SUV (OB) Ibn Sirrin (r.a.)ning aytishicha, agar suv ustida, masalan, daryo, anhor va shunga o‘xshashlar ustida yurib ketayotganini ko‘rsa, uning iymoni baquvvat va e’tiqodi pok bo‘lishiga dalildir. Agar toza va shirin suvdan to‘yib-to‘yib ichganini ko‘rsa, umri uzun va maishati xush bo‘lishiga dalolat qiladi. Agar loyqa yoki igo‘r suv ichayotganini ko‘rsa, ta’biri buning aksidir. Daryodan toza suv ichayotganini ko‘rsa, ichgan suvi miqdoriga qarab podshoxdan molu ne’mat topadi. Agar daryo suvining hammasini ichib yuborganini ko‘rsa, butun jahon podshohligini topadi. Ba’zilarning aytishicha, suv toza va sof bo‘lsa, ichgan suvi miqdoricha mol va ne’mat hosil bo‘ladi, bordi-yu, loyqa va xira bo‘lsa, topadigan narsasi ranj, mashaqqat va qo‘rqinch bilan qo‘lga kiradi. Kirmoniy (r.a.)ning aytishicha, issiq suv ichayotgan bo‘lsa, bemor bo‘lishi va mashaqqat tortishiga dalil bo‘ladi. Uning ustiga qaynoq suv qo‘yib yuborsalar va u bundan bexabar bo‘lsa, bemor bo‘lishi yoki qatgiq g‘am tortishiga dalildir. Suvga yiqilib tushganini ko‘rsa, ranju g‘amga giriftor bo‘ladi. Agar qadaxda suv olganini ko‘rsa, boylik va hayot zavqiga maftun bo‘lishiga dalildir. Agar shisha idishda' xotiniga suv berayotganini ko‘rsa, bunda shisha idishni ayolga nisbat beradilar, shisha idishdagi suv esa ona qornidagi farzand va bolaga nisbatdir. Agar kosa sinib, suv to‘kilib ketganini ko‘rsa, xotini o‘lib, bolasi tirik qolishiga dalildir. Agar suv to‘kilib, kosa butun qolsa.unda bolasi o‘lib, xotini tirik qolishiga dalolat qiladi. Odamlarga tekinga suv ulashayotganini ko‘rsa, bu dunyo va oxiratda uning yaxshiligi odamlarga yetadi va xarob joyni obod qiladi. Ichiga suv kirgan xonaga kirganini ko‘rsa g‘amgin bo‘lishi va xayolga cho‘milishiga dalildir. Piyoladan xuddi itga o‘xshab suv ichayotganini ko‘rsa, hayotni ayshu ishrat bilan o‘tkazadi, biroq balo va fitnaga sabab bo‘ladigan bir ish qiladiki, natijada to‘plangan molmulkini oz-ozdan odamlarga beradi va yaxshilik yo‘liga xarj qiladi. Jobir Mag‘ribiy (r.a.)ning aytishicha, suvning o‘z muddatida ko‘payganini ko‘rsa, yil yaxshi keladi, ne’mat ko‘p bo‘ladi. Yerni sug‘oriyotgan va yerga kirib ketayotgan ko‘p suvni ko‘rsa, oddiy xalqning salomat va tinch bo‘lishiga dalildir. Alloh ta’olo aytadi: (So‘ngra) aytildi: Ey, Yer! Suvingni yutgin! Ey, osmon! O‘zin-gni tutgin (yog‘ishni bas qil!). . . (Hud surasi, 44-oyat). Agar suv odamlar boshidan oshib kelayotganini ko‘rsa, o‘sha diyorda yil keng va farovonlik bo‘ladi. Alloh ta’olo aytadi: Biz (osmondan) suvni mo‘l yog‘dirdik (Abasa surasi, 25-oyat). Agar uyida toza suvni ko‘rsa, ne’mat va xurramlik topadi. Uyida loyqa suv turganini ko‘rsa, ta’biri aksincha bo‘ladi. Doniyol (a.s.) aytadilarki, ariq va anhorlardan bog‘ va ekinzorlarni sug‘orish molu dunyo va g‘amlardan qutulishga dalildir. Odamlarga suv berish esa dinu diyonat va yoqimli ishlarni amalga oshirishga dalil. Suv ichida yurganini, yurgan paytda tanasi baquvvat ekanini ko‘rsa, bir boshliq tomonidan og‘ir ishga qo‘l uradi va bu ishda uning so‘zi maqbul bo‘ladi. Suv ichida ketayotganini, tanasi esa yopiq ekanini ko‘rsa, dini baquvvat ekani va Xudoyi ta’ologa tavakkul qilishga va ishlari joyida bo‘lishiga dalildir. Suvni bog‘ sari olib ketayotganini ko‘rsa, xotin oladi yoki kanizak sotib oladi. Agar tushida birovning suvni o‘ziga to‘kib yuborganini ko‘rsa, o‘sha kishidan xayru manfaat ko‘radi. Loyqa suv to‘kkanini ko‘rsa, ta’biri buning aksidir. Xazrati Sodiq (r.a.)ning iltifot qilib aytishlaricha, suv ichiga kirishni ta’birchilar beshta sababga yo‘yadilar: ishonch; quvvat; og‘ir ish; xodimlik; shahar hokimidan yetadigan amal.
