OY (MOH) Doniyol (a.s.)ning aytishlaricha, tushdagi Oy podshohning vaziridir. Tushida osmondagi oyni olsa yoki uni o‘z mulki deb bilsa, vazir bilan dushmanlashuviga dalildir. Tushida oyning o‘rnida o‘zini ko‘rsa, podshoh vaziri bo‘lishiga dalildir. Tushida Oyning nurini yig‘ib olganini ko‘rsa, vazirlik ishida bo‘lishiga dalildir. Tushida Oyni osmondan olganini, unda nur yo‘qligini, biroq qorong‘i va xira ham emasligini ko‘rsa, g‘amlardan shodlikka chiqishini bildiradi. Bordi-yu, qorong‘i va xira hamda o‘z joyida bo‘lmasa, podshoh vaziri qaysidir ishda unga muhtoj bo‘lishiga dalildir. Ibn Sirin (r.a.)ning aytishicha, tushdagi Oy podshoh bo‘ladi, xususan, agar u to‘lin Oy bo‘lsa. Tushida Oyning ikkiga bo‘linganini ko‘rsa, podshoh vazirining halok bo‘lishiga dalildir. Agar Oyning o‘zi bilan so‘zlashganini ko‘rsa, odamlar undan zulmga qarshi yordam berishini so‘rab, adolatni qaror topishini iltimos qiladilar. Agar Oy u bilan so‘zlashsa, ulug‘lik topishiga dalildir. Tushida ikkita Oy bir-biri bilan jang qilayotganlarini ko‘rsa, ikki podshoh bir-biri bilan urush qilishlariga dalildir. Agar o‘sha ikkita Oydan birining yiqilganini, parchalanib ketganini yoki nuqson topganini ko‘rsa, o‘sha ikkita podshohdan bittasining podshohlikdan tushishini bildiradi. Jobir Mag‘ribiy (r.a.)ning aytishicha, tushida Oyni qo‘lida tutganini yoki quchog‘iga olganini ko‘rsa, xotin olishini bildiradi. Agar Oy hilol (to‘lmagan) bo‘lsa, oladigan xotini aslu nasabi jihatdan o‘zidan kam bo‘lishiga dalildir. Agar bu tushni ayol kishi ko‘rsa, bo‘lajak eri aytilgan sifatda bo‘lishiga dalildir. Tushida Oyning ravshan va pokiza ekanini va uyga nur sochganini ko‘rsa, o‘sha uydan xotin olishi va undan foydalar ko‘rishiga dalildir. Tushida oyni nimadir tusib qo‘yganini ko‘rsa, podshohning vazirga nisbatan o‘zgarib qolishiga dalildir. Agar Oyning tutilganini ko‘rsa, vazirning ahvoli yomon bo‘lishi va ishdan ketishiga dalildir. Kirmoniy (r.a.)ning aytishicha, tushida Oyning to‘lin oy ekanini, o‘z joyida bo‘lib, nuri uyining oldiga tushib turganini ko‘rsa, o‘sha uy axdi podshoh yoki vazirdan xayru manfaat topishiga dalildir. Agar Oy to‘lin Oy bo‘lib, biroq nursiz ekanini ko‘rsa, unga ranj va yoqimsiz holat yuz berishiga dalildir. Agar hilol Oy o‘z joyidan chiqqanini, nuri ko‘payib borganini yoki to‘lin Oyga aylanganini ko‘rsa, farzand tug‘ilishi va u podshoh yoki vazir bo‘lishiga dalildir. Agar hilol o‘z joyidan chiqmaganini ko‘rsa, farzand tug‘ilishi yoki odamlarni g‘amu anduhga soluvchi bir og‘ir ishga mubtalo bo‘lishiga dalildir. Ba’zi ta’birchilarning aytishicha, kimdir tushida Oyni ko‘rsa, o‘sha diyor podshohining uyida o‘g‘il tug‘ilishini bildiradi. Agar Oy nurining ko‘pligini ko‘rsa, o‘sha farzandining uzoq yashashiga dalildir. Agar Oyni to‘lin holda ko‘rsa, umri o‘rtacha bo‘lishiga dalildir. Agar Oyni nuqsonli holda ko‘rsa, podshoh yoki vazir xizmatida mashg‘ul bo‘lishini bildiradi. Ismoil Apgas (r.a.)ning aytishicha, tushida Oyni qo‘li bilan olganini yoki Oyning quchog‘iga kirganini ko‘rsa, dono va olim farzand tugilishiga dalildir. Agar bu tushni podshoh yaqinlaridan biri ko‘rsa, farzandi podshoh bo‘lishiga dalildir. Tushida Oy, Quyosh hamda barcha yulduzlarni olganini, barchasi qora va xira ekanini ko‘rsa, tush ko‘ruvchining halok bo‘lishini bildiradi, agar tush ko‘ruvchi solih odam bo‘lsa, g‘amu anduhga tushishi bemor bo‘lishiga, oqibat shifo topishiga dalildir. Ja’far Sodiq (r.a.)ning aytishicha, tushda Oyni ko‘rish o‘n yetti narsaga dalildir: podshohga; vazirga; podshoh yaqinlariga; rahbarga; sharaf va obro‘ga; do‘stga; kanizakka; g‘ulomga; yaramas ishga; hokimga; buzg‘unchi olimga; ulug‘ boshliqqa; otaga; onaga, farzandga; ulug‘likka va xotinga
