SON (RON) (Tana a’zosi) Ibn Sirin (r.a.) aytadiki, tushdagi son qarindoshlarning quvvatiga dalildir. Tushida sonining singanini yoki tushib qolganini ko‘rsa, qarindoshlaridan judo bo‘lishini, tani zaiflashishini, g‘urbatda halok bo‘lishini bildiradi. Tushida birovning sonini tilib tashlaganini ko‘rsa ham shu ta’birni bildiradi. Kirmoniy (r.a.) aytadiki, tushdagi o‘ng son ota tomonidan bo‘lgan qarindoshlarga, chap son ona tomonidan bo‘lgan qarindoshlarga dalildir. Tushida sonining ingichkalashib qolganini ko‘rsa, qarindoshlarining ishlari zaif bo‘lishini bildiradi. Tushida soni kesilganini ko‘rsa, qarindoshlaridan uzoqlik qidirishini bildiradi. Tushida soni sinib ketganini ko‘rsa, bir ulug‘ martabali kishidan xorlik tortishiga dalildir. Tushida sonidagi go‘shtlari tushib ketganini ko‘rsa, qarindoshlarining mollari yo‘q bo‘lishini bildiradi. Jobir Mag‘ribiy (r.a.)ning aytishicha, tushida sonlari iplar bilan bog‘langanini ko‘rsa, qarindoshlaridan ajralib qolmasligi va nikoh bilan bog‘lanishini bildiradi. Tushida sonining go‘shtidan yeyayotganini ko‘rsa, yeganiga qarab, o‘z qarindoshlarining molidan yeyishini bildiradi. HIKOYaT, Hikoya qilishlaricha, bir kishi Ibn Sirin (r.a.)ning oldiga kelib: Tushimda sonimdan teshik ochilganini va uning yuzidan mo‘ylar o‘sib chiqqanini ko‘rdim, bir kishiga sonimdagi mo‘ylarni qirib tashlashni buyurdim, — dedi. Ibn Sirin (r.a.) unga: Sening qarzing bor ekan, yaqinlaringdan bir kishi qarzingni to‘lab yuboradi,-dedi. O‘sha oyda uning qarindoshlaridan biri kelib, ikki yuz dinor qarzini to‘lab berdi. Ja’far Sodiq (r.a.) aytadiki, tushda sonni ko‘rish to‘rt narsani bildiradi: ahli oilani; ishonish mumkin bo‘lgan do‘stlarni; molni va g‘azabni.
СОН (РОН) (Тана аъзоси) Ибн Сирин (р.а.) айтадики, тушдаги сон қариндошларнинг қувватига далилдир. Тушида сонининг синганини ёки тушиб қолганини кўрса, қариндошларидан жудо бўлишини, тани заифлашишини, ғурбатда ҳалок бўлишини билдиради. Тушида бировнинг сонини тилиб ташлаганини кўрса ҳам шу таъбирни билдиради. Кирмоний (р.а.) айтадики, тушдаги ўнг сон ота томонидан бўлган қариндошларга, чап сон она томонидан бўлган қариндошларга далилдир. Тушида сонининг ингичкалашиб қолганини кўрса, қариндошларининг ишлари заиф бўлишини билдиради. Тушида сони кесилганини кўрса, қариндошларидан узоқлик қидиришини билдиради. Тушида сони синиб кетганини кўрса, бир улуғ мартабали кишидан хорлик тортишига далилдир. Тушида сонидаги гўштлари тушиб кетганини кўрса, қариндошларининг моллари йўқ бўлишини билдиради. Жобир Мағрибий (р.а.)нинг айтишича, тушида сонлари иплар билан боғланганини кўрса, қариндошларидан ажралиб қолмаслиги ва никоҳ билан боғланишини билдиради. Тушида сонининг гўштидан еяётганини кўрса, еганига қараб, ўз қариндошларининг молидан ейишини билдиради. ҲИКОЯТ, Ҳикоя қилишларича, бир киши Ибн Сирин (р.а.)нинг олдига келиб: Тушимда сонимдан тешик очилганини ва унинг юзидан мўйлар ўсиб чиққанини кўрдим, бир кишига сонимдаги мўйларни қириб ташлашни буюрдим, — деди. Ибн Сирин (р.а.) унга: Сенинг қарзинг бор экан, яқинларингдан бир киши қарзингни тўлаб юборади,-деди. Ўша ойда унинг қариндошларидан бири келиб, икки юз динор қарзини тўлаб берди. Жаъфар Содиқ (р.а.) айтадики, тушда сонни кўриш тўрт нарсани билдиради: аҳли оилани; ишониш мумкин бўлган дўстларни; молни ва ғазабни.
Tush.UZ - Tushlar tabiri