OSMON Doniyol (a.s.)ning aytishlaricha, kimki o‘zini birinchi osmonda ko‘rsa, ajali yaqinlashib qolganiga dalil bo‘ladi. O‘zini ikkinchi osmonda ko‘rsa, ilmu donish hosil bo‘lishiga dalildir. Agar uchinchi osmonda ko‘rsa, bu dunyoning izzat va iqbolini topadi. Agar o‘zini to‘rtinchi osmonda ko‘rsa, podshohga do‘st va yaqin bo‘ladi. Beshinchi osmonda ko‘rsa, dahshat, qo‘rqinch va vahimaga duchor bo‘ladi. O‘zini oltinchi osmonda ko‘rsa, baxt va davlat, yaxshilik topishiga dalildir. Agar birinchi osmonga chiqsa, biroq eshikni yopiq ko‘rsa, uning ishiga bir ulug‘ kishi sababli to‘siq tushadi. Farishtalar osmondan tushib, oldidan o‘tayotganini ko‘rsa, ilmu hikmat eshiklarining unga ochilishiga dalildir. Ibn Sirin (r.a.) aytadi: Kimki o‘zini osmonda ko‘rsa, birorta safarga chiqadi va bu safardan uning uchun dunyo martabasi va izzat hosil bo‘ladi. Fazoda uchib yurganini ko‘rsa, bu ham ne’matli va barakatli safar bo‘ladi. Qarasaki, tikka uchayotgan va to‘g‘ri osmonga yetib borgan emish, bu ziyon ko‘rishiga dalil bo‘ladi. Yerga qaytib kelmaslik niyati bilan osmonga uchib ketganini ko‘rsa, ulug‘lik va podshohlik topadi, ulug‘ ishlarga kirishadi va murodga yetadi. Osmondan bong va nido kelayotganini eshitsa, xayriyat va salomatlikka dalildir. Osmondan asal yog‘ayotganini ko‘rsa, odamlarga yaxshilik, ne’mat va boylik yetishiga dalolat qiladi. Osmondan qum yoki tuproq yog‘ayotganini ko‘rsa, agar u oz bo‘lsa, yaxshi bo‘ladi, ko‘p bo‘lsa yomon bo‘lishiga dalildir. Osmondan chayon, ilon yoki tosh yog‘ayotganini ko‘rsa, o‘sha diyorga Xudoyi azza va jalla tomonidan azob kelishiga dalildir. Agar osmonda osilib turganini ko‘rsa, ishlari balandlaydi. Jobir Mag‘ribiy (r.a.) aytadi: Agar yettinchi osmondan tepaga chiqib, bir joyni topib, qaytib tushmasa, ajali yaqin va ishlarining oqibati yoqimli bo‘lishiga dalildir. Agar u yerga qaytib kelganini ko‘rsa, zohid bo‘lishiga dalolat qiladi. Agar tush egasi yaxshi odamlardan bo‘lmasa, tavba qilishi yoki halol bo‘lishiga dalolat qiladi. Agar osmondan yerga tushganini ko‘rsa, kasallikdan halokat yoqasiga boradi, undan so‘ng shifo topadi. Er bilan osmon o‘rtasida na g‘isht, na toshdan bo‘lmagan bir qubba yoki ko‘shk borligini ko‘rsa, tush egasining orzu-amallarga g‘ururlanib ketganiga dalil bo‘ladi. Osmon eshiklarining ochiq turganini ko‘rsa, o‘sha yili duolar qabul bo‘lishiga dalildir. Alloh ta’olo aytadi: Biz osmon darvozalarini (tinimsiz) quyiluvchi suv bilan ochib yubordik. Yana yerdan buloqlar chiqarib yubor-dik. Bas, (osmon va Yer) suvi taqdir qilib qo‘yilgan bir ish uzra uchrashdilar (Qamar surasi, 11 — 12-oyatlar). Agar osmonda uning uchun yo o‘sha diyor odamlari uchun eshik ochilganini ko‘rsa, o‘sha diyor odamlariga