SEL (SEL) Tushdagi sel — katta dushman yoki zolim podshohdir. Agar tushida sel bilan ovora bo‘layotganini ko‘rsa, dushman bilan olishuvga dalildir. Agar seldan chiqib olganini ko‘rsa, dushman ustidan zafar topishiga dalildir. Selni sovuq mamlakatda ko‘rish g‘amu anduh, issiq mamlakatda ko‘rish foyda va shodlikdir. Agar selni uyiga yoki ko‘chasiga kirib kelganini ko‘rsa, shodlik va kushoyishni bildiradi. Alloh ta’olo aytadi: Biz osmon darvozalarini (tinimsiz) quyiluvchi suv bilan ochib yubordik (Qamar surasi, 11-oyat). Jobir (r.a.)ning aytishicha, tushida selning bir joyni xarob qilganini ko‘rsa, o‘sha yerdagi odamlarga podshoxdan foyda yetishiga dalildir. Ja’far Sodiq (r.a.)ning aytishicha. Tushdagi sel to‘rt narsani bildiradi: katta dushmanni; zolim podshohni; g‘olib lashkarni; fitna va baloni.
СЕЛ (СЕЛ) Тушдаги сел — катта душман ёки золим подшоҳдир. Агар тушида сел билан овора бўлаётганини кўрса, душман билан олишувга далилдир. Агар селдан чиқиб олганини кўрса, душман устидан зафар топишига далилдир. Селни совуқ мамлакатда кўриш ғаму андуҳ, иссиқ мамлакатда кўриш фойда ва шодликдир. Агар селни уйига ёки кўчасига кириб келганини кўрса, шодлик ва кушойишни билдиради. Аллоҳ таъоло айтади: Биз осмон дарвозаларини (тинимсиз) қуйилувчи сув билан очиб юбордик (Қамар сураси, 11-оят). Жобир (р.а.)нинг айтишича, тушида селнинг бир жойни хароб қилганини кўрса, ўша ердаги одамларга подшохдан фойда етишига далилдир. Жаъфар Содиқ (р.а.)нинг айтишича. Тушдаги сел тўрт нарсани билдиради: катта душманни; золим подшоҳни; ғолиб лашкарни; фитна ва балони.
Tush.UZ - Tushlar tabiri