OHU Kirmoniy (r.a.)ning aytishicha, har kim tushida ohuni tutib olsa, chiroyli kanizakni qo‘lga kiritishiga dalildir. Agar ohu tomog‘ining orqa tomonidan so‘yganini ko‘rsa, birorta kanizak bilan shari’atga xilof ravishda qo‘shilishiga dalildir. Ohuning po‘stini shilganini ko‘rsa, begona ayol bilan zino qilishiga dalildir. Agar ohu terisini yeganini ko‘rsa, chiroyli bir ayoldan mol topadi. Agar ohu terisi yoki go‘pggi yoki yog‘iga ega bo‘lganini ko‘rsa, unga ayol kishidan mol yetishiga dalildir. Ohuning o‘ldirganini ko‘rsa, ayol tomonidan g‘am yetishiga dalildir. Ibn Sirin (r.a.) aytadiki, ohuni ovda yiqitganini ko‘rsa, g‘animat (mol) topishiga dalildir. Ohu uning uyida o‘lib qolganini ko‘rsa, xotin sababli qayg‘u alam yetishiga dalildir. Ohuning tosh bilan urganini yoki kamon bilan otganini ko‘rsa, biror ayolga qattiq va nosoz so‘zlar aytishiga dalildir. Jobir Mag‘ribiy (r.a.) aytadiki, qo‘li bilan ohuni tutsa yoki birov unga bersa kanizagidan farzand tug‘ilishiga dalildir. Imomi Ja’far Sodiq (r.a.) aytadiki, tushida ohuni ko‘rmoq to‘rt narsaga dalildir: ayolga; kanizakka; farzandga; ayollardan yetadigan foydaga.
ОҲУ Кирмоний (р.а.)нинг айтишича, ҳар ким тушида оҳуни тутиб олса, чиройли канизакни қўлга киритишига далилдир. Агар оҳу томоғининг орқа томонидан сўйганини кўрса, бирорта канизак билан шариъатга хилоф равишда қўшилишига далилдир. Оҳунинг пўстини шилганини кўрса, бегона аёл билан зино қилишига далилдир. Агар оҳу терисини еганини кўрса, чиройли бир аёлдан мол топади. Агар оҳу териси ёки гўпгги ёки ёғига эга бўлганини кўрса, унга аёл кишидан мол етишига далилдир. Оҳунинг ўлдирганини кўрса, аёл томонидан ғам етишига далилдир. Ибн Сирин (р.а.) айтадики, оҳуни овда йиқитганини кўрса, ғанимат (мол) топишига далилдир. Оҳу унинг уйида ўлиб қолганини кўрса, хотин сабабли қайғу алам етишига далилдир. Оҳунинг тош билан урганини ёки камон билан отганини кўрса, бирор аёлга қаттиқ ва носоз сўзлар айтишига далилдир. Жобир Мағрибий (р.а.) айтадики, қўли билан оҳуни тутса ёки биров унга берса канизагидан фарзанд туғилишига далилдир. Имоми Жаъфар Содиқ (р.а.) айтадики, тушида оҳуни кўрмоқ тўрт нарсага далилдир: аёлга; канизакка; фарзандга; аёллардан етадиган фойдага.
Tush.UZ - Tushlar tabiri