yaxshilik va ne’mat hosil bo‘lishiga dalildir, xususan, ochilganda yaxshilik asari ma’lum bo‘lsa, yana yaxshi. Agar osmon qulab ketsa, Xudoyi ta’olo unga g‘azab qilishiga dalildir. Imomi Ja’far Sodiq (r.a.) aytadi: Qarasaki, osmonning rangi yashil ekan, o‘sha diyorda omonlik, yaxshilik va tinchlik bo‘lishiga dalildir. Rangi oq ko‘rinsa, o‘sha diyorda ranj va bemorlik bo‘lishiga dalildir. Osmonni qizil rangda ko‘rsa, o‘sha diyorda jang va xunrezlik bo‘lishiga dalildir. Qarasaki, osmon qora rangda ekan, o‘sha diyorda balo va katga fitna bo‘ladi. Ko‘rsaki, osmon avval ko‘rib yuraganidan ham ravshanroq ekan, Xaq ta’olo unga dinda to‘liq ro‘shnolik ato qilishiga dalildir. Osmon eshigi uning qarshisida ochilganini ko‘rsa, olim va hakim bo‘lishiga dalolat qiladi, undan odamlarga ko‘p manfaat yetadi. Agar osmonda ustunlari bilan birga qizil alomatlar bo‘lsa, o‘sha diyorning pokiza odamlariga nusrat bo‘ladi. Agar osmonga talpinayotganini ko‘rsa, bedin va gumroh bo‘ladi. Ismoil Ash’as (r.a.) aytadi: Kimki osmondan toshlarni xuddi yomg‘ir kabi tushayotganini ko‘rsa, o‘sha diyor ahliga og‘ir balo va azob kelishiga dalil bo‘ladi. Alloh ta’olo aytadi: Far-monimiz (azobimiz) kelganida u yerni ostin-ustun qilib yubor-dik va u yerga qizitilgan g‘ishtdan iborat toshlarni paydar-pay yog‘dirdik (Qud surasi, 82-oyat). Agar osmondan bug‘doy va arpa yog‘ilayotganini ko‘rsa, o‘sha diyorda beqiyos alvon ne’matlar bo‘lishi, xalqqa omonlik va kasbu maishat hosil bo‘lishiga dalil bo‘ladi
ОСМОН Дониёл (а.с.)нинг айтишларича, кимки ўзини биринчи осмонда кўрса, ажали яқинлашиб қолганига далил бўлади. Ўзини иккинчи осмонда кўрса, илму дониш ҳосил бўлишига далилдир. Агар учинчи осмонда кўрса, бу дунёнинг иззат ва иқболини топади. Агар ўзини тўртинчи осмонда кўрса, подшоҳга дўст ва яқин бўлади. Бешинчи осмонда кўрса, даҳшат, қўрқинч ва ваҳимага дучор бўлади. Ўзини олтинчи осмонда кўрса, бахт ва давлат, яхшилик топишига далилдир. Агар биринчи осмонга чиқса, бироқ эшикни ёпиқ кўрса, унинг ишига бир улуғ киши сабабли тўсиқ тушади. Фаришталар осмондан тушиб, олдидан ўтаётганини кўрса, илму ҳикмат эшикларининг унга очилишига далилдир. Ибн Сирин (р.а.) айтади: Кимки ўзини осмонда кўрса, бирорта сафарга чиқади ва бу сафардан унинг учун дунё мартабаси ва иззат ҳосил бўлади. Фазода учиб юрганини кўрса, бу ҳам неъматли ва баракатли сафар бўлади. Қарасаки, тикка учаётган ва тўғри осмонга етиб борган эмиш, бу зиён кўришига далил бўлади. Ерга қайтиб келмаслик нияти билан осмонга учиб кетганини кўрса, улуғлик ва подшоҳлик топади, улуғ ишларга киришади ва муродга етади. Осмондан бонг ва нидо келаётганини эшитса, хайрият ва саломатликка далилдир. Осмондан асал ёғаётганини кўрса, одамларга яхшилик, неъмат ва бойлик етишига далолат қилади. Осмондан қум ёки тупроқ ёғаётганини кўрса, агар у оз бўлса, яхши бўлади, кўп бўлса ёмон бўлишига далилдир. Осмондан чаён, илон ёки тош ёғаётганини кўрса, ўша диёрга Худойи азза ва жалла томонидан азоб келишига далилдир. Агар осмонда осилиб турганини кўрса, ишлари баландлайди. Жобир Мағрибий (р.