BARMOQLAR (ANGUShTON) — Ibn Sirin (r.a.) aytadi: O‘ng qo‘lning besh barmog‘i besh vaqt namozga, chap qo‘lning besh barmog‘i bolalar hamda aka-ukalarga dalil bo‘ladi. Ba’zi ta’birchilarning aytishicha, bosh barmoq bomdod namoziga, ko‘rsatgich barmoq peshin namoziga, o‘rta barmoq asr namoziga, nomsiz barmoq shom namoziga va jimjiloq xuftan namoziga dalolat qiladi. Agar o‘ng qo‘lining barmoqlari bo‘lmasa, farzandi yoki akaukasining farzandiga musibat yetadi. Kirmoniy (r.a.) aytadi: Barmoqlarini yig‘ib turganini ko‘rsa, kambag‘al bo‘lishiga dalildir. Barmoqlarini bir-biriga bog‘lab tush ko‘rsa, aka-ukalarining yoki farzandining ishlarini tuzatadi. Jobir Mag‘ribiy (r.a.) aytadi: Agar bosh barmog‘ini kesilgan ko‘rsa, molining quvvati bo‘ladi. Ko‘rsatgich barmog‘ining kesilganini ko‘rsa, farz namozlarida nuqsonga yo‘l qo‘yishiga dalildir. O‘rta barmog‘i kesilganini ko‘rsa, shahrida podshoh yoki bir ulug‘ kishining o‘lishiga dalildir. Nomsiz barmog‘ining kesilganini ko‘rsa, moliga ziyon tushadi. Jimjilog‘ining kesilganini ko‘rsa, tug‘ilgan bolasi o‘lishiga belgidir . Ismoil Ash’as (r.a.) aytadi: Oyoq barmoqlari ziynat va oroyishga dalil bo‘ladi. Agar oyoq barmoqlarini yo‘g‘on va kuchli holda ko‘rsa, erlik ishlari soz bo‘lishiga dalildir. Oyoq barmoqlariga ofat yetgani va yura olmayotganini ko‘rsa, moli sababli unga qattiq g‘am yetishiga dalildir . Qazrati Sodiq (r.a.)ning aytishicha, barmoqlar tushda olti narsaga belgidir: farzandga; aka-ukalarga; xodimlarga; do‘stlarga; kuch-quvvatg va besh vaqt namozga. Agar barmog‘ining tushib qolganini yoki kesilganini ko‘rsa, aytganimizdek, shu barmoqqa taalluqli narsadan ajraydi. Barmog‘ining sinib qolganini ko‘rsa, ahli oilasidan bir kishining o‘lishiga dalil bo‘ladi. Xalaf Isfahoniy aytadi: Besh barmog‘idan sut oqayotganini yoki ko‘rsatgich barmog‘idan qon ketayotganini ko‘rsa, qaynonasi bilan buzuq ish qilishiga dalil bo‘ladi.
БАРМОҚААР (АНГУШТОН) — Ибн Сирин (р.а.) айтади: Ўнг қўлнинг беш бармоғи беш вақт намозга, чап қўлнинг беш бармоғи болалар ҳамда ака-укаларга далил бўлади. Баъзи таъбирчиларнинг айтишича, бош бармоқ бомдод намозига, кўрсатгич бармоқ пешин намозига, ўрта бармоқ аср намозига, номсиз бармоқ шом намозига ва жимжилоқ хуфтан намозига далолат қилади. Агар ўнг қўлининг бармоқлари бўлмаса, фарзанди ёки акаукасининг фарзандига мусибат етади. Кирмоний (р.а.) айтади: Бармоқларини йиғиб турганини кўрса, камбағал бўлишига далилдир. Бармоқларини бир-бирига боғлаб туш кўрса, ака-укаларининг ёки фарзандининг ишларини тузатади. Жобир Мағрибий (р.а.) айтади: Агар бош бармоғини кесилган кўрса, молининг қуввати бўлади. Кўрсатгич бармоғининг кесилганини кўрса, фарз намозларида нуқсонга йўл қўйишига далилдир. Ўрта бармоғи кесилганини кўрса, шаҳрида подшоҳ ёки бир улуғ кишининг ўлишига далилдир. Номсиз бармоғининг кесилганини кўрса, молига зиён тушади. Жимжилоғининг кесилганини кўрса, туғилган боласи ўлишига белгидир . Исмоил Ашъас (р.а.) айтади: Оёқ бармоқлари зийнат ва оройишга далил бўлади. Агар оёқ бармоқларини йўғон ва кучли ҳолда кўрса, эрлик ишлари соз бўлишига далилдир. Оёқ бармоқларига офат етгани ва юра олмаётганини кўрса, моли сабабли унга қаттиқ ғам етишига далилдир . Қазрати Содиқ (р.а.)нинг айтишича, бармоқлар тушда олти нарсага белгидир: фарзандга; ака-укаларга; ходимларга; дўстларга; куч-қувватг ва беш вақт намозга. Агар бармоғининг тушиб қолганини ёки кесилганини кўрса, айтганимиздек, шу бармоққа тааллуқли нарсадан ажрайди. Бармоғининг синиб қолганини кўрса, аҳли оиласидан бир кишининг ўлишига далил бўлади. Халаф Исфаҳоний айтади: Беш бармоғидан сут оқаётганини ёки кўрсатгич бармоғидан қон кетаётганини кўрса, қайнонаси билан бузуқ иш қилишига далил бўлади.
Tush.UZ - Tushlar tabiri