тушда кўриладиган нарсалар ичида ҳеч нарса нон кўрганга етмайди, чунки тушдаги нон машаққатсиз қўлга тегадиган ҳалол молдир. Тушда нон пишириш тирикчилик ортидан меҳнат қилиш ва нон топишга интилиш, мол орқали улуғлик топишга далилдир. Жаъфар Содиқ (р.а.)нинг айтишича, тушдаги нон тўрт нарсани билдиради: ёқимли ҳаётни; ҳалол молнии; шаҳарни; хайру баракатни. Билгинки, тушдаги нон бойлик қидирувчи кишидир. Тушида нонвой бўлиб қолганини кўрса, жанг ва хусумат орқали кўп бойлик ҳосил қилишга далилдир. Баъзи таъбирчиларнинг айтишича, тушдаги нонвой одил подшоҳни билдиради.
Tush.UZ - Tushlar tabiri