а.) айтади: Агар еттинчи осмондан тепага чиқиб, бир жойни топиб, қайтиб тушмаса, ажали яқин ва ишларининг оқибати ёқимли бўлишига далилдир. Агар у ерга қайтиб келганини кўрса, зоҳид бўлишига далолат қилади. Агар туш эгаси яхши одамлардан бўлмаса, тавба қилиши ёки ҳалол бўлишига далолат қилади. Агар осмондан ерга тушганини кўрса, касалликдан ҳалокат ёқасига боради, ундан сўнг шифо топади. Ер билан осмон ўртасида на ғишт, на тошдан бўлмаган бир қубба ёки кўшк борлигини кўрса, туш эгасининг орзу-амалларга ғурурланиб кетганига далил бўлади. Осмон эшикларининг очиқ турганини кўрса, ўша йили дуолар қабул бўлишига далилдир. Аллоҳ таъоло айтади: Биз осмон дарвозаларини (тинимсиз) қуйилувчи сув билан очиб юбордик. Яна ердан булоқлар чиқариб юбор-дик. Бас, (осмон ва Ер) суви тақдир қилиб қўйилган бир иш узра учрашдилар (Қамар сураси, 11 — 12-оятлар). Агар осмонда унинг учун ё ўша диёр одамлари учун эшик очилганини кўрса, ўша диёр одамларига яхшилик ва неъмат ҳосил бўлишига далилдир, хусусан, очилганда яхшилик асари маълум бўлса, яна яхши. Агар осмон қулаб кетса, Худойи таъоло унга ғазаб қилишига далилдир. Имоми Жаъфар Содиқ (р.а.) айтади: Қарасаки, осмоннинг ранги яшил экан, ўша диёрда омонлик, яхшилик ва тинчлик бўлишига далилдир. Ранги оқ кўринса, ўша диёрда ранж ва беморлик бўлишига далилдир. Осмонни қизил рангда кўрса, ўша диёрда жанг ва хунрезлик бўлишига далилдир. Қарасаки, осмон қора рангда экан, ўша диёрда бало ва катга фитна бўлади. Кўрсаки, осмон аввал кўриб юраганидан ҳам равшанроқ экан, Хақ таъоло унга динда тўлиқ рўшнолик ато қилишига далилдир. Осмон эшиги унинг қаршисида очилганини кўрса, олим ва ҳаким бўлишига далолат қилади, ундан одамларга кўп манфаат етади. Агар осмонда устунлари билан бирга қизил аломатлар бўлса, ўша диёрнинг покиза одамларига нусрат бўлади. Агар осмонга талпинаётганини кўрса, бедин ва гумроҳ бўлади. Исмоил Ашъас (р.а.) айтади: Кимки осмондан тошларни худди ёмғир каби тушаётганини кўрса, ўша диёр аҳлига оғир бало ва азоб келишига далил бўлади. Аллоҳ таъоло айтади: Фар-монимиз (азобимиз) келганида у ерни остин-устун қилиб юбор-дик ва у ерга қизитилган ғиштдан иборат тошларни пайдар-пай ёғдирдик (Қуд сураси, 82-оят). Агар осмондан буғдой ва арпа ёғилаётганини кўрса, ўша диёрда беқиёс алвон неъматлар бўлиши, халққа омонлик ва касбу маишат ҳосил бўлишига далил бўлади
Tush.UZ - Tushlar tabiri