PARI Bilginki, ta’birchilar pari haqida muxollif fikr bayon qiladilar. Ba’zilari dushman desalar, ba’zilari baxt deydilar, ba’zilari esa qilib turgan ishida murod hosil bo‘lishiga dalil bo‘ladi deydilar. Abu Xurrayra (raz.a.) aytadiki, Rasululloh sollallohuu alayhi va sallamdan rivoyat qilishlaricha, tushda parini ko‘rmoq davlat va ulug‘lik bo‘ladi. Unga do‘stlik qilmoq va u bilan so‘zlashmoq shodu xurramlikka dalildir. Muhammad ibn Sirinning aytishicha, tushida parini ko‘rsa va pari xushhulq shodmon va chiroyli bo‘lsa, izzat va davlatga dalildir, agar uni xunuk va g‘amgin holda ko‘rsa, g‘amu qayg‘uga dalildir. Agar parini o‘lik holda ko‘rsa, ishlarini yomon bo‘lishini bildiradi. Agar pari bilan jang qilayotganini ko‘rsa, ishlarida qiyinchilik yuz berishini bildiradi. Kirmoniy (r.a.)ning aytishicha, tushdagi musulmon parilar, do‘stlarning diydorini, baxt va davlatni bildiradi. Kofir parilarini ko‘rmoq dushman diydoridan bo‘yintovlash hamda anduhga dalildir. Doniyol (a.s.) aytadilarki, agar kishi o‘zini parilar orasida ko‘rsa, safarga boradi va bu safar uning uchun muborak bo‘ladi. Agar pari uni bo‘yniga o‘tqazib, olib ketayotganini ko‘rsa, izzat va obro‘ hamda ulug‘likka dalildir. Agar pari uni gardanidan otib yuborganini ko‘rsa, obro‘-e’tiboridan tushadi. Parilar u bilan muloyim so‘zlashayotganini ko‘rsa, ishlari yaxshi bo‘lishiga dalildir. Agar parini chiroyli libosda ko‘rsa, ahvoli yaxshi bo‘lishini bildiradi. Agar parini kir libosda ko‘rsa, ahvoli yomon bo‘lishiga dalildir. Agar pari unga oltin, kumush yoki shunga o‘xshash narsalardan berganini ko‘rsa, davlatu iqboli ziyoda bo‘lishini bildiradi. Jobir ag‘ribiy (r.a.) aytadiki, agar parini bemor yoki o‘lik holda ko‘rsa, ahvoli yomon bo‘lishiga dalildir. Agar parilar podshohi uni e’zoz qilayotganini ko‘rsa, davlatu iqbol topishiga dalildir. Agar pari unga o‘z joyini ko‘rsatsa va o‘zini unga topshirsa va gohida ko‘zdan pinhon bo‘lsa, biror ayolning unga makr va xiyonat qilishiga dalil bo‘ladi. Agar parilarning uyiga borib qolsa, ularni tanisa va bemalol ko‘rayotgan bo‘lsa, musofirlikka .ushishi va ko‘p shaharlarni ko‘rishini bildiradi. Agar pari uni olib ketayotganini ko‘rsa, umid qilmagan joydan murodi hosil bo‘lishiga dalil bo‘ladi. Ja’far Sbdiq (r.a.) aytadiki, tushda parini ko‘rmoq besh narsani bildIradi: bir aziz do‘stni; baxtu davlatni; murodi hosil bo‘ladigan ishni; ulug‘lik va e’tiborni; yolg‘on xabar va botil ishlarni.
ПАРИ Билгинки, таъбирчилар пари ҳақида мухоллиф фикр баён қиладилар. Баъзилари душман десалар, баъзилари бахт дейдилар, баъзилари эса қилиб турган ишида мурод ҳосил бўлишига далил бўлади дейдилар. Абу Хуррайра (раз.а.) айтадики, Расулуллоҳ соллаллоҳуу алайҳи ва салламдан ривоят қилишларича, тушда парини кўрмоқ давлат ва улуғлик бўлади. Унга дўстлик қилмоқ ва у билан сўзлашмоқ шоду хуррамликка далилдир. Муҳаммад ибн Сириннинг айтишича, тушида парини кўрса ва пари хушҳулқ шодмон ва чиройли бўлса, иззат ва давлатга далилдир, агар уни хунук ва ғамгин ҳолда кўрса, ғаму қайғуга далилдир. Агар парини ўлик ҳолда кўрса, ишларини ёмон бўлишини билдиради. Агар пари билан жанг қилаётганини кўрса, ишларида қийинчилик юз беришини билдиради. Кирмоний (р.а.)нинг айтишича, тушдаги мусулмон парилар, дўстларнинг дийдорини, бахт ва давлатни билдиради. Кофир париларини кўрмоқ душман дийдоридан бўйинтовлаш ҳамда андуҳга далилдир. Дониёл (а.с.) айтадиларки, агар киши ўзини парилар орасида кўрса, сафарга боради ва бу сафар унинг учун муборак бўлади. Агар пари уни бўйнига ўтқазиб, олиб кетаётганини кўрса, иззат ва обрў ҳамда улуғликка далилдир. Агар пари уни гарданидан отиб юборганини кўрса, обрў-эътиборидан тушади. Парилар у билан мулойим сўзлашаётганини кўрса, ишлари яхши бўлишига далилдир. Агар парини чиройли либосда кўрса, аҳволи яхши бўлишини билдиради. Агар парини кир либосда кўрса, аҳволи ёмон бўлишига далилдир. Агар пари унга олтин, кумуш ёки шунга ўхшаш нарсалардан берганини кўрса, давлату иқболи зиёда бўлишини билдиради. Жобир ағрибий (р.а.) айтадики, агар парини бемор ёки ўлик ҳолда кўрса, аҳволи ёмон бўлишига далилдир. Агар парилар подшоҳи уни эъзоз қилаётганини кўрса, давлату иқбол топишига далилдир. Агар пари унга ўз жойини кўрсатса ва ўзини унга топширса ва гоҳида кўздан пинҳон бўлса, бирор аёлнинг унга макр ва хиёнат қилишига далил бўлади. Агар париларнинг уйига бориб қолса, уларни таниса ва бемалол кўраётган бўлса, мусофирликка .ушиши ва кўп шаҳарларни кўришини билдиради. Агар пари уни олиб кетаётганини кўрса, умид қилмаган жойдан муроди ҳосил бўлишига далил бўлади. Жаъфар Сбдиқ (р.а.) айтадики, тушда парини кўрмоқ беш нарсани билдИради: бир азиз дўстни; бахту давлатни; муроди ҳосил бўладиган ишни; улуғлик ва эътиборни; ёлғон хабар ва ботил ишларни.
Tush.UZ - Tushlar tabiri