ОЙ (МОҲ) Дониёл (а.с.)нинг айтишларича, тушдаги Ой подшоҳнинг вазиридир. Тушида осмондаги ойни олса ёки уни ўз мулки деб билса, вазир билан душманлашувига далилдир. Тушида ойнинг ўрнида ўзини кўрса, подшоҳ вазири бўлишига далилдир. Тушида Ойнинг нурини йиғиб олганини кўрса, вазирлик ишида бўлишига далилдир. Тушида Ойни осмондан олганини, унда нур йўқлигини, бироқ қоронғи ва хира ҳам эмаслигини кўрса, ғамлардан шодликка чиқишини билдиради. Борди-ю, қоронғи ва хира ҳамда ўз жойида бўлмаса, подшоҳ вазири қайсидир ишда унга муҳтож бўлишига далилдир. Ибн Сирин (р.а.)нинг айтишича, тушдаги Ой подшоҳ бўлади, хусусан, агар у тўлин Ой бўлса. Тушида Ойнинг иккига бўлинганини кўрса, подшоҳ вазирининг ҳалок бўлишига далилдир. Агар Ойнинг ўзи билан сўзлашганини кўрса, одамлар ундан зулмга қарши ёрдам беришини сўраб, адолатни қарор топишини илтимос қиладилар. Агар Ой у билан сўзлашса, улуғлик топишига далилдир. Тушида иккита Ой бир-бири билан жанг қилаётганларини кўрса, икки подшоҳ бир-бири билан уруш қилишларига далилдир. Агар ўша иккита Ойдан бирининг йиқилганини, парчаланиб кетганини ёки нуқсон топганини кўрса, ўша иккита подшоҳдан биттасининг подшоҳликдан тушишини билдиради. Жобир Мағрибий (р.а.)нинг айтишича, тушида Ойни қўлида тутганини ёки қучоғига олганини кўрса, хотин олишини билдиради. Агар Ой ҳилол (тўлмаган) бўлса, оладиган хотини аслу насаби жиҳатдан ўзидан кам бўлишига далилдир. Агар бу тушни аёл киши кўрса, бўлажак эри айтилган сифатда бўлишига далилдир. Тушида Ойнинг равшан ва покиза эканини ва уйга нур сочганини кўрса, ўша уйдан хотин олиши ва ундан фойдалар кўришига далилдир. Тушида ойни нимадир тусиб қўйганини кўрса, подшоҳнинг вазирга нисбатан ўзгариб қолишига далилдир. Агар Ойнинг тутилганини кўрса, вазирнинг аҳволи ёмон бўлиши ва ишдан кетишига далилдир. Кирмоний (р.а.)нинг айтишича, тушида Ойнинг тўлин ой эканини, ўз жойида бўлиб, нури уйининг олдига тушиб турганини кўрса, ўша уй ахди подшоҳ ёки вазирдан хайру манфаат топишига далилдир. Агар Ой тўлин Ой бўлиб, бироқ нурсиз эканини кўрса, унга ранж ва ёқимсиз ҳолат юз беришига далилдир. Агар ҳилол Ой ўз жойидан чиққанини, нури кўпайиб борганини ёки тўлин Ойга айланганини кўрса, фарзанд туғилиши ва у подшоҳ ёки вазир бўлишига далилдир. Агар ҳилол ўз жойидан чиқмаганини кўрса, фарзанд туғилиши ёки одамларни ғаму андуҳга солувчи бир оғир ишга мубтало бўлишига далилдир. Баъзи таъбирчиларнинг айтишича, кимдир тушида Ойни кўрса, ўша диёр подшоҳининг уйида ўғил туғилишини билдиради. Агар Ой нурининг кўплигини кўрса, ўша фарзандининг узоқ яшашига далилдир. Агар Ойни тўлин ҳолда кўрса, умри ўртача бўлишига далилдир. Агар Ойни нуқсонли ҳолда кўрса, подшоҳ ёки вазир хизматида машғул бўлишини билдиради. Исмоил Апгьас (р.а.)нинг айтишича, тушида Ойни қўли билан олганини ёки Ойнинг қучоғига кирганини кўрса, доно ва олим фарзанд тугилишига далилдир. Агар бу тушни подшоҳ яқинларидан бири кўрса, фарзанди подшоҳ бўлишига далилдир. Тушида Ой, Қуёш ҳамда барча юлдузларни олганини, барчаси қора ва хира эканини кўрса, туш кўрувчининг ҳалок бўлишини билдиради, агар туш кўрувчи солиҳ одам бўлса, ғаму андуҳга тушиши бемор бўлишига, оқибат шифо топишига далилдир. Жаъфар Содиқ (р.а.)нинг айтишича, тушда Ойни кўриш ўн етти нарсага далилдир: подшоҳга; вазирга; подшоҳ яқинларига; раҳбарга; шараф ва обрўга; дўстга; канизакка; ғуломга; ярамас ишга; ҳокимга; бузғунчи олимга; улуғ бошлиққа; отага; онага, фарзандга; улуғликка ва хотинга
Tush.UZ - Tushlar tabiri