СУВ (ОБ) Ибн Сиррин (р.а.)нинг айтишича, агар сув устида, масалан, дарё, анҳор ва шунга ўхшашлар устида юриб кетаётганини кўрса, унинг иймони бақувват ва эътиқоди пок бўлишига далилдир. Агар тоза ва ширин сувдан тўйиб-тўйиб ичганини кўрса, умри узун ва маишати хуш бўлишига далолат қилади. Агар лойқа ёки игўр сув ичаётганини кўрса, таъбири бунинг аксидир. Дарёдан тоза сув ичаётганини кўрса, ичган суви миқдорига қараб подшохдан молу неъмат топади. Агар дарё сувининг ҳаммасини ичиб юборганини кўрса, бутун жаҳон подшоҳлигини топади. Баъзиларнинг айтишича, сув тоза ва соф бўлса, ичган суви миқдорича мол ва неъмат ҳосил бўлади, борди-ю, лойқа ва хира бўлса, топадиган нарсаси ранж, машаққат ва қўрқинч билан қўлга киради. Кирмоний (р.а.)нинг айтишича, иссиқ сув ичаётган бўлса, бемор бўлиши ва машаққат тортишига далил бўлади. Унинг устига қайноқ сув қўйиб юборсалар ва у бундан бехабар бўлса, бемор бўлиши ёки қатгиқ ғам тортишига далилдир. Сувга йиқилиб тушганини кўрса, ранжу ғамга гирифтор бўлади. Агар қадахда сув олганини кўрса, бойлик ва ҳаёт завқига мафтун бўлишига далилдир. Агар шиша идишда' хотинига сув бераётганини кўрса, бунда шиша идишни аёлга нисбат берадилар, шиша идишдаги сув эса она қорнидаги фарзанд ва болага нисбатдир. Агар коса синиб, сув тўкилиб кетганини кўрса, хотини ўлиб, боласи тирик қолишига далилдир. Агар сув тўкилиб, коса бутун қолса.унда боласи ўлиб, хотини тирик қолишига далолат қилади. Одамларга текинга сув улашаётганини кўрса, бу дунё ва охиратда унинг яхшилиги одамларга етади ва хароб жойни обод қилади. Ичига сув кирган хонага кирганини кўрса ғамгин бўлиши ва хаёлга чўмилишига далилдир. Пиёладан худди итга ўхшаб сув ичаётганини кўрса, ҳаётни айшу ишрат билан ўтказади, бироқ бало ва фитнага сабаб бўладиган бир иш қиладики, натижада тўпланган молмулкини оз-оздан одамларга беради ва яхшилик йўлига харж қилади. Жобир Мағрибий (р.а.)нинг айтишича, сувнинг ўз муддатида кўпайганини кўрса, йил яхши келади, неъмат кўп бўлади. Ерни суғориётган ва ерга кириб кетаётган кўп сувни кўрса, оддий халқнинг саломат ва тинч бўлишига далилдир. Аллоҳ таъоло айтади: (Сўнгра) айтилди: Эй, Ер! Сувингни ютгин! Эй, осмон! Ўзин-гни тутгин (ёғишни бас қил!). . . (Ҳуд сураси, 44-оят). Агар сув одамлар бошидан ошиб келаётганини кўрса, ўша диёрда йил кенг ва фаровонлик бўлади. Аллоҳ таъоло айтади: Биз (осмондан) сувни мўл ёғдирдик (Абаса сураси, 25-оят). Агар уйида тоза сувни кўрса, неъмат ва хуррамлик топади. Уйида лойқа сув турганини кўрса, таъбири аксинча бўлади. Дониёл (а.с.) айтадиларки, ариқ ва анҳорлардан боғ ва экинзорларни суғориш молу дунё ва ғамлардан қутулишга далилдир. Одамларга сув бериш эса дину диёнат ва ёқимли ишларни амалга оширишга далил. Сув ичида юрганини, юрган пайтда танаси бақувват эканини кўрса, бир бошлиқ томонидан оғир ишга қўл уради ва бу ишда унинг сўзи мақбул бўлади. Сув ичида кетаётганини, танаси эса ёпиқ эканини кўрса, дини бақувват экани ва Худойи таъолога таваккул қилишга ва ишлари жойида бўлишига далилдир. Сувни боғ сари олиб кетаётганини кўрса, хотин олади ёки канизак сотиб олади. Агар тушида бировнинг сувни ўзига тўкиб юборганини кўрса, ўша кишидан хайру манфаат кўради. Лойқа сув тўкканини кўрса, таъбири бунинг аксидир. Хазрати Содиқ (р.а.)нинг илтифот қилиб айтишларича, сув ичига киришни таъбирчилар бешта сабабга йўядилар: ишонч; қувват; оғир иш; ходимлик; шаҳар ҳокимидан етадиган амал.
Tush.UZ - Tushlar tabiri