PICHOQ (KORD) Ibn Sirin (r.a.)ning aytishicha, tushdagi pichoq-farzand, qini-xotindir. Tushida pichog‘i borligini va u o‘ziniki ekanligini ko‘rsa, oilasida farzand tug‘ilishiga dalildir. Agar pichoq bilan birga boshqa qurollari ham borligini ko‘rsa, ulug‘lik va izzat topishiga dalildir. Kirmoniy (r.a.)ning aytishicha, tushida qurollanganini va qo‘lida pichoq ham borligini ko‘rsa, birovdan unga himoya va kuvvat yetishiga dalildir. Ba’zilarning aytishicha, g‘ulomiga pichoq yasashni o‘rgatadi. Mag‘ribiy (r.a.)ning aytishicha, tushida pichoqni qinidan chiqarganini ko‘rsa, xotini o‘g‘il tug‘ishiga dalildir. Agar pichog‘i qinida sinib qolganini ko‘rsa, otasi yoki qarindoshlaridan birining otasi o‘lishiga dalildir. Agar pichog‘i bilan o‘z tanasini kesganini ko‘rsa, tanaga yetgan ziyon miqdorida zarar yetishiga dalildir. Agar pichoq bilan birorta narsani taroshlayotganini ko‘rsa, o‘sha narsadan xayru manfaat topishiga dalildir. Agar pichog‘i darz ketganini yoki zang bosganini yoxud birorta ayb yuz berganini ko‘rsa, moliga nuqson yetishini bildiradi. Ja’far Sodiq (r.a.)ning aytishicha, tushdagi pichoq yetti narsaga dalildir: hujjat; farzand; zafar; himoya; aka-uka; quvvat; martaba.
ПИЧОҚ (КОРД) Ибн Сирин (р.а.)нинг айтишича, тушдаги пичоқ-фарзанд, қини-хотиндир. Тушида пичоғи борлигини ва у ўзиники эканлигини кўрса, оиласида фарзанд туғилишига далилдир. Агар пичоқ билан бирга бошқа қуроллари ҳам борлигини кўрса, улуғлик ва иззат топишига далилдир. Кирмоний (р.а.)нинг айтишича, тушида қуролланганини ва қўлида пичоқ ҳам борлигини кўрса, бировдан унга ҳимоя ва кувват етишига далилдир. Баъзиларнинг айтишича, ғуломига пичоқ ясашни ўргатади. Мағрибий (р.а.)нинг айтишича, тушида пичоқни қинидан чиқарганини кўрса, хотини ўғил туғишига далилдир. Агар пичоғи қинида синиб қолганини кўрса, отаси ёки қариндошларидан бирининг отаси ўлишига далилдир. Агар пичоғи билан ўз танасини кесганини кўрса, танага етган зиён миқдорида зарар етишига далилдир. Агар пичоқ билан бирорта нарсани тарошлаётганини кўрса, ўша нарсадан хайру манфаат топишига далилдир. Агар пичоғи дарз кетганини ёки занг босганини ёхуд бирорта айб юз берганини кўрса, молига нуқсон етишини билдиради. Жаъфар Содиқ (р.а.)нинг айтишича, тушдаги пичоқ етти нарсага далилдир: ҳужжат; фарзанд; зафар; ҳимоя; ака-ука; қувват; мартаба.
Tush.UZ - Tushlar tabiri