ODAM MOYAGI (XOYAI ODAMIY) Ibn Sirin (r.a.)ning aytishicha, har kim o‘z moyagining katta bo‘lib qolganini ko‘rsa, quvvat, farzand va molining ziyoda bo‘lishiga dalildir. Tushida har ikki moyagining kichrayib qolganini ko‘rsa, yuqoridagining aksidir. Agar tushida moyagini kesib yuborilganini ko‘rsa, dushmanlar uning ustidan g‘alaba qazonishiga dalildir. Agar tushida o‘z moyagini birovga berganini ko‘rsa, xaromzoda farzand tug‘ilishi va nasabi boshqa kishidan ekanligiga dalildir. Agar tushida moyaklari shishib ketganini ko‘rsa, ko‘p mol topishiga dalildir, lekin unga dushmandan xavf yetadi. Agar tushida moyaklari cho‘zilib ketganligini, chunonchi yerda sudralib yurganini ko‘rsa, moli nihoyatda ko‘payishiga dalildir. Agar tushida o‘zga bir erkakning moyagini tortganini ko‘rsa, har ikki erkak bir-birining xotini bilan buzuqlik qilishlariga dalildir. Agar tushida o‘z moyagining terisini tortayotganini ko‘rsa, kimdir farzandiga sitam qilishiga dalil bo‘ladi. Agar tushida kimdir uning moyagini qattiq ushlaganini ko‘rsa, farzandining o‘limi haqidagi xabarni eshitadi. Agar farzandi bo‘lmasa, hurmat va e’tibori kamayishiga dalildir. Agar tushida moyagi tagidan kesib olinganini ko‘rsa, quvvati qirqilishiga dalildir. Agar tushida moyaklarining ip yoki boshqa narsa bilan bog‘lab qo‘yilganini ko‘rsa, ishlari chappasidan ketishini bildiradi. Jobir Mag‘ribiy (r.a.) aytadiki, tushdagi odam moyagi dushmanning shiddatini qaytarishiga dalildir. Agar tushida moyagi nuqsonli ekanligini ko‘rsa, dushman uning ustidan zafar topishiga dalildir. Agar tushida chap moyagini sug‘urib olganlarini ko‘rsa, halok bo‘lishini bildiradi. Ja’far Sodiq (r.a.) aytadiki, tushdagi moyak yetti narsaga dalil bo‘ladi: farzandga; molga; ahli oilasiga; obro‘-e’tiborga; ulug‘likka; xojatini qidirishga; murodiga yetishga
ОДАМ МОЯГИ (ХОЙАИ ОДАМИЙ) Ибн Сирин (р.а.)нинг айтишича, ҳар ким ўз моягининг катта бўлиб қолганини кўрса, қувват, фарзанд ва молининг зиёда бўлишига далилдир. Тушида ҳар икки моягининг кичрайиб қолганини кўрса, юқоридагининг аксидир. Агар тушида моягини кесиб юборилганини кўрса, душманлар унинг устидан ғалаба қазонишига далилдир. Агар тушида ўз моягини бировга берганини кўрса, харомзода фарзанд туғилиши ва насаби бошқа кишидан эканлигига далилдир. Агар тушида мояклари шишиб кетганини кўрса, кўп мол топишига далилдир, лекин унга душмандан хавф етади. Агар тушида мояклари чўзилиб кетганлигини, чунончи ерда судралиб юрганини кўрса, моли ниҳоятда кўпайишига далилдир. Агар тушида ўзга бир эркакнинг моягини тортганини кўрса, ҳар икки эркак бир-бирининг хотини билан бузуқлик қилишларига далилдир. Агар тушида ўз моягининг терисини тортаётганини кўрса, кимдир фарзандига ситам қилишига далил бўлади. Агар тушида кимдир унинг моягини қаттиқ ушлаганини кўрса, фарзандининг ўлими ҳақидаги хабарни эшитади. Агар фарзанди бўлмаса, ҳурмат ва эътибори камайишига далилдир. Агар тушида мояги тагидан кесиб олинганини кўрса, қуввати қирқилишига далилдир. Агар тушида моякларининг ип ёки бошқа нарса билан боғлаб қўйилганини кўрса, ишлари чаппасидан кетишини билдиради. Жобир Мағрибий (р.а.) айтадики, тушдаги одам мояги душманнинг шиддатини қайтаришига далилдир. Агар тушида мояги нуқсонли эканлигини кўрса, душман унинг устидан зафар топишига далилдир. Агар тушида чап моягини суғуриб олганларини кўрса, ҳалок бўлишини билдиради. Жаъфар Содиқ (р.а.) айтадики, тушдаги мояк етти нарсага далил бўлади: фарзандга; молга; аҳли оиласига; обрў-эътиборга; улуғликка; хожатини қидиришга; муродига етишга
Tush.UZ - Tushlar tabiri