RO‘ZATUTMOQ (RO‘ZADOShTAN) Ibn Sirin (r.a.) aytadiki, tushida ro‘za tutganini, tasbeh va tahlil aytib, Qur’on o‘qiyotganini ko‘rsa, gunoh hamda haromdan tavba qilishini bildiradi. Tushida ro‘za tutganini, biroq odamlarni g‘iybat qilib, behayo so‘zlarni aytayotganini ko‘rsa, toatni riyo bilan qilishiga va din yo‘lida sodiq emasligiga dalildir. Kirmoniy (r.a.) aytadiki, tushida ro‘za oyi ekanini ko‘rsa, qimmatchilik va taomlarning tanqis bo‘lishiga dalildir, boshqalarning aytishicha, dinning durustligini, g‘amlardan ozod bo‘lishini hamda qarzlardan qutilishini bildiradi. Ja’far Sodiq (r.a.) aytadiki, tushda ro‘za tutmoq o‘n narsani bildiradi: ulug‘likni; rayosatni; tandurustlikni; martabani; tavbani; zafarni; ne’matni; Hajni, g‘azavotni; o‘g‘ilni. Tushida esida yo‘q ro‘zasini ochib yuborganini ko‘rsa, yaxshi kishi hamda halol rizqqa dalildir. Tushida ro‘zasini qasddan ochib yuborganini ko‘rsa, safarda ofatlarga uchrashi yoki kasal bo‘lishiga dalildir. Tushida ikki oy ro‘za tutganini ko‘rsa, gunohdan tavba qilishini bildiradi. Tushida nafl (qo‘shimcha) ro‘za tutganini ko‘rsa, kasallikdan omon bo‘lishiga dalildir. Tushida bir yil paydarpay ro‘za tutganini ko‘rsa, Haj qilishiga dalildir. Tushida Ashur oyi ro‘zasini tutganini ko‘rsa, g‘amu anduhdan qutilishiga dalildir.
РЎЗАТУТМОҚ (РЎЗАДОШТАН) Ибн Сирин (р.а.) айтадики, тушида рўза тутганини, тасбеҳ ва таҳлил айтиб, Қуръон ўқиётганини кўрса, гуноҳ ҳамда ҳаромдан тавба қилишини билдиради. Тушида рўза тутганини, бироқ одамларни ғийбат қилиб, беҳаё сўзларни айтаётганини кўрса, тоатни риё билан қилишига ва дин йўлида содиқ эмаслигига далилдир. Кирмоний (р.а.) айтадики, тушида рўза ойи эканини кўрса, қимматчилик ва таомларнинг танқис бўлишига далилдир, бошқаларнинг айтишича, диннинг дурустлигини, ғамлардан озод бўлишини ҳамда қарзлардан қутилишини билдиради. Жаъфар Содиқ (р.а.) айтадики, тушда рўза тутмоқ ўн нарсани билдиради: улуғликни; раёсатни; тандурустликни; мартабани; тавбани; зафарни; неъматни; Ҳажни, ғазавотни; ўғилни. Тушида эсида йўқ рўзасини очиб юборганини кўрса, яхши киши ҳамда ҳалол ризққа далилдир. Тушида рўзасини қасддан очиб юборганини кўрса, сафарда офатларга учраши ёки касал бўлишига далилдир. Тушида икки ой рўза тутганини кўрса, гуноҳдан тавба қилишини билдиради. Тушида нафл (қўшимча) рўза тутганини кўрса, касалликдан омон бўлишига далилдир. Тушида бир йил пайдарпай рўза тутганини кўрса, Ҳаж қилишига далилдир. Тушида Ашур ойи рўзасини тутганини кўрса, ғаму андуҳдан қутилишига далилдир.
Tush.UZ - Tushlar tabiri